ಅಮೆರಿಕ ಫೆಲೋಶಿಪ್ ಪಡೆದ ಭಾರತದ ಕಿರಿಯ ವೈದ್ಯ
ಈ ಗೌರವವು ಕೇವಲ ಅಮೆರಿಕದ ವೈದ್ಯರಿಗೆ ಹಾಗೂ ಜೀರ್ಣಾಂಗ ರೋಗಗಳ ಚಿಕಿತ್ಸೆಯಲ್ಲಿ ಪರಿಣತರಾಗಿ ಸೇವೆ ಸಲ್ಲಿಸಿರುವ ಇತರೆ ಅಂತಾರಾಷ್ಟ್ರೀಯ ಮಟ್ಟದ ವೈದ್ಯರಿಗಷ್ಟೇ ಸೀಮಿತವಾಗಿದ್ದು, ಇದೀಗ ಇಂತಹುದೊಂದು ಪ್ರತಿಷ್ಠಿತ ಫೆಲೋಶಿಪ್ ಗೌರವಕ್ಕೆ ಡಾ. ಪ್ರಶಾಂತ್ ಪಾತ್ರರಾಗಿದ್ದಾರೆ. ಭಾರತದ ಐದನೆಯ ಹಾಗೂ ಡಾ|| ನಾಗೇಶ್ವರ ರೆಡ್ಡಿಯವರ ನಂತರ ದಕ್ಷಿಣ ಭಾರತದ ಎರಡನೆಯ ವ್ಯಕ್ತಿಯೆಂಬುದು ಡಾ|| ಪ್ರಶಾಂತ್ ಅವರ ಹೆಗ್ಗಳಿಕೆ.
ಕಳೆದ ಏಳು ವರ್ಷಗಳಿಂದ ಅಂತಾರಾಷ್ಟ್ರೀಯ ಮಟ್ಟದ ಎಫ್.ಎ.ಎಸ್.ಜಿ.ಇ. ಸದಸ್ಯರಾಗಿರುವ ಇವರಿಗೆ, ಪ್ರಸ್ತುತ ಈ ಫೆಲೋಶಿಪ್ ದೊರೆತಿದೆ. ಈ ಗೌರವಕ್ಕೆ ಪಾತ್ರರಾದ ಭಾರತದ ಅತಿ ಕಿರಿಯ ವಯಸ್ಸಿನ ವೈದ್ಯರೆಂಬ ಹೆಗ್ಗಳಿಕೆಯೂ ಇವರದ್ದಾಗಿದೆ. ಇದಲ್ಲದೆ ಅಮೆರಿಕದ ಓರ್ಲಾಂಡೋದಲ್ಲಿ 2013ರ ಮೇ ತಿಂಗಳು ನಡೆಯಲಿರುವ ಕಾರ್ಯಕ್ರಮದಲ್ಲಿ ಪ್ರತಿಷ್ಠಿತ ಕ್ರಿಸ್ಟಲ್ ಪ್ರಶಸ್ತಿ ಸ್ವೀಕರಿಸಲು ಸಹ ಡಾ|| ಪ್ರಶಾಂತ್ ಅವರು ಆಹ್ವಾನಿತರಾಗಿದ್ದಾರೆ.
ತುಮಕೂರಿನ ಖ್ಯಾತ ವೈದ್ಯ ಡಾ|| ಬಿ.ಎನ್. ನಿರ್ವಾಣಿ ರಾವ್ ಮತ್ತು ಉಷಾವತಿ ದಂಪತಿಯ ಪುತ್ರರಾದ ಡಾ|| ಪ್ರಶಾಂತ್, ಸ್ನಾತಕೋತ್ತರ ಶಸ್ತ್ರಚಿಕಿತ್ಸೆ(ಎಂ.ಎಸ್.)ಯಲ್ಲಿ ಮೈಸೂರು ವಿ.ವಿ.ಯಲ್ಲಿ ಅಗ್ರಸ್ಥಾನ ಹೊಂದಿ ಚಿನ್ನದ ಪದಕ ಪಡೆದಿದ್ದರು. ದೇಶ ಹಾಗೂ ವಿದೇಶಗಳಲ್ಲಿ ನಡೆದಿರುವ ಅನೇಕ ರಾಷ್ಟ್ರೀಯ ಹಾಗೂ ಅಂತಾರಾಷ್ಟ್ರೀಯ ವೈದ್ಯ ಸಮ್ಮೇಳನಗಳಲ್ಲೂ ಇವರು ಪಾಲ್ಗೊಂಡು ಅನೇಕ ಪ್ರಬಂಧಗಳನ್ನು ಮಂಡಿಸಿದ್ದಾರೆ.
Click it and Unblock the Notifications
Sign in with Google