ವಿದ್ಯಾರ್ಥಿನಿಯರ ರೇಪ್, ವಿಡಿಯೋ: ಶಿಕ್ಷಕರ ಸೆರೆ

ಜೈಪುರ, ಆ.18: ಆಲ್ವಾರ್ ಜಿಲ್ಲೆಯಲ್ಲಿ ಸರಕಾರಿ ಶಾಲೆಯೊಂದರಲ್ಲಿ ಅಪ್ರಾಪ್ತ ವಯಸ್ಸಿನ ಇಬ್ಬರು ವಿದ್ಯಾರ್ಥಿನಿಯರ ಮೇಲೆ ರೇಪ್ ಮಾಡಿ, ಅದನ್ನು ಮೊಬೈಲಿನಲ್ಲಿ ಸೆರೆ ಹಿಡಿದಿದ್ದ ಆರೋಪದ ಮೇಲೆ ಸರಕಾರಿ ಶಾಲೆಯ ಇಬ್ಬರು ಶಿಕ್ಷಕರನ್ನು ಪೊಲೀಸರು ಗುರುವಾರ ಸೆರೆ ಹಿಡಿದ್ದಾರೆ.

ದಾರಾ ಸಿಂಗ್ ಮತ್ತು ಬದ್ರಿ ಪ್ರಸಾದ್ ಮೀನಾ ಬಂಧಿತ ಶಿಕ್ಷಕರು. ಜಿಲ್ಲೆಯ ತೆಹಲಾ ಪಟ್ಟಣದ ಬಳಿಯಿರುವ ಗ್ರಾಮವೊಂದರಲ್ಲಿ ಈ ಘಟನೆ ನಡೆದಿತ್ತು. ಅತ್ಯಾಚಾರಕ್ಕೀಡಾದ ಬಾಲಕಿಯರ ಪೈಕಿ ಒಬ್ಬ ಬಾಲಕಿಯ ಸೋದರಿ ಸ್ಥಳೀಯ ನ್ಯಾಯಾಲಯಕ್ಕೆ ತೆರಳಿ ದೂರು ನೀಡಿದ್ದರು.

'ಬಾಧಿತ ಇಬ್ಬರು ಬಾಲಕಿಯರ ಮೇಲೆ ನಡೆದ ಪೈಶಾಚಿಕ ಕೃತ್ಯವನ್ನು ಆರೋಪಿಗಳು ಮೊಬೈಲಿನಲ್ಲಿ ಚಿತ್ರೀಕರಿಸಿ, ಎಂಎಂಎಸ್ ಮಾಡಿದ್ದಾರೆ' ಎಂದು ಆಕೆ ದೂರಿದ್ದರು. ತರಗತಿ ಮುಗಿದ ಬಳಿಕವೂ ಶಾಲೆಯಲ್ಲೇ ಉಳಿಯುವಂತೆ ಆಜ್ಞಾಪಿಸಿದ ಆರೋಪಿ ಶಿಕ್ಷಕರು ನಂತರ ಈ ಕೃತ್ಯವೆಸಗಿದ್ದಾರೆ.

English summary

Two students molested MMS two teachers, Dhara Singh and Badri Prasad Meena were held in Alwar district in Rajasthan.