ಕೆಜಿಎಫ್: ಭಾರತೀಯ ಸೇನೆಗೆ ಅ.12ರಿಂದ ನೇಮಕಾತಿ

ಕೋಲಾರ, ಸೆ. 6: ಭಾರತೀಯ ಸೇನಾಪಡೆಗೆ ನೇಮಕಗೊಳ್ಳಲು ಅರ್ಹ ಅಭ್ಯರ್ಥಿಗಳಿಗೆ ಉತ್ತಮ ಅವಕಾಶ ಒದಗಿಬಂದಿದೆ. ತತ್ಸಂಬಂಧ, ಕೆಜಿಎಫ್ ನಲ್ಲಿರುವ ಬೆಮೆಲ್ ಕ್ರೀಡಾಂಗಣದಲ್ಲಿ ಮುಂದಿನ ತಿಂಗಳು 12 ರಿಂದ 17ರ ವರೆಗೆ ಬೃಹತ್ ರ‍್ಯಾಲಿ ಏರ್ಪಡಿಸಲಾಗಿದೆ ಎಂದು ಜಿಲ್ಲಾಧಿಕಾರಿ ಡಾ. ಡಿ ಎಸ್ ವಿಶ್ವನಾಥ್ ಹೇಳಿದ್ದಾರೆ.

ಯಾರೆಲ್ಲ ಭಾಗವಹಿಸಬಹುದು: ಕೋಲಾರ, ಚಿಕ್ಕಬಳ್ಳಾಪುರ, ತುಮಕೂರು, ಬೆಂಗಳೂರು ನಗರ, ಬೆಂಗಳೂರು ಗ್ರಾಮಾಂತರ, ಮಂಡ್ಯ, ಮೈಸೂರು, ಚಾಮರಾಜನಗರ, ರಾಮನಗರ, ಗದಗ, ಹಾವೇರಿ ಮತ್ತು ಬಾಗಲಕೋಟ ಜಿಲ್ಲೆಗಳ ಅಭ್ಯರ್ಥಿಗಳು ರ‍್ಯಾಲಿಯಲ್ಲಿ ಭಾಗವಹಿಸಬಹುದು.

ಏನೆಲ್ಲ ಉದ್ಯೋಗಗಳಿವೆ: ಸೇನಾಪಡೆಯ ಸೈನಿಕ ಸಾಮಾನ್ಯ ಡ್ಯೂಟಿ, ಸೈನಿಕ ತಾಂತ್ರಿಕ, ಸೈನಿಕ ಕ್ಲರ್ಕ್, ಸ್ಟೋರ್ ಕೀಪರ್ ತಾಂತ್ರಿಕ, ನರ್ಸಿಂಗ್ ಸಹಾಯಕ ಸೈನಿಕ, ಸೈನಿಕ ಟ್ರೇಡ್ಸ್ ಮನ್ ಹುದ್ದೆಗಳಿಗೆ ನೇಮಕಾತಿ ಮಾಡಿಕೊಳ್ಳಲಾಗುತ್ತದೆ.

ಅಭ್ಯರ್ಥಿಗಳು ಎಲ್ಲ ದಾಖಲೆಗಳನ್ನು ಆಂಗ್ಲ ಭಾಷೆಯಲ್ಲಿ ಸಲ್ಲಿಸಬೇಕು. ಹೆಚ್ಚಿನ ಮಾಹಿತಿಗೆ ಸಂಪರ್ಕಿಸಿ 080- 2500 6569 ಅಥವಾ 2559 9290.

English summary

Indian Army Recruitment will be held in KGF between October 12-17. Here is an opportunity for Kolar, Chickballapur, Tumkur, Bangalore rural, Bangalore city, Mandya, Mysore, Chamrajnagar, Ramnagar, Gadag, Haveri and Bagalkota Districrt Candidates. Contact 080- 2500 6569 or 2559 9290