ಬಿಡಿಎ ಇ ಹರಾಜು 5ನೇ ಹಂತ ಮುಕ್ತಾಯ, 6ನೇ ಹಂತ ಶುರು

ಬೆಂಗಳೂರು, ಡಿ. 17: ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ(ಬಿಡಿಎ)ದ ಐದನೇ ಹಂತದ ಹರಾಜು ಪ್ರಕ್ರಿಯೆಯು ಮುಗಿದಿದ್ದು, ಗರಿಷ್ಠ ಸಂಖ್ಯೆಯಲ್ಲಿ ಸಾರ್ವಜನಿಕರು ಪಾಲ್ಗೊಂಡು ಉತ್ತಮ ಪ್ರತಿಕ್ರಿಯೆ ಬಂದಿದೆ.

ಒಟ್ಟು 451 ನಿವೇಶನಗಳನ್ನು ಇ-ಹರಾಜಿನಲ್ಲಿ ಅಳವಡಿಸಲಾಗಿತ್ತು. ಒಟ್ಟು 317 ನಿವೇಶನಗಳು ಮಾರಾಟವಾಗಿದ್ದು, ನಾಲ್ಕು ಲಕ್ಷ ರುಗಳ ಇ. ಎಂ.ಡಿ ಪಾವತಿಸಿ ಒಟ್ಟು 1496 ಬಿಡ್ಡುದಾರರು ಬಿಡ್ಡಿಂಗ್ ನಲ್ಲಿ ಭಾಗವಹಿಸಿರುತ್ತಾರೆ. ಹರಾಜಿಗಿಟ್ಟಿದ್ದ ಮೌಲ್ಯದಲ್ಲಿ ಶೇಕಡ 50.93ರಷ್ಟು ಗಳಿಕೆಯಾಗಿದೆ. ಯಶಸ್ವಿಯಾಗದ ಬಿಡ್ ದಾರರಿಗೆ ಪ್ರಾರಂಭಿಕ ಠೇವಣಿಯಾದ 4 ಲಕ್ಷ ರು ಹಣವನ್ನು ಹಿಂದಿರುಗಿಸುವ ಪ್ರಕ್ರಿಯೆ ಜಾರಿಯಲ್ಲಿದೆ.

ಹರಾಜು ನಿವೇಶನಗಳಿಗೆ ಸಂಬಂಧಿಸಿದಂತೆ ಪ್ರಮುಖ ಅಂಶಗಳು ಈ ಕೆಳಕಂಡಂತಿದೆ:

ಅಧಿಸೂಚನೆಗೊಂಡ ಒಟ್ಟು ನಿವೇಶನಗಳ ಸಂಖ್ಯೆ: 451
ಪ್ರತಿಕ್ರಿಯೆ ಬಾರದಿರುವುದು: 109
ನಿರೀಕ್ಷಿತ ದರದ ಗುರಿ ತಲುಪದೆ ರದ್ದುಪಡಿಸಿದ ನಿವೇಶನಗಳ ಸಂಖ್ಯೆ: 25
ಇ-ಹರಾಜಿನಲ್ಲಿ ಮಾರಾಟವಾದ ಒಟ್ಟು ನಿವೇಶನಗಳು: 317
ಒಟ್ಟು ಬಿಡ್ಡುದಾರರು: 1496
ಒಟ್ಟು ಮೂಲ ಬೆಲೆ (ಕೋಟಿ ರು.ಗಳಲ್ಲಿ): 184.57
ಒಟ್ಟು ಹರಾಜು ಮೌಲ್ಯ (ಕೋಟಿ ರು.ಗಳಲ್ಲಿ): 278.58
ಗಳಿಕೆ (ಕೋಟಿ ರು.ಗಳಲ್ಲಿ): 94.01
ಶೇಕಡಾವಾರು ಗಳಿಕೆ: 50.93%

ಆರನೇ ಹಂತದ ಇ-ಹರಾಜು ಪ್ರಕ್ರಿಯೆ ಪ್ರಾರಂಭಕ್ಕೆ ಅಧಿಸೂಚನೆ ಸಿದ್ಧಪಡಿಸಲಾಗಿದ್ದು, ಶೀಘ್ರದಲ್ಲಿಯೇ ಅಧಿಸೂಚನೆ ಹೊರಡಿಸಲಾಗುವುದು, ಪ್ರಾಧಿಕಾರದ ಅಧಿಕೃತ ವೆಬ್ಸೈಟ್ನಲ್ಲಿ ಮಾಹಿತಿಯನ್ನು ಬಿಡ್ಡುದಾರರು ಪಡೆದುಕೊಳ್ಳಬಹುದು ಎಂದು ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರದ ಸಾರ್ವಜನಿಕ ಸಂಪರ್ಕಾಧಿಕಾರಿ ಹೇಳಿದ್ದಾರೆ.

English summary

Benagaluru Developement Authority has just completed Fifth Phase of site e Auction and Fix phase will begin soon.