ಫ್ಯಾಷನ್ ತಂತ್ರಜ್ಞಾನ ಶಿಕ್ಷಣ ನೀಡುವುದಾಗಿ ಮೋಸ: ಎಬಿವಿಪಿ ಪ್ರತಿಭಟನೆ
ಬೆಂಗಳೂರು, ಫೆಬ್ರವರಿ 02: 'ವೋಗ್ ಇನ್ಸ್ಟಿಟ್ಯೂಟ್ ಆಫ್ ಫ್ಯಾಷನ್ ಟೆಕ್ನಾಲಜಿ' ಹೆಸರಿನಲ್ಲಿ ವಿದ್ಯಾರ್ಥಿಗಳನ್ನು ನೊಂದಾಯಿಸಿಕೊಂಡು ಶುಲ್ಕ ಪಡೆದು ಮೋಸ ಮಾಡಿದ ಸಂಸ್ಥೆಯ ವಿರುದ್ಧ ಎಬಿವಿಪಿಯು ಪ್ರತಿಭಟನೆ ನಡೆಸಿದೆ.
ನಿನ್ನೆ ನಗರದ ರಿಚ್ಮಂಡ್ ರಸ್ತೆಯಲ್ಲಿರುವ ವೋಗ್ ಇನ್ಸ್ಟಿಟ್ಯೂಟ್ನ ಕೇಂದ್ರ ಕಚೇರಿಗೆ ಮುತ್ತಿಗೆ ಹಾಕಿದ ಎಬಿವಿಪಿ ಬೆಳಿಗ್ಗೆ 11 ರಿಂದ ರಾತ್ರಿ 11 ರವರೆಗೆ ಪ್ರತಿಭಟನೆ ನಡೆಸಿತು. ಅಂತಿಮವಾಗಿ ವಿದ್ಯಾರ್ಥಿಗಳ ಶುಲ್ಕ ವಾಪಸ್ ನೀಡುವುದಾಗಿ ವೋಗ್ ಇನ್ಸ್ಟಿಟ್ಯೂಟ್ನ ಪ್ರಾಂಶುಪಾಲರ ಮಗನಿಂದ ಲಿಖಿತ ದಾಖಲೆ ಪಡೆದುಕೊಂಡಿತು.
ವೋಗ್ ಇನ್ಸ್ಟಿಟ್ಯೂಟ್ ಆಫ್ ಫ್ಯಾಷನ್ ಟೆಕ್ನಾಲಜಿ ಹೆಸರಿನಲ್ಲಿ ವಿದ್ಯಾರ್ಥಿಗಳನ್ನು ನೊಂದಾಯಿಸಿಕೊಂಡು ರಿಚ್ಮಂಡ್ ರಸ್ತೆಯಲ್ಲಿ ತರಗತಿ ನಡೆಸುತ್ತೇವೆ ಎಂದು ಹೇಳಿತ್ತು. ನಂತರ ದೊಡ್ಡಬಳ್ಳಾಪುರದ ಕರಿಯಪ್ಪ ಮ್ಯಾನೆಜ್ಮೆಂಟ್ ಸಂಸ್ಥೆಯಲ್ಲಿ ತರಗತಿ ನಡೆಸುವುದಾಗಿ ಹೇಳಿತ್ತು.
ಅದರಂತೆ ದೊಡ್ಡಬಳ್ಳಾಪುರದಲ್ಲಿ ತರಗತಿ ಪ್ರಾರಂಭ ಆದವಾದರೂ ಅಲ್ಲಿ ಸರಿಯಾಗಿ ತರಗತಿಗಳು ನಡೆಯಲಿಲ್ಲ, ವಿದ್ಯಾರ್ಥಿಗಳು ಶುಲ್ಕ ವಾಪಸ್ಸಾತಿಗೆ ಕೇಳಿದರೆ ಆರು ತಿಂಗಳಿನಿಂದಲೂ ಆಡಳಿತ ಮಂಡಳಿ ಸದಸ್ಯರು ಸತಾಯಿಸುತ್ತಲೇ ಇದ್ದರು.
ಸಂಸ್ಥೆಯು ವಿದ್ಯಾರ್ಥಿಗಳಿಗೆ ಮಾಡುತ್ತಿರುವ ಅನ್ಯಾಯ ಎಬಿವಿಪಿ ಗಮನಕ್ಕೆ ಬಂದು ಎಬಿವಿಯು ಕಾಲೇಜಿನ ಬಗ್ಗೆ ವಿಚಾರಿಸಿದಾಗ ಈ ಸಂಸ್ಥೆಯು ನೊಂದಾವಣಿಯೇ ಆಗದ ಸಂಸ್ಥೆ ಎಂಬುದು ಗೊತ್ತಾಯಿತು ಹಾಗಾಗಿ ಎಬಿವಿಪಿಯು ಪ್ರತಿಭಟನೆ ಮಾಡಿತು ಎಂದು ಎಬಿವಿಪಿ ಮುಖಂಡರು ಹೇಳಿದ್ದಾರೆ.
ಈ ಹೋರಾಟದಲ್ಲಿ ಬೆಂಗಳೂರು ಮಹಾನಗರ ಸಂಘಟನಾ ಕಾರ್ಯದರ್ಶಿಯಾದ ಜಯಪ್ರಕಾಶ, ಮಹಾನಗರ ಕಾಯರ್ಯದರ್ಶಿಯಾದ ಸೂರಜ್ ಪಂಡಿತ್, ನಗರ ಸಂಘಟನಾ ಕಾರ್ಯದರ್ಶಿಗಳಾದ ವೆಂಕಟೇಶ, ಶಿವಾನಂದ ಹಾಗೂ ಜಿಲ್ಲಾ ಸಂಚಾಲಕರಾದ ಗಗನ, ತೇಜಸ್, ಮಹೇಶ, ಪರಮೇಶ ಕಾರ್ಯಕರ್ತರಾದ ನಿಶಾಂತ ಹಾಗೂ ವಿದ್ಯಾರ್ಥಿನಿ ಪ್ರಮುಖರಾದ ಸ್ವಾತಿ, ದೀಕ್ಷಾ, ಪ್ರಿಯಾ , ನಿಧಿ, ಕೀರ್ತಿ ಮತ್ತಿತರಿದ್ದರು.
Click it and Unblock the Notifications
Sign in with Google