ಈ ಯುವತಿಯರ ಮದುವೆಗೆ ಕನ್ನಡಕ ಅಡ್ಡ ಬರುತ್ತಿದೆ
ನಿರಂತರವಾಗಿ ಕನ್ನಡಕ ಧರಿಸಲು ಒಲ್ಲೆ ಎಂದ ಈ ವಿದ್ಯಾರ್ಥಿನಿಯರು ಸಮೀಕ್ಷೆಯ ವೇಳೆ ಏನು ಹೇಳಿದ್ದಾರೆ ಗೊತ್ತಾ? 'ನಾವು ಹಾಗೆಲ್ಲ ಕನ್ನಡಕ ಹಾಕಿಕೊಂಡರೆ ನಮಗೆ ಒಳ್ಳೆಯ ಗಂಡ ಸಿಗೊಲ್ಲ' ಎಂದು ಕಣ್ಣುಮಿಟುಕಿಸಿದ್ದಾರೆ.
ಈ ಯುವತಿಯರು 'ಕನ್ನಡಕ ಮತ್ತು ಮದುವೆ' ಬಗ್ಗೆ ಏನೆಲ್ಲ ಅಭಿಪ್ರಾಯಗಳನ್ನು ಹೊಂದಿದಾರೆ ಓದಿ: ಅದು ಸೌಂದರ್ಯ ಪ್ರಜ್ಞೆಗೆ ತೊಡಕಾಗುತ್ತದೆ. ಮೂಗಿನ ಮೇಲೆ ಮಾರ್ಕು ಬಿದ್ಹೋಗುತ್ತದೆ. ನಮ್ಮ ಮುಖಾರವಿಂದದ ಸೌಂದರ್ಯಕ್ಕೆ ಧಕ್ಕೆಯಾಗುತ್ತದೆ. ಕನ್ನಡಕ ಹಾಕಿಕೊಂಡರೆ ಕಣ್ಣುಗಳು ಮತ್ತಷ್ಟು ಹಾಳಾಗುತ್ತವೆ.
ಈ ತಾಪತ್ರಯವೇ ಬೇಡ. ಸುಮ್ಮನೇ contact lenses ಹಾಕಿಕೋಳ್ಳುತ್ತೇವೆ ಎನ್ನುವವರೂ ಇದ್ದಾರೆ. ಇನ್ನು ಕಣ್ಣುಬಿಕ್ಕಿಲ್ಲ, ಆಗಲೇ ಅಂದರೆ 14 ವರ್ಷದ ಹುಡುಗಿಯರಿಗೂ ಕನ್ನಡಕ ಬೇಡವಂತೆ; contact lenses ಬೇಕಂತೆ.
ಆದರೆ ಕಣ್ಣಿನ ಡಾಕ್ಟರುಗಳು ಏನು ಹೇಳುತ್ತಾರೋ ಸ್ವಲ್ಪ ಕೇಳಿಸಿಕೊಳ್ಳಿ. 'ನೋಡಿ, ಈ ದೃಷ್ಟಿ ದೋಷವರುವವರು ಕನ್ನಡಕ ಹಾಕಿಕೊಳ್ಳಲಿಲ್ಲ ಅಂದರೆ ದೋಷ ಮತ್ತಷ್ಟು ಹೆಚ್ಚಾಗುವ ಅಪಾಯವಿರುತ್ತದೆ'. ಈಗ ಯುವ ವಯಸ್ಸಿನಲ್ಲಿ ಸೌಂದರ್ಯೋಪಾಸಕರಾಗಿ, ಅನಗತ್ಯವಾಗಿ ಕನ್ನಡಕ ಬೇಡವೆನ್ನುವವರು ಮುಂದೆ ದಪ್ಪ ಕನ್ನಡಕ ಹಾಕಿಕೊಳ್ಳಬೇಕಾಗುತ್ತದೆ ಎಂದೂ ಎಚ್ಚರಿಸುತ್ತಾರೆ ಈ ವೈದ್ಯರು. ಮನೆಗಳಲ್ಲೇ ಇರುವುದು, ಟಿವಿ/ ಕಂಪ್ಯೂಟರ್ ನೋಡುವುದು, ಅನಾರೋಗ್ಯಕರ ಆಹಾರ ಸೇವನೆಗಳು ಮುಖ್ಯವಾಗಿ ದೃಷ್ಟಿಗೆ ಪೆಟ್ಟುಕೊಡುತ್ತಿವೆ.