ಹೊಸ ವರ್ಷ ಸಂಚಾರ ನಿರ್ಬಂಧ, ನಿಷೇಧ ಎಲ್ಲೆಲ್ಲಿ?
ಬೆಂಗಳೂರು, ಡಿ.30: ಹೊಸ ವರ್ಷಾಚರಣೆಯ ಸಂದರ್ಭದಲ್ಲಿ ಯಾವುದೇ ನಿರ್ಬಂಧ ಹೇರಿದರೂ ಬ್ರಿಗೇಡ್ ರಸ್ತೆ, ಎಂಜಿ ರಸ್ತೆಯಲ್ಲಿ ಡಿ.31 ಮಧ್ಯರಾತ್ರಿ ಆಚರಣೆ ತಪ್ಪಿಸಲು ಸಾಧ್ಯವಿಲ್ಲ. ಪೊಲೀಸರು ಕೂಡಾ ಸುರಕ್ಷಿತ ಆಚರಣೆ, ಸಂಚಾರಕ್ಕೆ ಸಾಕಷ್ಟು ಯೋಜನೆ ಹಾಕಿದ್ದಾರೆ.
ಸಂಚಾರ ವ್ಯವಸ್ಥೆ, ವಾಹನ ನಿಲುಗಡೆ, ಬಸ್ ವ್ಯವಸ್ಥೆ ಬಗ್ಗೆ ಜನರಿಗೆ ಈ ಕೆಳಗಿನ ಮಾಹಿತಿ ಇರಲೇಬೇಕು. ಇಲ್ಲದಿದ್ದರೆ ದಂಡ ಕಟ್ಟಬೇಕಾಗುತ್ತದೆ ಎಂದು ನಗರ ಪೊಲೀಸರು ಪ್ರಕಟಿಸಿದ್ದಾರೆ.
ವಾಹನ ನಿಲುಗಡೆ ಎಲ್ಲೆಲ್ಲಿ?: ಪೊಲೀಸ್, ಮಾಧ್ಯಮ, ತುರ್ತುವಾಹನ ಹೊರತುಪಡಿಸಿ ಡಿ.31ರ ಸಂಜೆ 4 ಗಂಟೆಯಿಂದ ಜ.1 ರ ಮುಂಜಾನೆ 3 ಗಂಟೆವರೆಗೆ ಈ ಕೆಳಗಿನ ರಸ್ತೆಗಳಲ್ಲಿ ವಾಹನ ನಿಲುಗಡೆಗೆ ನಿಷೇಧ ಹೇರಲಾಗಿದೆ.
* ಎಂಜಿ ರಸ್ತೆಯಿಂದ ಅನಿಲ್ ಕುಂಬ್ಳೆ ವೃತ್ತ (ಟ್ರಿನಿಟಿ ರಸ್ತೆವರೆಗೆ)
* ಬ್ರಿಗೇಡ್ ರಸ್ತೆಯಿಂದ ಆರ್ಟ್ಸ್ ಅಂಡ್ ಕ್ರಾಫ್ಟ್ ಎಂಪೋರಿಯಂವರೆಗೆ (ಒಪೆರಾ ಜಂಕ್ಷನ್ ವರೆಗೆ)
* ಚರ್ಚ್ ರಸ್ತೆ ಜಂಕ್ಷನ್ ನಿಂದ ಬ್ರಿಗೇಡ್ ರಸ್ತೆ( ಸೈಂಟ್ ಮಾರ್ಕ್ಸ್ ರಸ್ತೆವರೆಗೆ)
* ರೆಸ್ಟ್ ಹೌಸ್ ರಸ್ತೆ ಜಂಕ್ಷನ್ ನಿಂದ ಬ್ರಿಗೇಡ್ ರಸ್ತೆ( ಮ್ಯೂಸಿಯಂ ರಸ್ತೆವರೆಗೆ)
* ಮ್ಯೂಸಿಯಂ ರಸ್ತೆ ಜಂಕ್ಷನ್ ನಿಂದ ಎಂಜಿರಸ್ತೆ (ಹಳೆ ಮದ್ರಾಸ್ ಬ್ಯಾಂಕ್ ರಸ್ತೆವರೆಗೆ)
ಪಾದಚಾರಿಗಳಿಗೆ ಮಾರ್ಗಸೂಚಿ: ಎಂಜಿ ರಸ್ತೆ ಜಂಕ್ಷನ್ ನಿಂದ ಒಪೆರಾ ಜಂಕ್ಷನ್ ಮೂಲಕ ಬ್ರಿಗೇಡ್ ರಸ್ತೆ ತಲುಪಹುದು. ಮತ್ತೆ ಅದೇ ರಸ್ತೆಯಲ್ಲಿ ಮರಳುವಂತಿಲ್ಲ. ರೆಸಿಡೆನ್ಸಿ ರಸ್ತೆ ಮುಖಾಂತರ ಎಂಜಿ ರಸ್ತೆ ತಲುಪಬಹುದು.
ಪಾರ್ಕಿಂಗ್ ಎಲ್ಲೆಲ್ಲಿ? : ಕಾಮರಾಜ ರಸ್ತೆ ಎರಡು ಬದಿಯಲ್ಲಿ ಮಾಡಬಹುದು. ಕಾಮರಾಜ ರಸ್ತೆ- ಕಮರ್ಷಿಯಲ್ ಸ್ಟ್ರೀಟ್ ಜಂಕ್ಷನ್ ನಲ್ಲಿ ವಾಹನ ನಿಲುಗಡೆಗೆ ಅವಕಾಶ ಇರುತ್ತದೆ. ಶಿವಾಜಿನಗರ ಬಸ್ ನಿಲ್ದಾಣದಲ್ಲಿರುವ ಬಿಎಂಟಿಸಿ ಶಾಪಿಂಗ್ ಕಾಂಪ್ಲೆಕ್ಸ್ ನಲ್ಲೂ ವಾಹನ ನಿಲ್ಲಿಸಬಹುದು.
ಬ್ರಿಗೇಡ್ ರಸ್ತೆಗೆ ತೆರಳುವವರಿಗೆ ಗರುಡಾ ಮಾಲ್ ನಿಂದ ಮೆಗ್ರಾಥ್ ರಸ್ತೆ ಕಡೆ ಸಂಚಾರ ಬಂದ್ ಆಗಿರುತ್ತದೆ. ಮಾರ್ಕಂ ರಸ್ತೆ ಬಳಸಬಹುದು.
ಮೇಲ್ಸೇತುವೆ : ಡಿಸೆಂಬರ್ 31 ರಾತ್ರಿ 11 ರಿಂದ ಜನವರಿ 1 ಬೆಳಗ್ಗೆ 1 ರ ತನಕ ಮೈಸೂರು ರಸ್ತೆ, ಹೊಸೂರು ರಸ್ತೆ, ರಿಚ್ಮಂಡ್ ರಸ್ತೆ, ಐಟಿಸಿ ಫ್ಲೈ ಓವರ್ ಗಳು ಬಂದ್ ಮಾಡಲಾಗಿರುತ್ತದೆ ಎಂದು ಪೊಲೀಸ್ ಪ್ರಕಟಣೆ ತಿಳಿಸಿದೆ.[ ಪೊಲೀಸ್ ನಿಬಂಧನೆಗಳನ್ನು ಓದಿ]
ಮಧ್ಯರಾತ್ರಿ ಬಸ್ ವ್ಯವಸ್ಥೆ : ಡಿ.31 ರ ಮಧ್ಯರಾತ್ರಿ 1 ಗಂಟೆವರೆಗೂ ಸಂಭ್ರಮಾಚರಣೆಗೆ ಪೊಲೀಸರು ಅವಕಾಶ ಕಲ್ಪಿಸಿದ್ದಾರೆ. ಮದ್ಯ ಸೇವಿಸಿ ಮತ್ತಿನಲ್ಲಿ ವಾಹನ ಚಾಲನೆ ಮಾಡುವ ಬದಲು, ಚಾಲಕರೊಬ್ಬರನ್ನು ಜೊತೆಗೆ ಕರೆದೊಯ್ಯುವಂತೆ ಪೊಲೀಸ್ ಇಲಾಖೆ ಸೂಚಿಸಿದೆ.
ಡಿ.31 ರಂದು ಎಂಜಿ ರಸ್ತೆ ಹಾಗೂ ಸುತ್ತಮುತ್ತಲಿನ ಪ್ರದೇಶದಿಂದ ಮನೆಗಳಿಗೆ ತೆರಳುವವರಿಗೆ ಬಿಎಂಟಿಸಿ ಮಧ್ಯರಾತ್ರಿ ಬಸ್ ವ್ಯವಸ್ಥೆ ಮಾಡಿದೆ. ಬಿಗ್ 10 ಬಸ್ ವ್ಯವಸ್ಥೆ ರಾತ್ರಿ 10.30 ರಿಂದ ತಡರಾತ್ರಿ 1 ಗಂಟೆವರೆಗೆ ಸಂಚರಿಸಲಿದೆ. ರಾತ್ರಿ 11 ಗಂಟೆ ನಂತರ ಪ್ರಯಾಣ ದರ ಹೆಚ್ಚಾಗಲಿದೆ
* ಜಿ1: ಮೇಯೋಹಾಲ್ ನಿಂದ ಕಾಡುಗೋಡಿ ಬಸ್ ನಿಲ್ದಾಣ
* ಜಿ2: ಬ್ರಿಗೇಡ್ ರಸ್ತೆಯಿಂದ ಎಲೆಕ್ಟ್ರಾನಿಕ್ ಸಿಟಿ
* ಜಿ3: ಮೇಯೋಹಾಲ್ ನಿಂದ ಸರ್ಜಾಪುರ
* ಜಿ4: ಬ್ರಿಗೇಡ್ ರಸ್ತೆಯಿಂದ ಬನ್ನೇರುಘಟ್ಟ ನ್ಯಾಷನಲ್ ಪಾರ್ಕ್
* ಜಿ5: ಚಿನ್ನಸ್ವಾಮಿ ಕ್ರೀಡಾಂಗಣದಿಂದ ಕಗ್ಗಲಿಪುರ
* ಜಿ6: ಚಿನ್ನಸ್ವಾಮಿ ಕ್ರೀಡಾಂಗಣದಿಂದ ಕೆಂಗೇರಿ ಉಪನಗರ
* ಜಿ7: ಬಿಆರ್ ವಿ ಪೆರೇಡ್ ಗ್ರೌಂಡ್ ನಿಂದ ಜನಪ್ರಿಯ ಟೌನ್ ಶಿಪ್
* ಜಿ8: ಬಿಆರ್ ವಿ ಪೆರೇಡ್ ಗ್ರೌಂಡ್ ನಿಂದ ನೆಲಮಂಗಲ
* ಜಿ9: ಬಿಆರ್ ವಿ ಪೆರೇಡ್ ಗ್ರೌಂಡ್ ನಿಂದ ಯಲಹಂಕ ಉಪನಗರ
* ಜಿ10: ಬಿಆರ್ ವಿ ಪೆರೇಡ್ ಮೈದಾನದಿಂದ ಆರ್ ಕೆ ಹೆಗಡೆ ನಗರ
* ಜಿ11: ಬಿಆರ್ ವಿ ಪೆರೇದ್ ಮೈದಾನದಿಂದ ಬಾಗಲೂರು
* ಜಿ12: ಮೆಯೋಹಾಲ್ ನಿಂದ ಕೆಆರ್ ಪುರಂ
ಸ್ವಂತ ವಾಹನದಲ್ಲಿ ಬಂದು ಕಷ್ಟಪಡುವುದಕ್ಕಿಂತ ಬಿಎಂಟಿಸಿ ವಾಹನ ಬಳಸಿದರೆ ಅಪಾಯ ಇರುವುದಿಲ್ಲ. ಸಾರ್ವಜನಿಕ ಸೇವೆಯನ್ನು ಬಳಸುವಂತೆ ಬೆಂಗಳೂರು ನಗರ ಸಾರಿಗೆ ಸಂಸ್ಥೆ ಕೋರಿದೆ.
-
March 21 Horoscope: 12 ರಾಶಿಗಳ ಇಂದುದಿನ ಭವಿಷ್ಯ – ಹಣ, ಆರೋಗ್ಯ, ಕೆಲಸದ ಫಲಿತಾಂಶ -
SWR: ವಿಜಯಪುರ-ಮಂಗಳೂರು ಎಕ್ಸ್ಪ್ರೆಸ್ ರೈಲು ಸಂಚಾರದಲ್ಲಿ ಭಾಗಶಃ ರದ್ದು, ವೇಳಾಪಟ್ಟಿ ಗಮನಿಸಿ -
ಜಿಯೋ, ಏರ್ಟೆಲ್ಗೆ ಸೆಡ್ಡು ಹೊಡೆಯಲು BSNL ಮಾಸ್ಟರ್ ಪ್ಲಾನ್: ವೊಡಾಫೋನ್ ಐಡಿಯಾ ಜತೆ ಮಹತ್ವದ ಹೆಜ್ಜೆ -
Rain Alert: ಕರ್ನಾಟಕದಲ್ಲಿ ಮಾ.27ರವರೆಗೆ ಗುಡುಗು ಸಹಿತ ಮಳೆ, ಕರಾವಳಿಗೆ ಉಷ್ಣ ಅಲೆ ಎಚ್ಚರಿಕೆ -
ಯುವತಿಯರ ಜೊತೆ ಸೆಕ್ಯೂರಿಟಿ ಗಾರ್ಡ್ ಭರ್ಜರಿ ಸ್ಟೆಪ್ಸ್: 'ಬೇಬಿ ಡಾಲ್' ಡ್ಯಾನ್ಸ್ ವಿಡಿಯೋ ಸಖತ್ Viral -
Gold Price Today: ಇಂದು ಚಿನ್ನ-ಬೆಳ್ಳಿ ದರದಲ್ಲಿ ದಾಖಲೆಯ ಇಳಿಕೆ, 30000 ರೂ ಕುಸಿದ ಬಿಳಿ ಲೋಹ -
India Rain Forecast: ಮುಂದಿನ 5 ದಿನ ಈ ಭಾಗಗಳಲ್ಲಿ ವ್ಯಾಪಕ ಮಳೆ, ಉಷ್ಣ ಅಲೆ ಎಚ್ಚರಿಕೆ -
ಶೃಂಗೇರಿ ಮಠದಿಂದ ಶಾಲಾ ಮಕ್ಕಳಿಗೆ ಸುವರ್ಣಾವಕಾಶ: 'ರಾಮಾಯಣ ಪರೀಕ್ಷೆ' ಬರೆದು 50 ಸಾವಿರ ರೂ. ನಗದು ಗೆಲ್ಲಿ -
Vande Bharat Express: ಬೆಂಗಳೂರು-ಕಲಬುರಗಿ ಸೇರಿದಂತೆ 4 ರೈಲುಗಳ ವೇಳಾಪಟ್ಟಿ ಪರಿಷ್ಕರಣೆ -
ಕರ್ನಾಟಕ PGCET 2026 ಅಧಿಸೂಚನೆ ಪ್ರಕಟ: ಎಂಬಿಎ ಸೇರಿ ವಿವಿಧ ಸ್ನಾತಕೋತ್ತರ ಪದವಿ ಪ್ರವೇಶಾತಿಗೆ ಮಾರ್ಚ್ 23 ರಿಂದ ಅರ್ಜಿ ಆಹ್ವಾನ -
ವಿಶ್ವಮಾತೆ ಎನ್ನುತ್ತಾ ಶ್ರೀಚಾಮುಂಡೇಶ್ವರಿಯ ಕನ್ನಡ ಹಾಡು ಹಂಚಿಕೊಂಡ ಪ್ರಧಾನಿ ಮೋದಿ -
ಮಾರ್ಚ್ 21ರಂದು ಬೆಂಗಳೂರು ಸೇರಿ ರಾಜ್ಯದ ಇತರ ಜಿಲ್ಲೆಗಳಲ್ಲಿ ಪೆಟ್ರೋಲ್, ಡೀಸೆಲ್ ದರ ಎಷ್ಟಿದೆ ತಿಳಿಯಿರಿ
Click it and Unblock the Notifications
Sign in with Google