ಐಟಿ- 21000 ನೇಮಕ: ಟಾರ್ಗೆಟ್ 25000 ಕೋಟಿ ರೂ

ನವದೆಹಲಿ, ಮೇ 24: ಹಣಕಾಸು ಸಚಿವ ಪಿ ಚಿದಂಬರಂ ಅವರು ಪಕ್ಕಾ ಮಾರ್ವಾಡಿಗಳ ಮಾದರಿಯಲ್ಲಿ ಲೆಕ್ಕಾಚಾರಕ್ಕೆ ಇಳಿದಿದ್ದಾರೆ. ಅಥವಾ ತೆರಿಗೆ ತಪ್ಪಿಸುವ ಮಂದಿಯತ್ತ ಚಾಟಿಯೇಟು ಬೀಸಿ, ತೆರಿಗೆ ವಸೂಲಿಗೆ ಇಳಿಯಲು ನಿರ್ಧರಿಸಿದ್ದಾರೆ. ಏನಾದರೂ ಅನ್ನಿ. ಒಟ್ಟಿನಲ್ಲಿ 25,000 ಕೋಟಿ ರೂ.ಗಳನ್ನು ಸರಕಾರಿ ಖಜಾನೆಗೆ ತುಂಬಲು ಅವರು ಮನಸ್ಸು ಮಾಡಿದ್ದಾರೆ.

. ಹಾಗೆಯೇ, ನೇಮಕಾತಿಗಾಗಿ ಅರ್ಜಿ ಸಲ್ಲಿಸುವವರಿಗೂ.

ಏನಪ್ಪಾ ಅಂದರೆ ಭಾರತೀಯ ಕಂದಾಯ ಸೇವೆ (IRS) ವಿಭಾಗದಲ್ಲಿ ಸುಮಾರು 1,500 ಮಂದಿಯನ್ನು ಮೊದಲು ನೇಮಿಸಿಕೊಂಡು ಕಾರ್ಯಾಚರಣೆಗೆ ಇಳಿಯಲು ಚಿದು ಮುಂದಾಗಿದ್ದಾರೆ. ಉಳಿದಂತೆ ಆದಾಯ ತೆರಿಗೆ ಇಲಾಖೆಗಾಗಿ 20,750 ಹೆಚ್ಚುವರಿ ಹುದ್ದೆ ಸೃಷ್ಟಿಸಿ, ಅಷ್ಟಕ್ಕೂ ನೇಮಕಾತಿ ನಡೆಯಲಿದೆ. ಇದು ಕೇಂದ್ರ ಸರಕಾರದ ವತಿಯಿಂದ ನಡೆಯುತ್ತಿರುವ ಬೃಹತ್ ಪ್ರಮಾಣದ ನೇಮಕಾತಿ ಎಂದು ವಿತ್ತ ಸಚಿವ ಪಿ ಚಿದಂಬರಂ ತಿಳಿಸಿದ್ದಾರೆ.

ಇದರ ಒಟ್ಟಾರೆ ಉದ್ದೇಶ ಸ್ಪಷ್ಟ ತೆರಿಗೆ ಕಳ್ಳರಿಗೆ ಮೈಚಳಿ ಬಿಡಿಸುವುದು. ಜತೆಗೆ ಇಲಾಖೆಯಲ್ಲಿ ಮೌಲ್ಯಾಧಾರಿತ ಸೇವೆಯನ್ನು ಒದಗಿಸುವುದು. ಅಂದರೆ ಇಲಾಖೆಯ ದಕ್ಷತೆ ಹೆಚ್ಚಿಸುವುದು.

ತೆರಿಗೆ ಸಂಗ್ರಹಕ್ಕೆ ಸಿಬ್ಬಂದಿ ಕೊರತೆಯೇ ವಿಘ್ನಕಾರಿಯಾಗಿದೆ ಎಂದು ಆದಾಯ ತೆರಿಗೆ ಇಲಾಖೆ ಈ ಹಿಂದಿನಿಂದಲೂ ಹೇಳುತ್ತಾ ಬಂದಿತ್ತು. ಇದೀಗ ತಡವಾಗಿ ಎಚ್ಚೆತ್ತಿರುವ ಕೇಂದ್ರವು ಭಾರಿ ನೇಮಕಾತಿಗಳಿಗೆ ಅಸ್ತು ಅಂದಿದೆ. ಇದರಿಂದ ಕೇಂದ್ರದ ಮೇಲೆ ವಾರ್ಷಿಕ 450 ಕೋಟಿ ರೂ. ಹೆಚ್ಚುವರಿ ಹೊರೆ ಬೀಳಲಿದೆ.

English summary

I-T Dept to hire 21k staff to mop up Rs 25,000 cr tax. In one of the largest-ever recruitment drives by a government agency, the Union cabinet cleared a plan to create 20,750 additional posts in the Income Tax department , including revenue service officers, as a part of a drive to step up scrutiny and increase annual collections by Rs 25,000 crore.