Bengaluru-Mysuru Expressway: ಒನ್ಸೈಡ್ ಪ್ರಯಾಣಕ್ಕೆ ಎಷ್ಟು ಟೋಲ್? ಟ್ವಿಟರ್ನಲ್ಲಿ ಸವಾರರ ಆಕ್ರೋಶವೇಕೆ?
ಬೆಂಗಳೂರು, ಜುಲೈ 04: ಬೆಂಗಳೂರು-ಮೈಸೂರು ಎಕ್ಸ್ಪ್ರೆಸ್ವೇ ಎರಡನೇ ವಿಭಾಗದಲ್ಲಿ ಮತ್ತೊಂದು ಟೋಲ್ ಪ್ಲಾಜಾ ಕಾರ್ಯಾಚರಿಸುವುದರಿಂದ ಎರಡು ನಗರಗಳ ನಡುವಿನ ಏಕಮುಖ ಪ್ರಯಾಣ ದುಬಾರಿಯಾಗಿದೆ. ಎಕ್ಸ್ಪ್ರೆಸ್ವೇಯಲ್ಲಿ ಅಸ್ತಿತ್ವದಲ್ಲಿರುವ ಟೋಲ್ಗಳ ದರದ ಬಗ್ಗೆ ಬಹುತೇಕ ಸವಾರರು ತಮ್ಮ ಕೋಪವನ್ನು ವ್ಯಕ್ತಪಡಿಸಿದ್ದಾರೆ.
ಈ ಕುರಿತು ಟ್ವಿಟರ್ನಲ್ಲಿ ಆಕ್ರೋಶ ವ್ಯಕ್ತಪಡಿಸಿರುವ ಟೆಕ್ಕಿ ರೋಹಿತ್, ಟೋಲ್ ಸಂಗ್ರಹವನ್ನು 'ಹಗಲು ದರೋಡೆ' ಎಂದು ಕರೆದಿದ್ದಾರೆ.
'ಹೌದು, ನಾನು ನಿನ್ನೆ ಬೆಂಗಳೂರು-ಮೈಸೂರು ಎಕ್ಸ್ಪ್ರೆಸ್ವೇಯಲ್ಲಿ ಟೋಲ್ ಶುಲ್ಕವಾಗಿ 320 ಪಾವತಿಸಿದ್ದೇನೆ' ಎಂದು ರೋಹಿತ್ ಟ್ವೀಟ್ ಮಾಡಿದ್ದಾರೆ.
'ಇದು ಹಗಲು ಲೂಟಿ: 140 ಕಿಮೀ - 320 ರೂಪಾಯಿ ಟೋಲ್ ಶುಲ್ಕ್' ಎಂದು ಬರೆದುಕೊಂಡಿದ್ದಾರೆ.
ರೋಹಿತ್ಗೆ ಪ್ರತಿಕ್ರಿಯಿಸಿರುವ ಮಾಜಿ ಪತ್ರಕರ್ತರೊಬ್ಬರು, 'ಎಕ್ಸ್ಪ್ರೆಸ್ವೇ ಉದ್ದ ಕೇವಲ 110 ಕಿಮೀ. ನೀವು ಕಟ್ಟಿದ ಟೋಲ್ ದರ ರೂ 320. ಇದು ವರ್ಕ್ ಔಟ್ ಆಗದ ಕೆಲಸ. ಇದು ಯೋಗ್ಯವಲ್ಲದ ಟೋಲ್ ದರ. ನೀವು ಟೋಲ್ ಇಲ್ಲದ ರಸ್ತೆಗಳಲ್ಲಿ ಹೋಗಬಹುದು' ಎಂದು ಹೇಳಿದ್ದಾರೆ.
ಅದಕ್ಕಾಗಿಯೇ ಇದನ್ನು ಎಕ್ಸ್ಪ್ರೆಸ್ವೇ ಎಂದು ಕರೆಯಲಾಗುತ್ತದೆ ಎಂದು ರಾಮಕೃಷ್ಣ ಅಯ್ಯರ್ ಟ್ವೀಟ್ ಮಾಡಿದ್ದಾರೆ. 'ಟೋಲ್ ಪಾವತಿಸಲು ಬಯಸುವುದಿಲ್ಲ, ಪರ್ಯಾಯ ರಸ್ತೆಗಳನ್ನು ಬಳಸಿ, ಸಾಕಷ್ಟು ಇವೆ. ನೀವು ಉಚಿತವಾಗಿ ಉತ್ತಮ ಗುಣಮಟ್ಟದ ರಸ್ತೆಗಳನ್ನು ಬಯಸುತ್ತೀರಿ, ಆದರೆ ಪಾವತಿಸಲು ಬಯಸುವುದಿಲ್ಲ' ಎಂದು ತಿಳಿಸಿದ್ದಾರೆ.
'ಹಳದಿ ಬೋರ್ಡ್ ಕ್ಯಾಬ್ ಚಾಲಕರಿಂದ ಎಕ್ಸ್ಪ್ರೆಸ್ ಮಾರ್ಗವನ್ನು ಹೇಗೆ ಬಳಸುವುದು ಎಂಬುದರ ಕುರಿತು ಸಲಹೆಗಳನ್ನು ತೆಗೆದುಕೊಳ್ಳಿ. ಅವರು ಇನ್ನೂ ಟೋಲ್ ಪಾವತಿಸುವುದಿಲ್ಲ. ಎಲ್ಲರಿಗೂ ತಿಳಿದಿಲ್ಲದ ದೊಡ್ಡ ಲೋಪದೋಷವಿದೆ' ಎಂದು ಇನ್ನೊಬ್ಬರು ಪ್ರತಿಕ್ರಿಯಿಸಿದ್ದಾರೆ.
ಎಕ್ಸ್ಪ್ರೆಸ್ವೇನಲ್ಲಿ ಪ್ರಯಾಣಿಸಲು ಎಷ್ಟು ವೆಚ್ಚ?
ಜುಲೈ 1 ರಂದು, ಎಕ್ಸ್ಪ್ರೆಸ್ವೇಯ ಎರಡನೇ ವಿಭಾಗದಲ್ಲಿ ಮಂಡ್ಯದ ಶ್ರೀರಂಗಪಟ್ಟಣದ ಬಳಿ ಗಣಂಗೂರು ಟೋಲ್ ಪ್ಲಾಜಾದಲ್ಲಿ ಟೋಲ್ ಸಂಗ್ರಹಿಸಲು ಪ್ರಾರಂಭಿಸಲಾಯಿತು. ಇದು ನಿಡಘಟ್ಟದಿಂದ ಮೈಸೂರಿಗೆ ಪ್ರಯಾಣವಾಗಿದೆ.
ಎಕ್ಸ್ಪ್ರೆಸ್ವೇಯ ಮೊದಲ ವಿಭಾಗ - ಬೆಂಗಳೂರುನಿಂದ ನಿಡಘಟ್ಟವಾಗಿದೆ, ಬೆಂಗಳೂರು ನಗರದಲ್ಲಿರುವ ಕಣಿಮಿಣಿಕೆ ಪ್ಲಾಜಾ ಮತ್ತು ರಾಮನಗರದ ಶೇಷಗಿರಿಹಳ್ಳಿ ಪ್ಲಾಜಾದಲ್ಲಿ ಟೋಲ್ಗಳನ್ನು ಸಂಗ್ರಹಿಸಲಾಗುತ್ತದೆ. ಮಾರ್ಚ್ 27 ರ ಅಧಿಸೂಚನೆಯಲ್ಲಿ 22 ಪ್ರತಿಶತದಷ್ಟು ಟೋಲ್ಗಳನ್ನು ಪರಿಷ್ಕರಿಸಲಾಯಿತು. ಜೂನ್ನಲ್ಲಿ ಮೊದಲ ವಿಭಾಗದಲ್ಲಿ ಸಂಗ್ರಹವನ್ನು ಪ್ರಾರಂಭಿಸಲಾಯಿತು.
ಕಾರುಗಳು, ಜೀಪ್ಗಳು ಮತ್ತು ಇತರ ಲಘು ಮೋಟಾರು ವಾಹನಗಳಿಗೆ (ಎಲ್ಎಂವಿ) ಒಂದು ಮಾರ್ಗದ ಪ್ರಯಾಣಕ್ಕೆ ಪಾವತಿಸಬೇಕಾದ ಒಟ್ಟು ಟೋಲ್ 320 ರೂ ಆಗಿದ್ದರೆ, ಅದೇ ದಿನ ಹಿಂದಿರುಗುವ ಪ್ರಯಾಣಕ್ಕೆ ರೂ 485 ವೆಚ್ಚವಾಗುತ್ತದೆ.
Click it and Unblock the Notifications
Sign in with Google