ರಾಷ್ಟ್ರಪತಿ ಭವನದಲ್ಲಿ ಅಪರೂಪದ ಆಡಿಯೋ ವಿಡಿಯೋ
ಭಾರತಕ್ಕೆ ಸ್ವಾತಂತ್ರ್ಯ ಸಿಗುತ್ತಿದ್ದಂತೆ ಬ್ರಿಟಿಷರ ಕಟ್ಟಕಡೆಯ ವೈಸರಾಯ್ ಆಗಿದ್ದ ಲಾರ್ಡ್ ಮೌಂಟ್ ಬ್ಯಾಟನ್ ಅವರು ಭಾರತದಿಂದ ನಿರ್ಗಮಿಸುವ ವಿಡಿಯೋ, ರಾಜಾಜಿ ಎಂದೇ ಎಲ್ಲರಿಂದ ಕರೆಯಿಸಿಕೊಳ್ಳುತ್ತಿದ್ದ ಸಿ ರಾಜಗೋಪಾಲಾಚಾರಿ ಅವರು ಭಾರತದ ಪ್ರಥಮ ಗವರ್ನರ್ ಜನರಲ್ ಆಗಿ ಪ್ರಮಾಣ ಸ್ವೀಕರಿಸಿದ ಅಪೂರ್ವ ವಿಡಿಯೋಗಳನ್ನು ಪ್ರಣಬ್ ಮುಖರ್ಜಿ ಅವರು ನೋಡಿ ಆನಂದಿಸಿದರು.
ಇವುಗಳನ್ನು ಫಿಲ್ಮ್ಸ್ ಡಿವಿಷನ್ನಿಂದ ಸಂಗ್ರಹಿಸಲಾಗಿದ್ದರೆ, ಸಿ ರಾಜಗೋಪಾಲಾಚಾರಿ, ಭಾರತದ ಪ್ರಥಮ ರಾಷ್ಟ್ರಪತಿ ಡಾ. ರಾಜೇಂದ್ರ ಪ್ರಸಾದ್, ಪ್ರಥಮ ಉಪರಾಷ್ಟ್ರಪತಿ ಡಾ. ಎಸ್ ರಾಧಾಕೃಷ್ಣನ್, ಮಾಜಿ ರಾಷ್ಟ್ರಪತಿ ಜಾಕಿರ್ ಹುಸೇನ್ ಮುಂತಾದವರು ಮಾಡಿದ ಭಾಷಣದ ತುಣುಕುಗಳನ್ನು ಆಕಾಶವಾಣಿಯಿಂದ ತರಿಸಿಕೊಳ್ಳಲಾಗಿದೆ. ರಾಷ್ಟ್ರಪತಿ ಭವನಕ್ಕೆ ಅತ್ಯಮೂಲ್ಯವಾದ ಭಂಡಾರವೇ ಸಿಕ್ಕಂತಾಗಿದೆ.
ಇವುಗಳ ಜೊತೆಗೆ ಸಿ ರಾಜಗೋಪಾಲಾಚಾರಿ, ಡಾ. ಜಾಕಿರ್ ಹುಸೇನ್, ಡಾ. ರಾಜೇಂದ್ರ ಪ್ರಸಾದ್, ಡಾ. ರಾಧಾಕೃಷ್ಣನ್, ಸ್ವಾತಂತ್ರ್ಯಾನಂತರ ನಡೆದ ಮೊಟ್ಟಮೊದಲ ಗಣರಾಜ್ಯೋತ್ಸವ ಪರೇಡ್ ಕುರಿತು ಮಾಡಿರುವ ಚಲನಚಿತ್ರ ಕೂಡ ಇಲ್ಲಿ ಲಭ್ಯವಿದೆ. ಇಂಥ ಅತ್ಯಮೂಲ್ಯವಾದ ಆಡಿಯೋ-ವಿಡಿಯೋ ಸಂಗ್ರಹ ಬರೀ ಜನಪ್ರತಿನಿಧಿಗಳಿಗೆ ಮಾತ್ರ ಕೇಳಲು ಮತ್ತು ನೋಡಲು ಲಭ್ಯವೋ ಅಥವಾ ಜನಸಾಮಾನ್ಯರಿಗೂ ಅವಕಾಶ ಸಿಗುತ್ತದಾ ಎಂದು ತಿಳಿದುಬಂದಿಲ್ಲ.
Click it and Unblock the Notifications
Sign in with Google