15 ಲಕ್ಷ ವರದಕ್ಷಿಣೆ: ಬೆಂಗಳೂರು ಟೆಕ್ಕಿ ಬಂಧನ
ಆರೋಪಿ ಹೆನ್ರಿ ವಿಲಿಯಂ ಬೋಸ್ಕೋ ಬೆಂಗಳೂರಿನವ. 34 ವರ್ಷದ ಈತ ವರದಕ್ಷಿಣೆಗಾಗಿ ತನ್ನನ್ನು ಗೋಳು ಹೊಯ್ದುಕೊಳ್ಳುತ್ತಿದ್ದ ಎಂದು ಇಂಜಿನಿಯರಿಂಗ್ ಕಾಲೇಜಿನಲ್ಲಿ ಪ್ರೊಫೆಸರ್ ಆಗಿರುವ ಟೆಕ್ಕಿಯ ಪತ್ನಿ ಪೊಲೀಸರಿಗೆ ದೂರು ನೀಡಿದ್ದರು.
2011ರಲ್ಲಿ ನಮ್ಮ ಮದುವೆಯಾಗಿತ್ತು. ಆ ವೇಳೆ 10 ಲಕ್ಷ ರೂ ವರದಕ್ಷಿಣೆ ನೀಡಲಾಗಿತ್ತು. ಆದರೂ ಕಳೆದೆರಡು ವರ್ಷದಿಂದ ವರದಕ್ಷಿಣೆಗಾಗಿ ನನ್ನ ಮೇಲೆ ಒಂದೇ ಸಮನೆ ದೈಹಿಕ ಹಲ್ಲೆಯನ್ನು ನಡೆಸಿದ್ದಾನೆ. ಈ ಮಧ್ಯೆ ಗರ್ಭಪಾತವೂ ಆಯಿತು ಎಂದು ಪೂನಾಮಲ್ಲೆಯಲ್ಲಿರುವ ಇಂಜಿನಿಯರಿಂಗ್ ಕಾಲೇಜಿನ ಪ್ರೊ. ರೀಟಾ ಕರೋಲಿನ್ (30) ಪೊಲೀಸರಿಗೆ ನೀಡಿರುವ ದೂರಿನಲ್ಲಿ ಅಲವತ್ತುಕೊಂಡಿದ್ದಾರೆ.
ನನ್ನ ತಾಯಿ ನರ್ಸ್ ಆಗಿದ್ದು, ಎಲ್ಲ ಸಂಕಷ್ಟಗಳನ್ನು ಎದುರಿಸಿ/ಸಹಿಸಿಕೊಂಡು ಹೋಗುವಂತೆ ಬುದ್ಧಿವಾದ ಹೇಳುತ್ತಿದ್ದರು. ಭಯ/ಮಾನ ಮರ್ಯಾದೆಗೆ ಅಂಜಿ ನಾನು, ನಮ್ಮ ತಾಯಿ ಎಲ್ಲವನ್ನೂ ಸಹಿಸಿಕೊಂಡೆವು ಎಂದು ರೀಟಾ ದೂರಿದ್ದಾರೆ.
ಚೆನ್ನೈನ ಮಹಿಳಾ ಪೊಲೀಸರು ಇದೀಗ ರೀಟಾ ದೂರಿಗೆ ಸ್ಪಂದಿಸಿದ್ದು ಬೋಸ್ಕೋನನ್ನು ವಿಚಾರಣೆಗೆ ಗುರಿಪಡಿಸಿದ್ದಾರೆ.
Click it and Unblock the Notifications
Sign in with Google