ಏರೋ ಶೋ ಅಗ್ನಿ ಅವಘಡ: 185 ಕಾರುಗಳಿಗೆ ವಿಮೆ ಹಣ

ಬೆಂಗಳೂರು, ಮಾರ್ಚ್ 26: ಯಲಹಂಕದ ವಾಯುನೆಲೆಯಲ್ಲಿ ನಡೆದ ಏರೋ ಶೋ ವೇಳೆ ಪಾರ್ಕಿಂಗ್‌ನಲ್ಲಿ ಬೆಂಕಿ ಕಾಣಿಸಿಕೊಂಡು 277 ಕಾರುಗಳು ಸುಟ್ಟು ಭಸ್ಮವಾಗಿರುವ ಪ್ರಕರಣಕ್ಕೆ ಸಂಬಂಧಿಸಿದಂತೆ 185 ಕಾರುಗಳಿಗೆ ವಿಮಾ ಮೊತ್ತ ತಲುಪಿದೆ.

21 ಕಾರುಗಳ ವಿಮೆ ಪಾಲಿಸಿ ಲ್ಯಾಪ್ಸ್ ಆಗಿದೆ. ಹೀಗಾಗಿ ಆ ಕಾರುಗಳ ಮಾಲೀಕರಿಗೆ ಪರಿಹಾರ ಸಿಗುವುದಿಲ್ಲ. ಇನ್ನುಳಿದ 71 ಕಾರುಗಳು ಹೊರ ರಾಜ್ಯದವರಿಗೆ ಸೇರಿವೆ ಅವರು ದಾಖಲೆಯನ್ನು ಇನ್ನೂ ಸಲ್ಲಿಸಿಲ್ಲ.

ವಿಮೆ ಇಲ್ಲದ 21 ಕಾರುಗಳ ಪೈಕಿ ಎಂಟು ಕಾರುಗಳು ವಿಮೆ ಅವಧಿ ಮುಗಿದಿದೆ. ಇನ್ನು 13 ಕಾರುಗಳು ಒಬ್ಬರಿಂದ ಮತ್ತೊಬ್ಬರಿಗೆ ಮಾರಾಟವಾಗಿದ್ದು ವಿಮೆ ಪಾವತಿ ಮಾಡಿಲ್ಲ. ಹೀಗಾಗಿ ಕಾರುಗಳಿಗೆ ವಿಮಾ ಪರಿಹಾರ ಸಿಗುವುದಿಲ್ಲ.

ಘಟನಾ ಸ್ಥಳದಲ್ಲಿ ವಿಶೇಷ ಡೆಸ್ಕ್ ಆರಂಭಿಸಿದ್ದ ಕಾರಣ ಕಾರುಗಳ ಮಾಲೀಕರಿಗೆ ಪೊಲೀಸ್ ಇಲಾಖೆ ಸಾರಿಗೆ ಇಲಾಖೆಯಿಂದ ರಸೀದಿ ನೀಡಲಾಯಿತು. ಅಲ್ಲದೆ ವಿಮಾ ಕಂಪನಿಗಳು ಅವುಗಳನ್ನು ಸ್ವೀಕರಿಸಿದ ಕಾರಣ 12 ಕಾರುಗಳ ಮಾಲೀಕರು ನೇರವಾಗಿ ವಿಮೆ ಕ್ಲೇಮ್ ಮಾಡಿಕೊಂಡಿದ್ದರು.

English summary

21 car owners failed to get insurance in Aero India fire incident. Only 185 cars gor claim. Other 71 cars from other state.