KIALಗೆ ಏಷ್ಯಾದಲ್ಲೇ ಅತ್ಯುತ್ತಮ ಪ್ರಾದೇಶಿಕ ವಿಮಾನ ನಿಲ್ದಾಣ ಪ್ರಶಸ್ತಿ

Updated: Saturday, June 18, 2022, 9:30 [IST]

ಬೆಂಗಳೂರು ಜೂ.17:ಬೆಂಗಳೂರಿನ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ದಕ್ಷಿಣ ಏಷ್ಯಾದಲ್ಲೇ ಅತ್ಯುತ್ತಮ ಪ್ರಾದೇಶಿಕ ವಿಮಾನ ನಿಲ್ದಾಣ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಈ ಸಂಬಂಧ Skytrax ವರ್ಲ್ಡ್ ಏರ್ಪೋರ್ಟ್ ಪ್ರಶಸ್ತಿ 2022 ಅನ್ನು ತನ್ನದಾಗಿಸಿಕೊಂಡಿದೆ.

''ಶುಕ್ರವಾರದಂದು ಈ ಶುಭ ಸುದ್ದಿ ಟ್ವೀಟ್ ಮೂಲಕ ಹಂಚಿಕೊಳ್ಳಲಾಗಿದೆ. ನಮ್ಮ ಶ್ರಮ ಮೆಚ್ಚಿ ಪುರಸ್ಕಾರ ದೊರೆಯಲು ಕಾರಣಿಕರ್ತೃರಾದ ಪ್ರಯಾಣಿಕರಿಗೆ, ಮತ ಹಾಕಿದ ಎಲ್ಲರಿಗೂ ಧನ್ಯವಾದಗಳು,'' ಎಂದು ಬಿಐಎಎಲ್ ತಿಳಿಸಿದೆ.

ಬೆಂಗಳೂರು ಕೆಂಪೇಗೌಡ ವಿಮಾನ ನಿಲ್ದಾಣ ಪ್ರಯಾಣಿಕರಿಗೆ ನೀಡುತ್ತಿರುವ ಸಾರಿಗೆ ಸೇವೆಯಿಂದಲೇ ಯುಕೆ ಮೂಲದ ವಿಮಾನ ನಿಲ್ದಾಣಗಳು ಮತ್ತು ವಿಮಾನಯಾನ ಸಂಸ್ಥೆಗಳನ್ನು ಪರಿಶೀಲಿಸಿ ಶ್ರೇಯಾಂಕ ನೀಡುವ ''ಸೈಟ್ಯ್ರಾಕ್ಸ್ 'ನಿಂದ ಪುರಸ್ಕಾರ ಪಡೆದಿದೆ. ಇದಕ್ಕೂ ಮುನ್ನ ಕೆಂಪೇಗೌಡ ವಿಮಾನ ನಿಲ್ದಾಣವನ್ನು ಸಂಸ್ಥೆ ಪ್ರತಿನಿಧಿಗಳು ಪರಿಶೀಲಿಸಿದ್ದಾರೆ ಎಂದು ತಿಳಿದು ಬಂದಿದೆ.