In Pics: ಬಣ್ಣದ ಹಬ್ಬ ದೇಶವಾಯ್ತು ವರ್ಣಮಯ

By Mahesh

Updated: Wednesday, March 27, 2013, 19:11 [IST]

ದೇಶದೆಲ್ಲೆಡೆ ಬಣ್ಣದ ಹಬ್ಬದ ಸಂಭ್ರಮ ಮುಗಿಲು ಮುಟ್ಟುತ್ತಿದೆ. ಈ ಬಾರಿ ಸುರಕ್ಷತೆಯಿಂದ ಹೋಳಿ ಆಚರಿಸಿ, ನೀರು ಉಳಿಸಿ ಎಂಬ ಕೂಗು ಎಲ್ಲೆಡೆ ಎದ್ದಿದೆ. ರಾಸಾಯನಿಕ ಬಣ್ಣಗಳ ಬಳಕೆ ನಿಯಂತ್ರಿಸಿ ನೈಸರ್ಗಿಕ ಬಣ್ಣ ಬಳಸಿ ಇದು ಆರೋಗ್ಯಕರ, ಖರ್ಚು ಕಮ್ಮಿ ಎಂದು ಸಾರಲಾಗುತ್ತಿದೆ.

ಆದರೆ, ಹುಚ್ಚುಕೋಡಿ ಮನಸ್ಸುಗಳಿಗೆ ತಕ್ಷಣಕ್ಕೆ ಕಡಿವಾಣ ಹಾಕುವುದು ಸಾಧ್ಯವಿಲ್ಲ. ಹೋಳಿ ಹಬ್ಬದಂದೇ ನೀರು ಪೋಲಾಗುತ್ತಿದೆ ಎಂಬುದು ಹಲವೆಡೆ ನಗೆಪಾಟಲಾಗಿದೆ. ಜಾತಿ ಮತ ಪಂಥದ ಬೇಧ ಭಾವ ವಿಲ್ಲದೆ ಹೋಳಿ ಆಚರಿಸಲಾಗುತ್ತಿದೆ. ಈ ಬಾರಿ ಹೆಚ್ಚೆಚ್ಚು ವಿದೇಶಿಯರು ಬಣ್ಣದೋಕುಳಿಯಲ್ಲಿ ತೊಡಗಿದ್ದಾರೆ.

ಅಮಿತಾಬ್ ಬಚ್ಚನ್ ಅವರ ನೀರು ಉಳಿಸಿ ಟ್ವೀಟ್ ಜೊತೆಗೆ ಟ್ವೀಟ್ ಲೋಕದಲ್ಲಿ #loveholi #happyholi ಟ್ಯಾಗ್ ಗಳು ಸುತ್ತಾಡುತ್ತಿದೆ. ನೀರಿನ ಮಹತ್ವದ ಬಗ್ಗೆ ಅತಿ ದೊಡ್ಡ ಅಭಿಯಾನ ನಡೆಯುತ್ತಿದೆ. ಮುಂಬೈ ವಿವಿ ವಿದ್ಯಾರ್ಥಿಗಳು ನೀರಿನ ಉಳಿತಾಯಕ್ಕಾಗಿ ಬೀದಿ ನಾಟಕಗಳನ್ನು ಆಡುತ್ತಾ ಜನ ಜಾಗೃತಿ ಮೂಡಿಸುತ್ತಿದ್ದಾರೆ.

* ಚಿತ್ರಸರಣಿ: ಬೃಂದಾವನದಲ್ಲಿ ಕೃಷ್ಣ ಭಕ್ತೆಯರ ಹೋಳಿ
* ಚಿತ್ರಸರಣಿ: ಹೋಳಿ ಆಚರಿಸಿ ನೀರು ಉಳಿಸಿ

ತಮ್ಮ ಪರಿಚಿತರ ಜೊತೆಗೆ ಹೋಳಿ ಆಡುವುದು, ಆದಷ್ಟು ಮುನ್ನಚ್ಚರಿಕೆಯನ್ನು ಪಾಲಿಸುವುದು ಒಂದು ರೀತಿ ಒಳ್ಳೆಯದೆ, ಷೇರು ಪೇಟೆ ಸೇರಿ ಸರ್ಕಾರಿ ರಜೆ, ಶಾಲಾ, ಕಾಲೇಜುಗಳಿಗೆ ಪರೀಕ್ಷೆ ನಡುವೆ ರಜೆ ಇರುವುದರಿಂದ ಹ್ಯಾಪಿ ಹೋಳಿ ಎಂದು ಬಣ್ಣ ಎರಚುವುದರಲ್ಲಿ ತಪ್ಪೇನಿಲ್ಲ.

ಮಹಾರಾಷ್ಟ್ರದಲ್ಲಿ ವಿವಾದಿತ ದೇವ ಮಾನವ ಅಸರಾಮ್ ಬಾಪು ಹೋಳಿ ಆಚರಣೆಯಲ್ಲಿ ಉಂಟಾಗಿರುವ ಗೊಂದಲ ಗಲಾಟೆ ಬಿಟ್ಟರೆ ಉಳಿದಂತೆ ದೇಶದೆಲ್ಲೆಡೆ ಹೋಳಿಗೆ ಭಂಗ ಬಂದಿಲ್ಲ. ಹೋಳಿ ಹಬ್ಬದಂದು ಭಾಂಗ್ ಕುಡಿಯುವುದು ನಿಂತಿಲ್ಲ. ಸಂಭ್ರಮದ ಚಿತ್ರಗಳ ಸರಣಿ ಮುಂದುವರೆಸುತ್ತಾ ಇನ್ನಷ್ಟು ಚಿತ್ರಗಳು ನಿಮಗಾಗಿ...