ಚುನಾವಣೆ ಸೋಲು: ಬಿಜೆಪಿ ಶಾಸಕನ ಪುತ್ರ ಆತ್ಮಹತ್ಯೆ

ಜಲಗಾಂವ್, ಮೇ 2: ಮಹಾರಾಷ್ಟ್ರ ವಿಧಾನಸಭೆಯ ಪ್ರತಿಪಕ್ಷ ನಾಯಕ ಹಾಗೂ ಹಿರಿಯ ಬಿಜೆಪಿ ಮುಖಂಡ ಏಕನಾಥ್ ಖಾಡ್ಸೆ ಅವರ ಪುತ್ರ ನಿಖಿಲ್ ಖಾಡ್ಸೆ ಬುಧವಾರ ಜಲಗಾಂವ್ ಜಿಲ್ಲೆಯ ಮುಕ್ತಾಯ್ ನಗರ್‌ನಲ್ಲಿರುವ ತನ್ನ ನಿವಾಸದಲ್ಲಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

37 ವರ್ಷ ವಯಸ್ಸಿನ ನಿಖಿಲ್ ಪತ್ನಿ, ಪುತ್ರ ಹಾಗೂ ಪುತ್ರಿಯನ್ನು ಅಗಲಿದ್ದಾರೆ. ಅವರ ಆತ್ಮಹತ್ಯೆಗೆ ಕಾರಣವೇನೆಂಬುದು ತಿಳಿದುಬಂದಿಲ್ಲ. ಮೇಲ್ಮನೆ ಚುನಾವಣೆಯಲ್ಲಿ ಸೋತ ಬಳಿಕ ನಿಖಿಲ್ ತೀವ್ರ ಖಿನ್ನತೆಗೆ ಒಳಗಾಗಿದ್ದರು. ಜತೆಗೆ ಸುಮಾರು ಒಂದು ವರ್ಷದಿಂದ ಅವರ ಆರೋಗ್ಯ ಸರಿಯಾಗಿರಲಿಲ್ಲ ಎನ್ನಲಾಗಿದೆ.

2009ರಲ್ಲಿ ವಿಧಾನಸಭೆ ಚುನಾವಣೆಯಲ್ಲೂ ಸ್ಪರ್ಧಿಸಿ, ನಿಖಿಲ್ ಸೋತಿದ್ದರು. ನಿಖಿಲ್ ಆತ್ಮಹತ್ಯೆ ಮಾಡಿಕೊಂಡಾಗ ಅವರ ತಂದೆ ಮನೆಯಲ್ಲಿರಲಿಲ್ಲ ಎಂದು ಕುಟುಂಬದ ಮೂಲಗಳು ತಿಳಿಸಿವೆ.

ನಿಖಿಲ್ ಬುಧವಾರ ಬೆಳಗಿನ ಜಾವ ರಿವಾಲ್ವರಿನಿಂದ ತನ್ನ ತಲೆಗೆ ತಾನೇ ಗುಂಡಿಕ್ಕಿಕೊಂಡಿದ್ದಾರೆ. ಅವರನ್ನು ತಕ್ಷಣವೇ ವಿಮಾನದಲ್ಲಿ ಆಸ್ಪತ್ರೆಗೆ ಸಾಗಿಸಸಲಾಯಿತು. ಆದರೆ ಆ ವೇಳೆಗೆ ಅವರು ಮೃತಪಟ್ಟಿದ್ದರು ಎಂದು ಜಲಗಾಂವ್ ಗ್ರಾಮಾಂತರ ಪೊಲೀಸ್ ಅಧೀಕ್ಷಕ ಎಸ್. ಕುಮಾರ್ ಅವರು ತಿಳಿಸಿದ್ದಾರೆ.

English summary

Maharashtra BJP MLA son depressed Nikhil Khadse commit suicide. Nikhil Khadse, Son of Maharashtra opposition leader Eknath Khadse reportedly attempted suicide by shooting himself at their ancestral home in Muktainagar on Wednesday. He was depressed after he lost MLC election and was not keeping well for over a year. however, the motive behind the behind the drastic step is yet to be known.