ಈ ವರ್ಷ ಚಿನ್ನದ ಬೆಲೆ ಕಡಿಮೆಯಾಗುತ್ತದಾ?

ಮುಂಬೈ, ಜ.31: ಕಳೆದ 12 ವರ್ಷಗಳಿಂದೀಚೆಗೆ ಚಿನ್ನದ ಬೆಲೆ ನಿರಂತರವಾಗಿ ಏರುತ್ತಲೇ ಇದೆ. ಆದರೆ ಈ ವರ್ಷ ವಿಶ್ವ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆ ಕಡಿಮೆಯಾಗುತ್ತದಾ? ಭಾರತದಲ್ಲಿಯೂ ಪ್ರಸಕ್ತ ವರ್ಷ ಚಿನ್ನದ ಬೆಲೆ ಇಳಿಕೆಯಾಗಲಿದೆಯಾ? ಎಂಬ ಪ್ರಶ್ನೆಗಳು ಸುಳಿದಾಡುತ್ತಿವೆ.

ಯುರೋಪಿನ ಪ್ರಮುಖ ಬ್ಯಾಂಕ್ Societe Generale ವಿಶ್ಲೇಷಣೆಯ ಪ್ರಕಾರ ಖಂಡಿತಾ ಈ ಬಾರಿ ಚಿನ್ನದ ಬೆಲೆ ಕಡಿಮೆಯಾಗುತ್ತದೆ. ಹೇಗೆಂದರೆ ...

ಅಮೆರಿಕದಲ್ಲಿ ಡಾಲರ್ ಆಟ: ಡಾಲರ್ ಮೌಲ್ಯ ಉತ್ತಮಗೊಳ್ಳಲಿದೆ. ಬಡ್ಡಿ ದರಗಳು ಹೆಚ್ಚಲಿವೆ. ಆರ್ಥಿಕತೆ ಚೇತರಿಕೆ ಕಾಣಲಿದೆ. ಜತೆಗೆ ಅಮೆರಿಕದಲ್ಲಿ ಸದ್ಯಕ್ಕೆ ಹಣದುಬ್ಬರ ಇನ್ನೂ ನಿಯಂತ್ರಣದಲ್ಲಿದೆ. ಹಾಗಾಗಿ ಚಿನ್ನ ಆಕರ್ಷಣೆ ಕಳೆದುಕೊಳ್ಳಲಿದೆ.

ತತ್ಪರಿಣಾಮವಾಗಿ ಚಿನ್ನದ ಬೆಲೆ ಈ ವರ್ಷ ಕುಗ್ಗಲಿದೆ. ಇದರಿಂದಾಗಿ, ಭಾರತದಲ್ಲಿಯೂ ಚಿನ್ನದ ಬೆಲೆ ಕಡಿಮೆಯಾಗಲಿದೆ. ಆದರೆ ನಿಖರವಾಗಿ ಎಷ್ಟು ಕಡಿಮೆಯಾಗಲಿದೆ ಎಂಬುದರ ಬಗ್ಗೆ ಈಗಲೇ ಸ್ಪಷ್ಟ ಚಿತ್ರಣ ಸಿಕ್ಕಿಲ್ಲ. ಪ್ರಸ್ತುತ ಭಾರತದ ಮಾರುಕಟ್ಟೆಯಲ್ಲಿ 10 ಗ್ರಾಂ ಚಿನ್ನದ ಬೆಲೆ 30,000 ರೂ. ಗಿಂತ ಸ್ವಲ್ಪವೇ ಹೆಚ್ಚಾಗಿದೆ.

English summary

Will gold price reduce during year 2013? Societe Generale, a major European bank, has a note out asking whether 2013 will be the first year since 2000 that gold ends the year down. The bank points out that gold will likely get crushed.