ವಿಡಿಯೋ: ಪುತ್ರ ಪ್ರಧಾನಿ ಮೋದಿಗೆ ತಾಯಿ ಕೊಟ್ಟ ಉಡುಗೊರೆ ಏನು?

ಅಹ್ಮದಾಬಾದ್, ಏಪ್ರಿಲ್ 23: ಪ್ರಧಾನಿ ನರೇಂದ್ರ ಮೋದಿ ಅವರು ಮತದಾನಕ್ಕೂ ಮುನ್ನ ತಮ್ಮ ತಾಯಿ ಹೀರಾಬೆನ್ ಅವರನ್ನು ಭೇಟಿಯಾಗಿ ಆಶೀರ್ವಾದ ಪಡೆದರು. ಮಗನನ್ನು ಆಶೀರ್ವದಿಸಿ, ಸಿಹಿ ತಿನ್ನಿಸಿದ ಹೀರಾಬೆನ್ ನಂತರ ಅವರಿಗೆ ಕೆಂಪು ಬಣ್ಣದ ಶಾಲ್ ಅನ್ನು ಉಡುಗೊರೆಯಾಗಿ ನೀಡಿದರು.

#WATCH PM Narendra Modi meets his mother Heeraben Modi at her residence in Gandhinagar and takes her blessings. #Gujarat pic.twitter.com/uRGsGX0fcw

— ANI (@ANI) April 23, 2019

ತಾಯಿಯ ಆಶೀರ್ವಾದ ಪಡೆದ ನಂತರ ಅಹ್ಮದಾಬಾದಿನ ರಾನಿಪ್ ಮತಗಟ್ಟೆಯಲ್ಲಿ ಮೋದಿಯವರು ಮತಚಲಾಯಿಸಿದರು. ಮತಚಲಾವಣೆಗೂ ಮುನ್ನ ಟ್ವೀಟ್ ಮಾಡಿದ್ದ ಮೋದಿ, ಮೂರನೇ ಹಂತದ ಮತದಾನಕ್ಕೆ ಪ್ರತಿಬ್ಬರೂ ಭಾಗಿಯಾಗಿ, ತಮ್ಮ ಅಮೂಲ್ಯ ಮತಚಲಾಯಿಸುವಂತೆ ಕರೆ ನೀಡಿದ್ದರು.

ಮತದಾನದ ನಂತರ ಮಾತನಾಡಿದ ಮೋದಿ, ಉಗ್ರರು ಬಳಸುವ ಐಇಡಿ(ಸುಧಾರಿತ ಸ್ಫೋಟಕ)ಗಿಂತ ಪ್ರಜಾಪ್ರಭುತ್ವದಲ್ಲಿ ಮತದಾರ ಚಲಾಯಿಸುವ ವೋಟಿಗೇ ಹೆಚ್ಚು ಶಕ್ತಿ ಇದೆ ಎಂದರು. ಮಂಗಳವಾರ ಮೂರನೇ ಹಂತದ ಲೋಕಸಭಾ ಚುನಾವಣೆ ನಡೆಯುತ್ತಿದ್ದು, ಒಟ್ಟು 15 ರಾಜ್ಯಗಳ 117 ಕ್ಷೇತ್ರಗಳಿಗೆ ಮತದಾನ ನಡೆಯುತ್ತಿದೆ. ಫಲಿತಾಂಶ ಮೇ 23 ರಂದು ಹೊರಬೀಳಲಿದೆ.

English summary

Lok Sabha elections 2019: Before casting his vote, PM Narendra Modi takes blessings of his mother Heeraben. She blesses him and give a gift to him.