ಸಂಸದೆ ರಮ್ಯಾಗೆ ಜ್ವರ: ದಿಲ್ಲಿ ಅಪೊಲೋ ಆಸ್ಪತ್ರೆಗೆ ದಾಖಲು
ಮಂಡ್ಯ, ಸೆ.4: ಮಂಡ್ಯ ಸಂಸದೆಯಾಗಿ ದೆಹಲಿಗೆ ಚೊಚ್ಚಲ ಭೇಟಿ ಕೊಟ್ಟಿರುವ ಸುಪ್ರಸಿದ್ದ ನಟಿ ರಮ್ಯಾ ಅವರ ಆರೋಗ್ಯದಲ್ಲಿ ಏರುಪೇರಾಗಿದೆ. ಸರಿಯಾಗಿ ಒಂದು ತಿಂಗಳಿಂದ ದಿಡೀರನೆ ಬಿಡುವಿಲ್ಲದ ಚಟುವಟಿಕೆಗಳಿಂದ ಬಳಲಿರುವ ರಮ್ಯಾ ಅವರು ಸೂಕ್ತ ಚಿಕಿತ್ಸೆಗಾಗಿ ದೆಹಲಿಯ ಅಪೊಲೋ ಆಸ್ಪತ್ರೆಗೆ ದಾಖಲಾಗಿದ್ದಾರೆ.
ಸಾಕು ತಂದೆಯ ಹಠಾತ್ ಸಾವಿನಿಂದ ಹಿಡಿದು ಚೊಚ್ಚಲ ಬಾರಿಗೆ ಸಂಸದೆಯಾಗಿ ವಿಜಯೀಭವ ಆಗುವುದರ ಮಧ್ಯೆ ಖಾಸಗಿ ಬದುಕಿನಲ್ಲಿ ಅನೇಕ ಏರುಪೇರುಗಳನ್ನು ಕಂಡ ರಮ್ಯಾ ಮಾನಸಿಕವಾಗಿ ಮತ್ತು ದೈಹಿಕವಾಗಿ ಸಾಕಷ್ಟು ಘಾಸಿಗೊಂಡಿದ್ದರು.
ರಮ್ಯಾ ಅವರು ಭಾನುವಾರವೇ ಅಸ್ವಸ್ಥಗೊಂಡಿದ್ದಾರೆ. ರಮ್ಯಾ ಅವರನ್ನು ವೈರಲ್ ಜ್ವರ ಬಾಧಿಸುತ್ತಿದೆ. ಆದರೆ ಗಾಬರಿಪಡುವಂಥದ್ದೇನೂ ಆಗಿಲ್ಲ. ಮೂರ್ನಾಲ್ಕು ದಿನಗಳ ಚಿಕಿತ್ಸೆ/ವಿಶ್ರಾಂತಿ ಪಡೆದು ಸಹಜತೆಗೆ ಮರಳುತ್ತಾರೆ ಎಂದು ರಮ್ಯಾ ಅವರ ಆಪ್ತ ಮೂಲಗಳು ತಿಳಿಸಿವೆ.
ಸೆಪ್ಟೆಂಬರ್ 7ರಂದು ತಮ್ಮ ಕ್ಷೇತ್ರದಲ್ಲಿ ಪ್ರವಾಸ ಕೈಗೊಳ್ಳುವುದಾಗಿ ರಮ್ಯಾ ತಮ್ಮ ಟ್ವಿಟ್ಟರ್ ಖಾತೆ ಮೂಲಕ ತಿಳಿಸಿದ್ದಾರೆ.
she has been unwell since Sunday and still made the trip to Delhi as she had prior commitments for her constituency. she shall be back soon.
— Divya Spandana/Ramya (@divyaspandana) September 3, 2013
She will be touring her constituency starting from the 7th. lets pray for her speedy recovery- spokesperson for Ramya
— Divya Spandana/Ramya (@divyaspandana) September 3, 2013