ವಿದ್ಯುತ್ ಖರೀದಿ ಹಗರಣದ ವರದಿ ಮಂಡನೆ, ಶಿಫಾರಸುಗಳು
ಬೆಳಗಾವಿ, ನವೆಂಬರ್ 21 : ವಿದ್ಯುತ್ ಖರೀದಿ ಹಗರಣದ ಜಂಟಿ ಸದನ ಸಮಿತಿ ವರದಿಯನ್ನು ವಿಧಾನಸಭೆಯಲ್ಲಿ ಮಂಡನೆ ಮಾಡಲಾಗಿದೆ. ಶೋಭಾ ಕರಂದ್ಲಾಜೆ ಅವರು ಹೆಚ್ಚಿನ ದರಕ್ಕೆ ವಿದ್ಯುತ್ ಖರೀದಿ ಮಾಡಿದ್ದಾರೆ ಎಂದು ವರದಿ ಹೇಳಿದೆ.
ಇಂಧನ ಸಚಿವ ಡಿ.ಕೆ.ಶಿವಕುಮಾರ್ ಅವರು ಮಂಗಳವಾರ ಸಂಜೆ ವರದಿ ಮಂಡನೆ ಮಾಡಿದ್ದಾರೆ. ಮೊದಲು ಪ್ರತಿ ಯೂನಿಟ್ಗೆ ದರ ಹೆಚ್ಚು ಎಂದು ಟೆಂಡರ್ ರದ್ದು ಮಾಡಲಾಗಿತ್ತು. ನಂತರ ಅದೇ ಕಂಪನಿಯಿಂದ ಹೆಚ್ಚು ದರ ಕೊಟ್ಟು ವಿದ್ಯುತ್ ಖರೀದಿ ಮಾಡಲಾಗಿದೆ ಎಂದು ವರದಿ ಹೇಳಿದೆ.
ಸದನ ಸಮಿತಿ ವರದಿಯ ಪ್ರಕಾರ 2011ರಲ್ಲಿ ಸಚಿವ ಸಂಪುಟ ಸಭೆಯಲ್ಲಿ ಟೆಂಡರ್ ರದ್ದುಗೊಳಿಸಲಾಗಿತ್ತು. ಬಳಿಕ ಅದೇ ಕಂಪನಿಯ ಮೂಲಕ ಹೆಚ್ಚು ದರ ನೀಡಿ ವಿದ್ಯುತ್ ಖರೀದಿ ಮಾಡಲಾಗಿದೆ. ಜೆಎಸ್ಡಬ್ಯ್ಲೂ ಎನರ್ಜಿ ಲಿಮಿಟೆಡ್ ಗೆ ಟೆಂಡರ್ ನೀಡಿ 12,038 ಯೂನಿಟ್ ವಿದ್ಯುತ್ ಖರೀದಿ ಮಾಡಲಾಗಿದೆ.
1046 ಕೋಟಿ ಹೆಚ್ಚಿನ ದರವನ್ನು ನೀಡಿ ವಿದ್ಯುತ್ ಖರೀದಿ ಮಾಡಲಾಗಿದ್ದು, ಇದರಿಂದ ಸರ್ಕಾರದ ಬೊಕ್ಕಸಕ್ಕೆ ನಷ್ಟ ಉಂಟಾಗಿದೆ.
ಶಿಫಾರಸುಗಳು
* ಸರ್ಕಾರದ ಬೊಕ್ಕಸಕ್ಕೆ ನಷ್ಟ ಮಾಡಿ ವಿದ್ಯುತ್ ಖರೀದಿ ಮಾಡಿರುವುದು ಸಂಶಯಕ್ಕೆ ಕಾರಣವಾಗಿದೆ
* ವಿದ್ಯುತ್ ಖರೀದಿ ಬಗ್ಗೆ ಸೂಕ್ತ ಸಂಸ್ಥೆಯಿಂದ ತನಿಖೆ ನಡೆಯಬೇಕು
* ಸರ್ಕಾರದ ಬೊಕ್ಕಸಕ್ಕೆ ನಷ್ಟ ಉಂಟು ಮಾಡಿದವರನ್ನು ಪತ್ತೆ ಹಚ್ಚಿ ಕ್ರಮಕೈಗೊಳ್ಳಬೇಕು
Click it and Unblock the Notifications
Sign in with Google