ಮೋದಿ ಅಮೆರಿಕದಲ್ಲಿ ಭಾಷಣ ಮಾಡಲಿದ್ದಾರೆ
ಅಹಮದಾಬಾದ್, ಮಾ.5: ನಿರಾಶಿತ ಮೋದಿ ಅಭಿಮಾನಿಗಳಿಗೆ ಇಲ್ಲೊಂದು ಸಿಹಿ ಸುದ್ದಿ! ಅಮೆರಿಕ ವೀಸಾ ಕೊಡದಿದ್ದರೆ ಕತ್ತೆ ಬಾಲ ಹೋಯ್ತು! ಇನ್ನು ಅದ್ಯಾವುದೋ ವಾರ್ಟನ್ ಫೋರಂ ಅಂಗೈ ನೋಡಿ ಅವಲಕ್ಷಣ ಅನ್ನುವುದೂ ಬೇಡ. ಆದರೂ ಗುಜರಾತ್ ಮುಖ್ಯಮಂತ್ರಿ ನರೇಂದ್ರ ದಾಮೋದರದಾಸ್ ಮೋದಿ ಅವರು ಅಮೆರಿಕದಲ್ಲಿ ಭಾಷಣ ಮಾಡಲಿದ್ದಾರೆ.
Overseas Friends of BJP in Chicago and New Jersey ಮೋದಿಗೆ ಇಂತಹ ಒಂದು ಅವಕಾಶ ಕಲ್ಪಿಸಿ ಕೃತಾರ್ಥವಾಗಿದೆ. ಇದೇ ಮಾರ್ಚ್ 10ರಂದು video conference ಮೂಲಕ ಭಾರತೀಯರನ್ನುದ್ದೇಶಿಸಿ ಭಾಷಣ ಮಾಡಲಿದ್ದಾರೆ.
ಮಾರ್ಚ್ 10ರಂದು ಭಾನುವಾರ ಬೆಳಗ್ಗೆ 6.30ಕ್ಕೆ (ಭಾರತೀಯ ಕಾಲಮಾನ) ನರೇಂದ್ರ ದತ್ತಾತ್ರೇಯ ಮೋದಿ ಚಿಕಾಗೋ ಮತ್ತು ನ್ಯೂಜೆರ್ಸಿಯಲ್ಲಿ ನಡೆಯುವ ಸಮುದಾಯ ಸಮಾವೇಶವನ್ನುದ್ದೇಶಿಸಿ ಏಕಕಾಲಕ್ಕೆ ಮಾತನಾಡಲಿದ್ದಾರೆ. TV Asia ಇದನ್ನು ನೇರ ಪ್ರಸಾರ ಮಾಡಲಿದೆ. ಅಂತರ್ಜಾಲದಲ್ಲೂ ಈ ಭಾಷಣ ನೇರವಾಗಿ ಪ್ರಸಾರವಾಗಲಿದೆ.
2012ರ ಮೇನಲ್ಲಿ ಅಮೆರಿಕದ 12 ನಗರಗಳಲ್ಲಿ video conference ಮೂಲಕ ಅಪಾರ ಸಂಖ್ಯೆಯ ಎನ್ನಾರೈಗಳನ್ನು ಉದ್ದೇಶಿಸಿ ಮಾತನಾಡಿದ್ದರು.
Click it and Unblock the Notifications
Sign in with Google