ಮೈಸೂರು ಮಹಾರಾಜರ ಕುದುರೆಗಾಡಿ ಹರಾಜಿಗಿದೆ

ಲಂಡನ್‌, ನ. 9: ಆಂಧ್ರ ಗೋಲ್ಕೊಂಡಾದ 76 ಕ್ಯಾರಟ್ ವಜ್ರ ಖರೀದಿಸಬೇಕೋ, ಬೇಡ್ವೋ ಎಂದು ಮನಸ್ಸಿನಲ್ಲೇ ಗುಣಾಕಾರ ಹಾಕುತ್ತಿರುವವರಿಗೆ ಮತ್ತೊಂದು ಅಮೂಲ್ಯ ವಸ್ತು ಖರೀದಿಗೆ ಬಂದಿದೆ. ಇದು ನಮ್ಮದೇ ಮೈಸೂರು ಮಹಾರಾಜರ ಕುದುರೆಗಾಡಿ ಎಂಬುದು ಗಮನಾರ್ಹ.

ಈ ಆಕರ್ಷಕ ಕುದುರೆಗಾಡಿಯು (ಒಮ್ಮೆ ಪಕ್ಕದ ಚಿತ್ರ ನೋಡೀ) ಇದೇ ನವೆಂಬರ್ 24ರಂದು ದೂರದ ಲಂಡನ್ನಿನಲ್ಲಿ ಹರಾಜಿಗೆ ನಿಲ್ಲಲಿದೆ. ಐತಿಹಾಸಿಕ, ವಿಶೇಷಾಕರ್ಷಣೆಯ ವಾಹನಗಳ ಹರಾಜು ಸಂಸ್ಥೆ Historics at Brooklands ಭಾರತದ ಈ ಅಪೂರ್ವ ಕುದುರೆಗಾಡಿಯನ್ನು ಮಾರಾಟಕ್ಕೆ ನಿಲ್ಲಿಸಿದೆ.

ಇಂಗ್ಲೆಂಡಿನ ವ್ಯಾಪಾರಿಯೊಬ್ಬರು 2 ವರ್ಷಗಳ ಹಿಂದೆ ಈ ಕುದುರೆಗಾಡಿ ಕೋಚ್ ಅನ್ನು ಖರೀದಿಸಿದ್ದರು. ಅದಕ್ಕೆ ಅಲ್ಪಸ್ವಲ್ಪ ರಿಪೇರಿ, ಬಣ್ಣ ಹಚ್ಚಿ ವ್ಯಾಪಾರಕ್ಕೆ ಇಟ್ಟಿದ್ದಾರೆ.

ಈ coach ಗಾಡಿ 1825ನೇ ಇಸ್ವಿಗೆ ಸೇರಿದ್ದು. ಬ್ರಿಟೀಷರೇ ಇದನ್ನು ಮೈಸೂರಿಗೆ ಕಳಿಸಿಕೊಟ್ಟಿದ್ದರು ಎಂಬ ಐತಿಹ್ಯವೂ ಇದೆ. ಯುರೋಪ್ ರಾಜಮನೆತನದವರು ಯಾರಾದರೂ ಮೈಸೂರಿಗೆ ಅತಿಥಿಗಳಾಗಿ ಬಂದಾಗ ಅವರ ಸಂಚಾರಕ್ಕೆ ಇದನ್ನು ಬಳಸಲಾಗುತ್ತಿತ್ತು ಎನ್ನಲಾಗಿದೆ.
1974ರಲ್ಲಿ ಆಸ್ಟ್ರೇಲಿಯಾದಲ್ಲಿ ಮಹಾರಾಜರೇ ಈ ಮನಮೋಹಕ ಗಾಡಿಯನ್ನು ಮಾರಿಬಿಟ್ಟರು. ಅದೀಗ ಸುಮಾರು 1 ಕೋಟಿ ರೂ. ಗೆ ಮಾರಾಟವಾಗುವ ಅಂದಾಜಿದೆ.

English summary

Mysore Maharaja horse coach for auction in London. A horse-drawn state carriage owned by the erstwhile Maharaja of Mysore will be auctioned in the UK on November 24. Specialist classic vehicle auctioneers, Historics at Brooklands, will put the extremely rare Indian artifact up for auction.