ಬಾಗಲಕೋಟೆ ಕಾಂಗ್ರೆಸ್ ಭದ್ರ ಕೋಟೆ

ಬಾಗಲಕೋಟೆ, ಮೇ 13 : ಕಳೆದ ಚುನಾವಣೆಯಲ್ಲಿ ಬಿಜೆಪಿ ಭದ್ರಕೋಟೆಯಾಗಿದ್ದ ಬಾಗಲಕೋಟೆ ಜಿಲ್ಲೆ ಈ ಬಾರಿಯ ಚುನಾವಣೆಯಲ್ಲಿ ಛಿದ್ರವಾಗಿದೆ. ಜಿಲ್ಲೆಯಲ್ಲಿ ಆರು ಸ್ಥಾನಗಳು ಕೈವಶವಾಗಿವೆ. ಮಾಜಿ ಸಚಿವ ಗೋವಿಂದ ಎಂ.ಕಾರಜೋಳ ಮುಧೋಳ ಕ್ಷೇತ್ರದಲ್ಲಿ ಜಯಗಳಿಸುವ ಮೂಲಕ ಬಿಜೆಪಿಗೆ ಕೊಂಚ ರಿಲೀಫ್ ನೀಡಿದ್ದಾರೆ.

ಕೆಜೆಪಿ ಸೇರುತ್ತೇನೆ ಎಂದು ಹೇಳಿ ಕೊನೆ ಕ್ಷಣದಲ್ಲಿ ಬಿಜೆಪಿಯಿಂದಲೇ ಸ್ಪರ್ಧಿಸಿದ್ದ, ಮುರುಗೇಶ್ ನಿರಾಣಿ ಬೀಳಗಿ ಕ್ಷೇತ್ರದಲ್ಲಿ ಹೀನಾಯವಾಗಿ ಸೋಲು ಅನುಭವಿಸಿದ್ದಾರೆ. ಕಾಂಗ್ರೆಸ್ ಅಭ್ಯರ್ಥಿ ಜೆ.ಟಿ.ಪಾಟೀಲ್ ಅವರ ವಿರುದ್ಧ ನಿರಾಣಿ 11 ಸಾವಿರಕ್ಕೂ ಅಧಿಕ ಮತಗಳ ಅಂತರದಿಂದ ಪರಭವಗೊಂಡಿದ್ದಾರೆ.

ಜಿಲ್ಲೆಯ ರಾಜಕಾರಣಕ್ಕೆ ಈ ಬಾರಿ ತಾರಾ ಮೆರಗು ಲಭಿಸಿದ್ದು, ನಟಿ ಉಮಾಶ್ರೀ ತೆರೆದಾಳ ಕ್ಷೇತ್ರದಲ್ಲಿ ವಿಜಯದ ನಗೆ ಬೀರಿದ್ದಾರೆ. ಜಿಲ್ಲೆಯ ಮುಧೋಳ ಕ್ಷೇತ್ರದಲ್ಲಿ ಮಾತ್ರ ಕಮಲ ಅರಳಿದ್ದು, ಬಿಜೆಪಿ ನಾಯಕರಿಗೆ ತೀವ್ರ ಮುಖಭಂಗವಾಗಿದೆ.

2008ರ ಚುನಾವಣೆಯಲ್ಲಿ ಬಾಗಲಕೋಟೆ ಜಿಲ್ಲೆಯ ಏಳು ಕ್ಷೇತ್ರಗಳು ಬಿಜೆಪಿ ಪಾಲಾಗಿದ್ದವು. ಕಾಂಗ್ರೆಸ್ ಪಕ್ಷಕ್ಕೆ ಭಾರೀ ಹಿನ್ನಡೆ ಉಂಟಾಗಿತ್ತು. ಈ ಚುನಾವಣೆಯಲ್ಲಿ ಅದರ ಸೇಡು ತೀರಿಸಿಕೊಂಡಿರುವ ಕಾಂಗ್ರೆಸ್ ಬಿಜೆಪಿಗೆ ಒಂದು ಸ್ಥಾನವನ್ನು ಮಾತ್ರ ನೀಡಿದೆ.

ಬಾಗಲಕೋಟೆ ಜಿಲ್ಲೆ ವಿಧಾನಸಭಾ ಕ್ಷೇತ್ರಗಳಲ್ಲಿ : ಗೆದ್ದವರು, ಸೋತವರ ವಿವರ ಹೀಗಿದೆ:

ಕ್ಷೇತ್ರ	ಗೆದ್ದವರು	ಪಕ್ಷ	ಪಡೆದ ಮತಗಳು	ಸೋತವರು	ಪಕ್ಷ	ಪಡೆದ ಮತಗಳು
ಮುಧೋಳ	ಗೋವಿಂದ ಕಾರಜೋಳ	ಬಿಜೆಪಿ	64,727	ಆರ್.ಬಿ.ತಿಮ್ಮಾಪೂರ	ಕಾಂಗ್ರೆಸ್	59,549
ತೆರದಾಳ	ಉಮಾಶ್ರೀ	ಕಾಂಗ್ರೆಸ್	70,189	ಸಿದ್ದು ಸವದಿ	ಬಿಜೆಪಿ	67,590
ಜಮಖಂಡಿ	ಸಿದ್ದು ನ್ಯಾಮಗೌಡ	ಕಾಂಗ್ರೆಸ್	49,145	ಜಗದೀಶ್ ಗುಡಗುಂಟಿ	ಪಕ್ಷೇತರ	27,993
ಬೀಳಗಿ	ಜೆ.ಟಿ.ಪಾಟೀಲ್	ಕಾಂಗ್ರೆಸ್	66,655	ಮುರುಗೇಶ್ ನಿರಾಣಿ	ಬಿಜೆಪಿ	55,417
ಬದಾಮಿ	ಬಿ.ಬಿ.ಚಿಮ್ಮನಕಟ್ಟಿ	ಕಾಂಗ್ರೆಸ್	57,103	ಮಹಾಂತೇಶ್ ಮಮದಾಪುರ	ಜೆಡಿಎಸ್	41,957
ಬಾಗಲಕೋಟೆ	ಎಚ್.ವೈ.ಮೇಟಿ	ಕಾಂಗ್ರೆಸ್	67,749	ವೀರಣ್ಣ ಚಿರಂತಿಮಠ	ಬಿಜೆಪಿ	64,819
ಹುನಗುಂದ	ವಿಜಯಾನಂದ ಕಾಶಪ್ಪನವರ್	ಕಾಂಗ್ರೆಸ್	72,720	ದೊಡ್ಡನಗೌಡ ಪಾಟೀಲ್	ಬಿಜೆಪಿ	56,923

English summary

Karnataka assembly Election Results. Here is complete information about winners and losers with their constituencies and party of Bagalkot district. in Bilagi constituency former minister Murugesh Nirani defeated by Congress candidate.