ಗನ್ ತೋರಿಸಿ ಮಹಿಳೆಯ ರೇಪ್ ಮಾಡಿದ ಪೇದೆಗಳು

ಮುಜಾಫರನಗರ, ಆಗಸ್ಟ್ 14: 30 ವರ್ಷದ ಮಹಿಳೆಗೆ ಬಂದೂಕಿನಿಂದ ಜೀವಭಯವೊಡ್ಡಿದ ಇಬ್ಬರು ಪೊಲೀಸ್ ಪೇದೆಗಳು ಆಕೆಯ ಮೇಲೆ ಪೈಶಾಚಿಕವಾಗಿ ಸಾಮೂಹಿಕ ಅತ್ಯಾಚಾರವೆಸಗಿದ್ದಾರೆ. ಶಾಮಲಿ ಜಿಲ್ಲೆಯ ಗಗೇರು ಗ್ರಾಮದಲ್ಲಿ ಮಂಗಳವಾರ ಈ ಘಟನೆ ನಡೆದಿದೆ.

ಆರೋಪಿ ಪೇದೆಗಳಾದ ದೀಪಕ್ ರಾಠಿ ಮತ್ತು ವಿಕಾಸ್ ಚೌಧರಿ ವಿರುದ್ಧ ಸ್ಥಳೀಯ ಪೊಲೀಸರು ಅತ್ಯಾಚಾರ ಮತ್ತು ಲೂಟಿ ಪ್ರಕರಣಗಳನ್ನು ದಾಖಲಿಸಿದ್ದಾರೆ. ಬಾಧಿತಳ ಮನೆಗೆ ನುಗ್ಗಿದ ಸದರಿ ಪೇದೆಗಳು ಆಕೆಗೆ ಬಂದೂಕು ತೋರಿಸಿ, ಅತ್ಯಾಚಾರವೆಸಗಿದ್ದಾರೆ ಎಂದು ಪೊಲೀಸ್ ವರಿಷ್ಠಾಧಿಕಾರಿ ಸಿಪಿ ಸಿಂಗ್ ತಿಳಿಸಿದ್ದಾರೆ.

ಪಾತಕಿಗಳಿಬ್ಬರೂ ಆಕೆಯ ಮೇಲೆ ಅತ್ಯಾಚಾರ ಮಾಡಿದ್ದೂ ಅಲ್ಲದೆ ಆಕೆಯ ಮನೆಯಿಂದ ನಗದು ಮತ್ತು ಆಭರಣಗಳನ್ನೂ ದೋಚಿದ್ದಾರೆ. ಘಟನೆಯ ಬಗ್ಗೆ ಯಾರಿಗಾದರೂ ಮಾಹಿತಿ ನೀಡಿದರೆ ಸಾಯಿಸುವುದಾಗಿಯೂ ಬೆದರಿಕೆಯೊಡ್ಡಿದ್ದರು ಎಂದು ಅವರು ಹೇಳಿದ್ದಾರೆ.

ಮಹಿಳೆಯನ್ನು ವೈದ್ಯಕೀಯ ಪರೀಕ್ಷೆಗೆ ಕಳುಹಿಸಲಾಗಿದೆ. ಪೊಲೀಸರು ಆರೋಪಿಗಳನ್ನು ಬಂಧಿಸಿದ್ದಾರೆ. ಈ ಮಧ್ಯೆ ಆರೋಪಿ ಪೊಲೀಸರ ವಿರುದ್ಧ ಕಠಿಣಕ್ರಮ ಜರುಗಿಸಬೇಕು ಎಂದು ಗ್ರಾಮಸ್ಥರು ಧರಣಿ ನಡೆಸಿದ್ದಾರೆ.

English summary

Village woman gang-raped by two policemen in Uttar Pradesh. Two police personnel allegedly gang-raped a 30-year-old woman at gunpoint at Gageru village of Shamli district on Tuesday. A case of gang-rape and loot has been registered against constables Deepak Rathi and Vikas Choudhry.