Cyclone MONTHA: ಸೈಕ್ಲೋನ್ ಪ್ರಭಾವ, ಬೆಂಗಳೂರು ರೈಲುಗಳ ಸಂಚಾರ 12 ಗಂಟೆ ವಿಳಂಬ, ವೇಳಾಪಟ್ಟಿ

Cyclone MONTHA Affected Train Services: ದಕ್ಷಿಣ ಭಾರತದ ಭಾಗದಲ್ಲಿ ಮೋಂಥಾ ಚಂಡಮಾರುತದ ಪ್ರಭಾವ ಹೆಚ್ಚಾಗಿದೆ. ಇದರಿಂದ ವಿವಿಧ ರಾಜ್ಯಗಳಲ್ಲಿ ಮಳೆ ಅಬ್ಬರ ಹೆಚ್ಚಾಗಿದೆ. ಗಾಳಿಯ ವೇಗದಲ್ಲಿ ಭಾರೀ ಬದಲಾವಣೆ ಆಗಿದೆ. ಈ ಸೈಕ್ಲೋನ್ ಕೇವಲ ಮಳೆ ಮೇಲೆ ತನ್ನ ಪ್ರಬಾವ ಬೀರದೇ ರೈಲು ಸಾರಿಗೆ ಮೇಲೂ ಬೀರಿದೆ. ಪ್ರಯಾಣಿಕರ ಸಂಚಾರ ಸುರಕ್ಷತೆ ಗಮನದಲ್ಲಿಟ್ಟುಕೊಂಡು ಒಂದಷ್ಟು ರೈಲುಗಳ ಸಮಯ ಮರು ಹೊಂದಿಸಲಾಗಿದೆ.

ಮೊಂಥಾ ಚಂಡಮಾರುತ ಹಿನ್ನೆಲೆಯಲ್ಲಿ ಪ್ರಯಾಣಿಕರ ಸುರಕ್ಷತೆಯನ್ನು ಗಮನದಲ್ಲಿಟ್ಟುಕೊಂಡು, ದಕ್ಷಿಣ ಮಧ್ಯ ರೈಲ್ವೆ (SCR) ಈ ಕೆಳಗಿನ ರೈಲುಗಳ ನಿಗದಿತ ನಿರ್ಗಮನ ಸಮಯದಿಂದ 12 ಗಂಟೆಗಳ ಕಾಲ ಮರುಹೊಂದಿಸಿದೆ. ವೇಳಾಪಟ್ಟಿ ಪರಿಷ್ಕರಿಸಿದ್ದು, ಹೊಸ ವೇಳಾಪಟ್ಟಿ ಹೀಗಿದೆ.

* SMVT ಬೆಂಗಳೂರು- ಹೊಸ ಟಿನ್ಸುಕಿಯಾ ಜಂಕ್ಷನ್ ಸೂಪರ್‌ಫಾಸ್ಟ್ ಎಕ್ಸ್‌ಪ್ರೆಸ್ ರೈಲು (22501) ಅಕ್ಟೋಬರ್ 28 ರಂದು ಪ್ರಾರಂಭವಾಗುವ ಪ್ರಯಾಣವನ್ನು, SMVT ಬೆಂಗಳೂರಿನಿಂದ ನಿಗದಿತ ನಿರ್ಗಮನದಿಂದ 12 ಗಂಟೆಗಳ ಕಾಲ ತಡವಾಗಿ ತೆರಳಲಿದೆ. ಬೆಳಗ್ಗೆ 03:10 ಕ್ಕೆ ಹೊರಡುವಂತೆ ಮರುಹೊಂದಿಸಲಾಗಿದೆ.

* SMVT ಬೆಂಗಳೂರು - ಹಟಿಯಾ ಸೂಪರ್‌ಫಾಸ್ಟ್ ಎಕ್ಸ್‌ಪ್ರೆಸ್ ರೈಲು (12836) ಅಕ್ಟೋಬರ್ 28 ರಂದು ಪ್ರಾರಂಭವಾಗುವ ಪ್ರಯಾಣವನ್ನು, ನಿಗದಿತ ನಿರ್ಗಮನದಿಂದ 12 ಗಂಟೆಗಳ ಕಾಲ, ಅಂದರೆ ಬೆಳಗ್ಗೆ 08:50 ಕ್ಕೆ ಹೊರಡುವಂತೆ ಮರುಹೊಂದಿಸಲಾಗಿದೆ.

* ರೈಲು (ಸಂಖ್ಯೆ 12503) SMVT ಬೆಂಗಳೂರು - ಅಗರ್ತಲ ಹಮ್‌ಸಫರ್ ಎಕ್ಸ್‌ಪ್ರೆಸ್, ಅಕ್ರೋಬರ್ 28 ರಂದು ಪ್ರಾರಂಭವಾಗಬೇಕಿತ್ತು. ಅದರ ನಿರ್ಗಮನವು 12 ಗಂಟೆಗಳ ನಂತರ, ಅಂದರೆ ಬೆಳಗ್ಗೆ 10:15 ಕ್ಕೆ SMVT ಬೆಂಗಳೂರಿನಿಂದ ಹೊರಡಲಿದೆ ಎಂದು ರೈಲ್ವೆ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

* SMVT ಬೆಂಗಳೂರು - ಹೌರಾ ಜಂಕ್ಷನ್ ಡುರೊಂಟೊ ಎಕ್ಸ್‌ಪ್ರೆಸ್ ರೈಲು (ಸಂಖ್ಯೆ 12246) ಅಕ್ಟೋಬರ್ 28 ರಂದು ಪ್ರಯಾಣ ಪ್ರಾರಂಭವಾಗಬೇಕಿತ್ತು. ಅದನ್ನು 12 ಗಂಟೆಗಳ ನಂತರ, ಅಂದರೆ ಬೆಳಗ್ಗೆ 11:15 ಕ್ಕೆ SMVT ಬೆಂಗಳೂರಿನಿಂದ ಹೊರಡುವಂತೆ ಸಮಯ ಬದಲಾಯಿಸಲಾಗಿದೆ.

* SMVT ಬೆಂಗಳೂರು - ಹೌರಾ ಜಂಕ್ಷನ್ ಸೂಪರ್‌ಫಾಸ್ಟ್ ಎಕ್ಸ್‌ಪ್ರೆಸ್ ರೈಲು (ಸಂಖ್ಯೆ 12864) ಅಕ್ಟೋಬರ್ 28 ಆರಂಭವಾಗುವ ಪ್ರಯಾಣ ನಿಗದಿತ ನಿರ್ಗಮನದಿಂದ 12 ಗಂಟೆಗಳ ನಂತರ ಹೊರಡಲಿದೆ. ಅಂದರೆ ಬೆಳಗ್ಗೆ 10:35 ಕ್ಕೆ SMVT ಬೆಂಗಳೂರಿನಿಂದ ಹೊರಡಲಿದೆ.

* ರೈಲು ಸಂಖ್ಯೆ 13433 SMVT ಬೆಂಗಳೂರು - ಮಾಲ್ಡಾ ಟೌನ್ ಅಮೃತ್ ಭಾರತ್ ಎಕ್ಸ್‌ಪ್ರೆಸ್ ರೈಲು ಅಕ್ಟೋಬರ್ 28 ರಂದು ಪ್ರಾರಂಭವಾಗುವ ಪ್ರಯಾಣ SMVT ಬೆಂಗಳೂರಿನಿಂದ ನಿಗದಿತ ನಿರ್ಗಮನದಿಂದ 12 ಗಂಟೆಗಳ ನಂತರ ಪ್ರಯಾಣ ಆರಂಭಿಸಲಿದೆ. ಅಂದರೆ ಮಧ್ಯಾಹ್ನ 01:50 ಕ್ಕೆ ಕಾರ್ಯಾಚರಣೆ ಆರಂಭಿಸಲಿದೆ.

* ವಾಸ್ಕೋ ಡ ಗಾಮಾ - ಶಾಲಿಮಾರ್ ಅಮರಾವತಿ ಎಕ್ಸ್‌ಪ್ರೆಸ್ ರೈಲು (18048) ಅಕ್ಟೋಬರ್ 28 ರಂದು ಪ್ರಾರಂಭವಾಗುವ ಪ್ರಯಾಣ ನಿಗದಿತ ನಿರ್ಗಮನದಿಂದ 12 ಗಂಟೆಗಳ ನಂತರ ಹೊರಡುತ್ತದೆ. ಬೆಳಗ್ಗೆ 06:30ಕ್ಕೆ ವಾಸ್ಕೋ ಡ ಗಾಮಾದಿಂದ ಹೊರಡುವಂತೆ ಮರು ಹೊಂದಿಸಲಾಗಿದೆ ಎಂದು ದಕ್ಷಿಣ ಮಧ್ಯ ರೈಲ್ವೆಯು ಪ್ರಕಟಣೆಯಲ್ಲಿ ತಿಳಿಸಿದೆ.

English summary

South Central Railway (SCR) rescheduled several trains departing on October 28 by 12 hours from SMVT Bengaluru and Vasco Da Gama, for passenger safety due Cyclone MONTHA.