ಯುಬಿ ಸಿಟಿ ಮುಂದೆ ಸದ್ಯದಲ್ಲೇ ಬಿಬಿಎಂಪಿ ತಮಟೆ ಏಟು

ಬೆಂಗಳೂರು, ಮಾ.14‌: ದೇಶದ 20ನೆಯ ಅತಿ ದೊಡ್ಡ ಶ್ರೀಮಂತ ಎಂಬ ಹೆಗ್ಗಳಿಕೆ ಹೊಂದಿರುವ, ದಿವಾಳಿಯೆದ್ದ ಕಿಂಗ್ ಫಿಶರ್ ಏರ್ ಲೈನ್ಸ್ ಸಂಸ್ಥೆಯ ಒಡೆಯ, ಯುನೈಟೆಡ್ ಬ್ರೆವರೀಸ್ ಕಂಪನಿಯ ಮಾಲೀಕ ವಿಜಯ್ ಮಲ್ಯ ಅವರ ಕಾರ್ಪೊರೇಟ್ ಕಚೇರಿಗಳನ್ನು ಹೊಂದಿರುವ ಯುಬಿ ಸಿಟಿ ಕಾಂಪ್ಲೆಕ್ಸ್ 10 ಕೋಟಿ ರೂ ಆಸ್ತಿ ತೆರಿಗೆ ಬಾಕಿ ಉಳಿಸಿಕೊಂಡಿದೆ.

ಹಾಗಾಗಿ ಕಬ್ಬನ್ ಪಾರ್ಕಿನಿಂದ ಕೂಗಳತೆಯಲ್ಲಿರುವ UB City ಎದುರು ಸದ್ಯದಲ್ಲೇ BBMP ತಮಟೆ ಸದ್ದು ಕೇಳಿಬಂದರೆ ಆಶ್ಚರ್ಯವೇನೂ ಇಲ್ಲ. ಆದರೆ ಇಂತಹ ಸದ್ದು ಮಲ್ಯ ಸಾಹೇಬರ ಕಿವಿಗೆ ಬೀಳಬೇಕು, ಅಷ್ಟೇ.

ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆಯ ತಾಂತ್ರಿಕ ಜಾಗೃತ ದಳದ ಹಿರಿಯ ಅಧಿಕಾರಿಗಳು ಇತ್ತೀಚೆಗೆ ಸ್ಥಳ ಪರೀಕ್ಷೆ ನಡೆಸಿ, ಪಾಲಿಕೆಗೆ 10 ಕೋಟಿ ತೆರಿಗೆ ಬಾಕಿ ಬರಬೇಕಿದೆ ಎಂದು ಬರೆದುಕೊಂಡು ಹೋಗಿದ್ದಾರೆ.

Self Assessment Scheme ಯೋಜನೆಯಡಿ ತೆರಿಗೆ ಪಾವತಿಸುವ ಸಂಬಂಧ ಯುಬಿ ಸಿಟಿ, BBMPಯನ್ನು ಯಾಮಾರಿಸಿದೆ. ಹಾಗಾಗಿ ತೆರಿಗೆ ಕಟ್ಟಿ ಇಲ್ಲವೇ ತಮಟೆ ಸದ್ದು ಕೇಳಿ ಎಂದು BBMP ಸದ್ಯದಲ್ಲೇ ನೋಟಿಸ್ ಜಾರಿ ಮಾಡಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಇತ್ತೀಚೆಗೆ ಬನ್ನೇರುಘಟ್ಟ ರಸ್ತೆಯಲ್ಲಿ Subramanya Construction and Development Companyಯು ಹೀಗೇ ತೆರಿಗೆ ವಂಚಿಸಿತ್ತು. 7.45 ಕೋಟಿ ರೂ. ತೆರಿಗೆ ಪಾವತಿಸಬೇಕಿತ್ತು. ಆದರೆ ತಕ್ಷಣಕ್ಕೆ 3.74 ಕೋಟಿ ರೂ. ಪಾವತಿಸಿದ್ದು. ಉಳಿದ ಮೊತ್ತವನ್ನು ಅತಿ ಶೀಘ್ರದಲ್ಲೇ ಪಾವತಿಸವುದಾಗಿ ತಿಳಿಸಿದೆ.

English summary

Bangalore- Vijay Mallya UB City owes R 10 cr tax to BBMP. The Bruhat Bangalore Mahanagara Palike’s Technical Vigilance Cell under Commissioner recently surveyed the UB City promoted by the UB Group and found that it had to pay an arrears of Rs 10 crore to the Palike. Sources in the Palike said if the UB Group did not pay the arrears and assess itself accurately under the SAS, it would resort to beating of drums in front of UB City, shortly.