ಭಾರತದ ಅತೀದೊಡ್ಡ ರಾಜಕೀಯ ಸಮೀಕ್ಷೆ. ನೀವು ಭಾಗವಹಿಸಿದ್ದೀರಾ?
  • search

ಇನ್ಫೋಸಿಸ್: ಈ ಬಾರಿ ಕ್ಯಾಂಪಸ್ ನೇಮಕಾತಿ ಇಲ್ಲ

By Sadhu
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    no-campus-selection-this-year-by-infosys
    ಬೆಂಗಳೂರು, ಸೆ.13: ಪ್ರತಿಷ್ಠಿತ ಇನ್ಫೋಸಿಸ್ ಐಟಿ ಕಂಪನಿ ಈ ಬಾರಿ ಇಂಜಿನಿಯರಿಂಗ್ ವಿದ್ಯಾರ್ಥಿಗಳನ್ನು ನಿರಾಶೆಯ ಮಡುವಿಗೆ ತಳ್ಳಲಿದೆ. ಅದೇನು ತನ್ನ ಆರ್ಥಿಕ ಸಂಕಷ್ಟವನ್ನು ಸರಿದೂಗಿಸಲು ಇನ್ಫಿ ಇಂತಹ ತಂತ್ರ ಅಳವಡಿಸಿಕೊಂಡಿದೆಯೋ ಅಥವಾ ಅದರ ನೀತಿಯೇ ಇದಾಗಿದೆಯೋ ತಿಳಿಯದಾಗಿದೆ.

    ಏನಪಾ ಅಂದರೆ Infosys ಕಂಪನಿಯು ದೇಶದ ನಾನಾ ಇಂಜಿನಿಯರಿಂಗ್ ಕಾಲೇಜುಗಳಲ್ಲಿ ನಡೆಸುತ್ತಿದ್ದ ವಾರ್ಷಿಕ ಕ್ಯಾಂಪಸ್ ಸೆಲೆಕ್ಷನ್ ಅನ್ನು ಈ ಬಾರಿ ಸ್ಥಗಿತಗೊಳಿಸಲು ನಿರ್ಧರಿಸಿದೆ.

    ಹಾಗೆ ನೋಡಿದರೆ ಇನ್ಫೋಸಿಸ್ ಕಂಪನಿಯು ನಾಮುಂದು ತಾಮುಂದು ಎಂದು ಕ್ಯಾಂಪಸ್ ಸೆಲೆಕ್ಷನ್ ಗೆ ಮುಗಿಬೀಳುತ್ತಿತ್ತು. ಆದರೆ ಈಗ ಕಂಪನಿಯ ಆರ್ಥಿಕ ಪರಿಸ್ಥಿತಿ ಹಾಗಿಲ್ಲ. ತನ್ನ ಇತ್ತೀಚಿನ ತ್ರೈಮಾಸಿಕ ಫಲಿತಾಂಶಗಳು ಕಳೆಗುಂದಿರುವ ಹಿನ್ನೆಲೆಯಲ್ಲಿ ಧರಾಶಾಹಿಯಾಗಿರುವ ಇನ್ಫೋಸಿಸ್ ಅನಿವಾರ್ಯವಾಗಿ ಇಂತಹ ನಿರ್ಧಾರ ತೆಗೆದುಕೊಂಡಿದೆ ಎನ್ನಲಾಗಿದೆ.

    ಈಗಿರುವ ಉದ್ಯೋಗಿಗಳೇ ಸಂಸ್ಥೆಯನ್ನು ತೊರೆದುಹೋಗಲಿ ಎಂಬ ಮನಸ್ಥಿತಿಯಲ್ಲಿರುವಾಗ ಹೊಸಬರ ನೇಮಕವಾದರೂ ಏಕೆ? ಇನ್ಫೋಸಿಸ್ ಕಂಪನಿಯಲ್ಲಿರುವ ಹಾಲಿ ಉದ್ಯೋಗಿಗಳ ಸಂಖ್ಯೆ 1.5 ಲಕ್ಷ ದಾಟುತ್ತದೆ. ಅದರಲ್ಲಿ 45 ಸಾವಿರ ಮಂದಿ ಉದ್ಯೋಗ ತೊರೆಯಲು ತುದಿಗಾಲಲ್ಲಿ ನಿಂತಿದ್ದಾರೆ.

    ಗಮನಾರ್ಹವೆಂದರೆ ಕಳೆದ ಬಾರಿಯ ಕ್ಯಾಂಪಸ್ ಸೆಲೆಕ್ಷನ್ ನಲ್ಲಿ ಆಯ್ಕೆಗೊಂಡ 23 ಸಾವಿರ ಮಂದಿಗೆ ಕಂಪನಿ ಇನ್ನಷ್ಟೇ ನೇಮಕಾತಿ ಪತ್ರ ನೀಡಬೇಕಾಗಿದೆ.

    ಸಮಾಧಾನಕರ ಸಂಗತಿಯೆಂದರೆ ಜಾಗತಿಕ ಮಟ್ಟದಲ್ಲಿ ಐಟಿ ಕ್ಷೇತ್ರಕ್ಕೆ ಹಿನ್ನಡೆಯಾಗಿದ್ದರೂ ದೇಶದ ಇತರೆ ಅನೇಕ ಕಂಪನಿಗಳು (TCS, Cognizant, IBM, Accenture) ನೇಮಕಾತಿಯಲ್ಲಿ ಹಿಂದೆಬಿದ್ದಿಲ್ಲ. ಆದರೆ ಇನ್ಫೋಸಿಸ್ ಕಂಪನಿ ಆಯ್ದ ಕೆಲವೇ ಕಾಲೇಜುಗಳಲ್ಲಿ ಕ್ಯಾಂಪಸ್ ಸೆಲೆಕ್ಷನ್ ಗೆ ಮುಂದಾಗಿದ್ದು, ಕೆಲವೇ ಮಂದಿಯನ್ನು ನೇಮಕ ಮಾಡಿಕೊಳ್ಳುವ ಸಾಧ್ಯತೆಯಿದೆ ಎಂದು ತಿಳಿದುಬಂದಿದೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    IT bellwether and the third largest IT company in the country, Infosys Technologies is staying away from major engineering college campuses this year. 

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more