ನಟಿ ಸಂಜನಾಗೆ ಸಂಕಟ, ಉಪ್ಪಾರಪೇಟೆ ಪೊಲೀಸ್ ಠಾಣೆಯಲ್ಲಿ ದೂರು

ಬೆಂಗಳೂರು, ಜನವರಿ 13: ಕನ್ನಡ ಸೇರಿದಂತೆ ಹಲವು ಭಾಷೆಗಳಲ್ಲಿ ನಟಿಸಿರುವ ನಟಿ ಸಂಜನಾ ಗಲ್ ರಾಣಿ ಅವರ ವಿರುದ್ಧ ಬೆಂಗಳೂರು ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ನಡುರಸ್ತೆಯಲ್ಲಿ ಕಾನೂನು ಉಲ್ಲಂಘನೆ ಮಾಡಿದ ಆರೋಪ ನಟಿ ಮೇಲೆ ಹೊರೆಸಲಾಗಿದೆ.

ಬೆಂಗಳೂರಿನ ಉಪ್ಪಾರಪೇಟೆ ಟ್ರಾಫಿಕ್ ಪೊಲೀಸರು, ನಟಿ ಸಂಜನಾ ಹಾಗೂ ಅವರ ಜೊತೆಗಿದ್ದ ವ್ಯಕ್ತಿ ಮೇಲೆ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಸಂಜನಾ ಅವರು ಓಪನ್ ಕಾರಿನಲ್ಲಿ ಚಲಿಸುತ್ತಾ ವಿಡಿಯೋ ಮಾಡಿದ್ದಾರೆ. ಟ್ರಾಫಿಕ್ ನಿಯಮದ ಪ್ರಕಾರ ಡ್ರೈವಿಂಗ್ ಮಾಡುವಾಗ ಮೊಬೈಲ್ ಫೋನ್ ಬಳಕೆ ನಿರ್ಬಂಧಿಸಲಾಗಿದೆ.

ಆದರೆ ಡ್ರೈವ್ ಮಾಡುತ್ತಾ ಮಾತನಾಡುತ್ತಿದ್ದ ಸಂಜನಾ ಅವರು ನಾನು ಈಗ ತೆಲುಗು ಸಿನಿಮಾ ''ಸರಿಲೇನು ನಿಕ್ಕೆವರು'' ನೋಡೋಕೆ ಹೋಗ್ತಾ ಇದ್ದೀನಿ, ಐ ಲವ್ ಮಹೇಶ್ ಬಾಬು.. ಧಕ್ ಧಕ್ ಧಕ್ ಎಂದು ಹಾರ್ಟ್ ಸಿಂಬಲ್ ತೋರಿಸುತ್ತಾ, ಇನ್ನೊಂದು ಕೈಯಲ್ಲಿ ಸ್ಟೇರಿಂಗ್ ತಿರುಗಿಸುತ್ತಾರೆ. ಟ್ರಾಫಿಕ್ ನಡುವೆ ಕಾರಿನಲ್ಲಿ ಕುಳಿತು ವಿಡಿಯೋ ಹಂಚಿಕೊಂಡಿರುವ ಸಂಜನಾ ವಿರುದ್ಧ ಟ್ರಾಫಿಕ್ ಪೊಲೀಸರು ಗರಂ ಆಗಿದ್ದಾರೆ.

#BIGNEWS: Sandalwood actress #Sanjjanaagalrani lands in trouble for violating traffic rules. #Upparpet Traffic Police register a case against the actress for filming using a mobile while driving. pic.twitter.com/1DrMUZ7dJF

— NEWS9 (@NEWS9TWEETS) January 13, 2020

ಸಂಚಾರಿ ನಿಯಮ ಉಲ್ಲಂಘನೆಗೆ ಭಾರಿ ಮೊತ್ತದ ದಂಡ ವಿಧಿಸುವ ಮೋಟಾರು ವಾಹನ ತಿದ್ದುಪಡಿ ಕಾಯ್ದೆ 2019 ದೇಶಾದ್ಯಂತ ಜಾರಿಗೆ ಬಂದ ಬಳಿಕ ಟ್ರಾಫಿಕ್ ನಿಯಮ ಉಲ್ಲಂಘನೆ ಮಾಡಿದರೆ ಭಾರಿ ದಂಡ ವಿಧಿಸಲಾಗುತ್ತದೆ.

English summary

Actress Sanjjanaa Galrani lands in trouble for violating traffic rules. Upparpet Traffic Police register a case against the actress for filming using a mobile while driving.