ಚಿಕ್ಕಮಗಳೂರು- ಕೋಲಾರ: ಇಬ್ಬರು ಮಹಿಳೆರ ರೇಪ್ ಹತ್ಯೆ

ಚಿಕ್ಕಮಗಳೂರು, ಮೇ 23: ಚಿಕ್ಕಮಗಳೂರಿನಲ್ಲಿ ಬುಧವಾರ ರಾತ್ರಿ ಅಪರಿಚಿತರು ವಿವಾಹಿತ ಮಹಿಳೆಯ ಮೇಲೆ ಅತ್ಯಾಚಾರವೆಸಗಿ ಬರ್ಬರವಾಗಿ ಹತ್ಯೆ ಮಾಡಿದ್ದಾರೆ. ಹಳಿಯೂರು ರೈಲ್ವೆ ಗೇಟ್ ಬಳಿ ಮಹಿಳೆಯ ಶವ ಬಿಸಾಡಲಾಗಿದೆ.

ಮೃತ ಮಹಿಳೆಯನ್ನು ಚಿಕ್ಕಮಗಳೂರಿನ ತರೀಕೆರೆ ಬಡಾವಣೆಯ ದೇವಿ ಬಾಯಿ ಎಂದು ಗುರುತಿಸಲಾಗಿದ್ದು, ಈಕೆ ಇಬ್ಬರು ಮಕ್ಕಳ ತಾಯಿ. ಗಂಡನಿಂದ ದೂರವಾಗಿದ್ದರು ಎಂದು ಚಿಕ್ಕಮಗಳೂರು ಪೊಲೀಸರು ತಿಳಿಸಿದ್ದಾರೆ.

ರೇಪ್, ಹತ್ಯೆ- ಕೋಲಾರದಲ್ಲಿ ಮಹಿಳೆ ನಗ್ನ ಶವ ಪತ್ತೆ:
ಮಹಿಳೆಯ ಮೇಲೆ ಅತ್ಯಾಚಾರವೆಸಗಿದ ಪಾತಕಿಗಳು, ಆಕೆಯನ್ನು ಬರ್ಬರವಾಗಿ ಹತ್ಯೆ ಮಾಡಿದ್ದಾರೆ. ಕೋಲಾರದ ಭೈರೇಗೌಡ ನಗರದಲ್ಲಿ ಬುಧವಾರ ರಾತ್ರಿ ಈ ಘಟನೆ ನಡೆದಿದೆ. ಕೋಲಾರ ಗ್ರಾಮಾಂತರ ಪೊಲೀಸರು ಸ್ಥಳಕ್ಕೆ ದೌಡಾಯಿಸಿದ್ದಾರೆ.

ಮಹಿಳೆಯನ್ನು ನಗರದ ಹೊರವಲಯದಲ್ಲಿ ನೀಲಗಿರಿ ತೋಪಿಗೆ ಎಳೆದೊಯ್ದು, ಈ ಕುಕೃತ್ಯವೆಸಗಲಾಗಿದೆ. ಮಹಿಳೆಯ ವಿವರ ತಿಳಿದುಬಂದಿಲ್ಲ. ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗಿದೆ.

English summary

In a saperate incidents two women have been raped and murdered in Bhare Gowda Nagar in Kolar outskirts and Chickmagalur on May 22 night.