ಫೇಸ್‌ಬುಕ್ ಸ್ನೇಹಿತನಿಂದ ದೋಖಾ, ಆತ್ಮಹತ್ಯೆಗೆ ಯತ್ನಿಸಿದ ಮಹಿಳೆ

ಬೆಂಗಳೂರು, ಜೂನ್ 20: ಹೇಗೋ ಅಲ್ಲಿ ಇಲ್ಲಿ ಕೆಲಸ ಮಾಡಿಕೊಂಡು ಹೊಟ್ಟೆ ಪಾಡು ನೋಡಿಕೊಂಡು ಅಷ್ಟೋ ಇಷ್ಟೋ ಹಣ ಉಳಿಸಿ ನೆಮ್ಮದಿಯಿಂದ ಜೀವನ ಸಾಗಿಸುತ್ತಿದ್ದ ಮಹಿಳೆ ಫೇಸ್‌ಬುಕ್ ಸ್ನೇಹಿತನಿಂದಾಗಿ ಸಾಯುವ ಹಂತಕ್ಕೆ ತಲುಪಿದ್ದಳು.

ಫೇಸ್‌ಬುಕ್ ಮೂಲಕ ಪರಿಚಯವಾದ ಕೆ ಸುಬೀನ್ಸ್ ಸ್ವಲ್ಪ ದಿನಗಳು ಕಳೆದ ಬಳಿಕ ತಾನು ಲಂಡನ್‌ನಲ್ಲಿ ಇದ್ದೇನೆ, ಇಲ್ಲಿಂದ 27 ಲಕ್ಷ ಹಾಗೂ ದುಬಾರಿ ಗಿಫ್ಟ್‌ನ್ನು ನಿನಗೆ ಕಳುಹಿಸಿಕೊಡುತ್ತೇನೆ ಎಂದು ಮಹಿಳೆಯಿಂದ 2.5 ಲಕ್ಷ ರೂ ಪಡೆದು ವಂಚನೆ ಮಾಡಿದ್ದಾನೆ.

ಆಕೆ ಅದನ್ನು ಹೌದು ಎಂದು ನಂಬಿ ಮೋಸ ಹೋಗಿದ್ದಾಳೆ, ಮೊದಲು ಒಂದು ಲಕ್ಷ ರೂ ಬಳಿಕ ಒಂದು ಲಕ್ಷ ಮತ್ತೆ 50 ಸಾವಿರ ರೂ ಪಡೆದುಕೊಂಡಿದ್ದ.ಅಷ್ಟೂ ಹಣ ನೀಡದ ಮೇಲೆ ಆಕೆಗೆ ಅನುಮಾನ ಬಂದು ಪೊಲೀಸರಿಗೆ ದೂರು ನೀಡಿದ್ದಾಳೆ. ಬಳಿಕ ಜೀವನದಲ್ಲಿ ಕೂಡಿಟ್ಟಿದ್ದ ಎಲ್ಲಾ ಹಣವೂ ಹೋಯಿತು ಎನ್ನುವ ದುಃಖಕ್ಕೆ ಆತ್ಮಹತ್ಯೆಗೂ ಯತ್ನಿಸಿದ್ದಳು ಎಂದು ಪೊಲೀಸರು ತಿಳಿಸಿದ್ದಾರೆ.

7ನೇ ತರಗತಿ ವ್ಯಾಸಂಗ ಮಾಡಿರುವ ಮಹಿಳೆ, ಮನೆ ಕೆಲಸ ಮಾಡಿಕೊಂಡು ಜೀವನ ನಡೆಸುತ್ತಿದ್ದರು. ಫೇಸ್​ಬುಕ್​ನಲ್ಲಿ ಪರಿಚಯವಾದ ವಂಚಕನ ಮಾತಿಗೆ ಮರುಳಾಗಿ ಸಾಲ ಮಾಡಿ ವಂಚಕನ ಬ್ಯಾಂಕ್ ಖಾತೆಗೆ 2.50 ಲಕ್ಷ ರೂ. ಜಮೆ ಮಾಡಿದ್ದರು.

English summary

Another Facebook dhoka reported in the silicon city. A lady was cheated by Facebook friend 2.5 lakh rupees in the name of gift.