ಬಯೋಮೆಟ್ರಿಕ್ ಹಾಜರಿ: ಬಿಬಿಎಂಪಿಗೆ 250 ಕೋಟಿ ಉಳಿತಾಯ

ಬೆಂಗಳೂರು, ಮಾರ್ಚ್ 24: ಪೌರಕಾರ್ಮಿಕರ ಹಾಜರಾತಿಯನ್ನು ಟ್ರ್ಯಾಕ್ ಮಾಡಲು ಅನುಕೂಲವಾಗುವಂತೆ ಅಳವಡಿಸಿಸಿರುವ ಆಧಾರ್ ಕಾರ್ಡ್ ಆಧಾರಿತ ಬಯೋಮೆಟ್ರಿಕ್ ವ್ಯವಸ್ಥೆಯಿಂದ ಬಿಬಿಎಂಪಿಗೆ 250 ಕೋಟಿ ರೂ ಉಳಿತಾಯವಾಗಿದೆ.

ಪೌರಕಾರ್ಮಿಕರ ಹಾಜರಾತಿ ವಿಚಾರದಲ್ಲಿ ವಂಚನೆ ಮಾಡಿ ಹಣ ಲಪಟಾಯಿಸುವ ಗುತ್ತಿಗೆದಾರರ ಅಕ್ರಮಗಳಿಗೆ ಕಡಿವಾಣ ಹಾಕಲು ಸಜ್ಜಾಗಿರುವ ಬಿಬಿಎಂಪಿಯು ನಗರದಲ್ಲಿ ಕಾರ್ಯ ನಿರ್ವಹಿಸುವ ಪ್ರತಿಯೊಬ್ಬ ಪೌರ ಕಾರ್ಮಿಕರ ಹಾಜರಾತಿಯನ್ನು ಟ್ರ್ಯಾಕ್‌ ಮಾಡಲು ಬಯೋಮೆಟ್ರಿಕ್ ಯಂತ್ರವನ್ನು ಅಳವಡಿಸಲಾಗಿದೆ.

ಈ ಮೊದಲು ನೇರ ಹಣ ಪಾವತಿ ಸಂದರ್ಭದಲ್ಲಿ ತ್ಯಾಜ್ಯ ನಿರ್ವಹಣಾ ಬಿಲ್ ಅಡಿಯಲ್ಲಿ 1 ಸಾವಿರ ಕೋಟಿ ವೆಚ್ಚವಾಗುತ್ತಿತ್ತು. ಆದರೆ ಬಯೋ ಮೆಟ್ರಿಕ್ ಹಾಜರಾತಿಯನ್ನು ಆರಂಭಿಸಿರುವ ಕಾರಣ 250ಕೋಟಿ ರೂ ಉಳಿತಾಯವಾಗಿದೆ.

ತ್ಯಾಜ್ಯ ಸಾಗಿಸುವ ವಾಹನಗಳಿಗೆ ಜಿಪಿಎಸ್ ಅಳವಡಿಸಿದರೆ ಇನ್ನೂ 150 ಕೋಟಿ ರೂ ಗಳನ್ನು ಉಳಿಸಬಹುದು ಎಂದು ಬಿಬಿಎಂಪಿ ಆಲೋಚಿಸಿದೆ.ಈಗಾಗಲೇ ಜಿಪಿಎಸ್ ಹಾಗೂ ರೇಡಿಯೋ ಫ್ರಿಕ್ವೆನ್ಸಿ ಕಾರ್ಡ್ ನೀಡಲು ಸಿದ್ಧತೆ ನಡೆಸಲಾಗಿದೆ.

ಈ ಮೊದಲು ಬಿಬಿಎಂಪಿಯಲ್ಲಿ ಗುತ್ತಿಗೆದಾರರು ಕಸ ವಿಲೇವಾರಿಯಲ್ಲಿ ಹಲವು ರೀತಿಯ ಹಗರಣಗಳು ನಡೆಯುತ್ತಿತ್ತು. ಇದರಲ್ಲಿ ಪೌರಕಾರ್ಮಿಕರ ಹಾಜರಾತಿಯೂ ಸಹ ದೊಡ್ಡ ಹಗರಣ. ಬಿಬಿಎಂಪಿಯಲ್ಲಿ ಗುತ್ತಿಗೆ ಪಡೆದಿರುವ ಗುತ್ತಿಗೆದಾರರ ಎರಡರಿಂದ ಮೂರು ಪ್ಯಾಕೇಜ್‌ಗಳ (ಪ್ಯಾಕೇಜ್‌ಗೆ 2-3 ವಾರ್ಡ್ ) ಗುತ್ತಿಗೆ ಪಡೆದಿದ್ದಾರೆ. ಅವರು ಸ್ಥಳೀಯ ವಾರ್ಡ್ ಇಂಜಿನಿಯರ್ ಗೆ ಬೆಳಗ್ಗೆ ಕೆಲಸಕ್ಕೆ ಹಾಜರಾಗುತ್ತಿರುವ ಪೌರ ಕಾರ್ಮಿಕರು ಹಾಗೂ ಸಲಕರಣೆಗಳ ಪೆರೇಡ್ ನಡೆಸಬೇಕು.

ಈ ವೇಳೆ ಗುತ್ತಿಗೆದಾರ ಒಂದು ವಾರ್ಡ್ ನಲ್ಲಿ ಪ್ರದರ್ಶಿಸುವ ಪೌರಕಾರ್ಮಿಕರು ಹಾಗೂ ಸಲಕರಣೆಗಳನ್ನೇ ಮತ್ತೂಂದು ವಾರ್ಡ್ ನಲ್ಲೂ ಪ್ರದರ್ಶಿಸುತ್ತಿದ್ದರು ಎಂಬ ಆರೋಪಗಳು ಕೇಳಿಬಂದ ಹಿನ್ನೆಲೆಯಲ್ಲಿ ಬಯೋಮೆಟ್ರಿಕ್ ಹಾಜರಾತಿಯನ್ನು ಜಾರಿಗೆ ತಂದಿತ್ತು.5,500 ಆಟೋಗಳು ನಗರದಲ್ಲಿರುವ ತ್ಯಾಜ್ಯವನ್ನು ಸಂಗ್ರಹಿಸುತ್ತವೆ.. ಒಂದೊಮ್ಮೆ ಆರ್‌ಎಫ್‌ಐಡಿ ಕಾರ್ಡ್ ಹಾಗೂ ಜಿಪಿಎಸ್ ಅಳವಡಿಸಿದರೆ ಆಟೋಗಳ ಸಂಖ್ಯೆ 3500ಕ್ಕೆ ಕಡಿಮೆಯಾಗುತ್ತದೆ.

English summary

Under the contractor regime, before pourakarmikas were brought under the direct payment system, the BBMP was crumbling under huge solid waste management bills that crossed the 1 thousand crorre mark annualy.