ನೋಡದಷ್ಟೆ, ಆಡದಲ್ಲ ಕಂಠೀರವ ಕ್ರೀಡಾಂಗಣದ ಸಿಂಥೆಟಿಕ್ ಟ್ರ್ಯಾಕ್
ಬೆಂಗಳೂರು, ಡಿಸೆಂಬರ್ 04 : ಕೋಟ್ಯಾಂತರ ರೂಪಾಯಿ ಖರ್ಚು ಮಾಡಿ ವಸ್ತು ತಂದು ಅದನ್ನು ಬಳಸದೆ ಶೋಕೇಸಿನಲ್ಲಿ ಇಟ್ಟಂತಾಗಿದೆ ರಾಜ್ಯ ಕ್ರೀಡಾ ಇಲಾಖೆಯ ಕತೆ.
ನಗರದ ಕಂಠೀರವ ಕ್ರೀಡಾಂಗಣದಲ್ಲಿ ಕೋಟ್ಯಾಂತರ ರೂಪಾಯಿ ಹಣ ಖರ್ಚು ಮಾಡಿ ಉತ್ತಮ ಗುಣಮಟ್ಟದ ಸಿಂಥೆಟಿಕ್ ಟ್ರ್ಯಾಕ್ ಮಾಡಿದ್ದಾರೆ ಆದರೆ ಕ್ರೀಡಾಪಟುಗಳು ಅದರ ಮೇಲೆ ಹೆಜ್ಜೆ ಇಡಲೂ ಬಿಟ್ಟಿಲ್ಲ ಕಂಠೀರವ ಕ್ರೀಡಾಂಗಣದ ವ್ಯವಸ್ಥಾಪಕ ಅಧಿಕಾರಿಗಳು.
ಸಿಂಥೆಟಿಕ್ ಟ್ರ್ಯಾಕ್ ಸುತ್ತ ಬ್ಯಾರಿಕೇಡ್ಗಳನ್ನು ಇಟ್ಟು ಶೋಕೇಸಿನಲ್ಲಿಟ್ಟ ಗಾಜಿನ ಗ್ಲಾಸಿನಂತೆ ನೋಡಲಷ್ಟೆ, ಬಳಸಲ್ಲ ಎಂಬಂತೆ ಮಾಡಿಬಿಟ್ಟಿದ್ದಾರೆ ಇಲ್ಲಿನ ಅಧಿಕಾರಿಗಳು. ಇವರ ಈ ವರ್ತನೆ ವಿರುದ್ಧ ಬೇಸರಗೊಂಡಿರುವ ಕ್ರೀಡಾಳುಗಳು ಮತ್ತು ಕೋಚ್ಗಳು ಸಿಂಥೆಟಿಕ್ ಟ್ರ್ಯಾಕ್ಗೆ ಪ್ರವೇಶ ದಕ್ಕಿಸಿಕೊಳ್ಳುವುದಕ್ಕೆ ನ್ಯಾಯಾಲಯದ ಮೊರೆ ಹೋಗಿದ್ದಾರೆ.
ಕಂಠೀರವ ಕ್ರೀಡಾಂಗಣದಲ್ಲಿರುವ ಸಿಂಥೆಟಿಕ್ ಟ್ರ್ಯಾಕ್ಗೆ ಅಥ್ಲೆಟಿಕ್ಸ್ ಪ್ರವೇಶ ನಿಷೇಧ ಪ್ರಶ್ನಿಸಿ 17 ಕ್ಕೂ ಹೆಚ್ಚು ಕೋಚ್ಗಳು ಹಾಗೂ 33 ಅಥ್ಲೆಟಿಕ್ಸ್ ಗಳು ಹೈಕೋರ್ಟ್ಗೆ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ಸಲ್ಲಿಸಿದ್ದಾರೆ.
ಅಥ್ಲೆಟಿಕ್ಸ್ಗಳಿಗಾಗಿ 400 ಮೀಟರ್ ಸಿಂಥೆಟಿಕ್ ಟ್ರ್ಯಾಕ್ ನಿರ್ಮಾಣ ಮಾಡಲಾಗಿದೆ. ಆದರೆ ಈ ಟ್ರ್ಯಾಕ್ ಸುತ್ತ ಬ್ಯಾರಿಕೇಡ್ ಹಾಕಿ ಒಳ ಪ್ರವೇಶ ನಿಷೇಧ ಮಾಡಿದ್ದಾರೆ. ಕೂಡಲೇ ಬ್ಯಾರಿಕೇಡ್ ತೆರವುಗೊಳಿಸಿ ಅಭ್ಯಾಸಕ್ಕೆ ಅನುವು ಮಾಡಿಕೊಡಬೇಕು ಎಂಬುದು ಅರ್ಜಿದಾರರು ನ್ಯಾಯಾಲಯದಲ್ಲಿ ಮನವಿ ಮಾಡಿದ್ದಾರೆ.
Click it and Unblock the Notifications
Sign in with Google