ಭಾರತದ ಅತೀದೊಡ್ಡ ರಾಜಕೀಯ ಸಮೀಕ್ಷೆ. ನೀವು ಭಾಗವಹಿಸಿದ್ದೀರಾ?
  • search

ಬೆಂಗಳೂರಿನ ಕಸ್ತೂರಬಾ ರಸ್ತೆಯಲ್ಲಿ ಲಘು ಭೂಕಂಪ

By Prasad
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    Mild quake at Kasturba road in Bangalore
    ಬೆಂಗಳೂರು, ಜೂ. 25 : ಸೋಮವಾರ ಮಧ್ಯಾಹ್ನ 3.30ರ ಸುಮಾರಿಗೆ ಬೆಂಗಳೂರಿನ ಕಸ್ತೂರಬಾ ರಸ್ತೆಯಲ್ಲಿ ಲಘು ಭೂಕಂಪ ಸಂಭವಿಸಿದ ಅನುಭವವಾಗಿದೆ. ಏಪ್ರಿಲ್ 14ರಂದು ಭೂಕಂಪ ಸಂಭವಿಸಿದ ನಂತರ ಬೆಂಗಳೂರಿನಲ್ಲಿ ಕಂಪನದ ಅನುಭವವಾಗುತ್ತಿರುವುದು ಇದು ಎರಡನೇ ಬಾರಿ. ಆಗ ಕರ್ನಾಟಕದ ಅನೇಕ ಪ್ರದೇಶಗಳಲ್ಲಿ ಭೂಕಂಪ ಸಂಭವಿಸಿತ್ತು.

    ಕಂಪನದ ಪ್ರಮಾಣ ಎಷ್ಟೆಂದು ತಿಳಿದುಬಂದಿಲ್ಲ. ಆದರೆ, ಕಂಪನದ ಅನುಭವವಾಗುತ್ತಿದ್ದಂತೆ ಸುರಿಯುತ್ತಿದ್ದ ಧೋಧೋ ಮಳೆಯಲ್ಲಿ ಆ ರಸ್ತೆಯಲ್ಲಿ ಅನೇಕ ಕಟ್ಟಡಗಳಲ್ಲಿ ಕೆಲಸ ಮಾಡುತ್ತಿದ್ದ ಉದ್ಯೋಗಿಗಳು ಭಯದಿಂದ ಕಚೇರಿಬಿಟ್ಟು ರಸ್ತೆಗೆ ಓಡಿಬಂದರು. ಕಂಪನ ಕೇವಲ ಕೆಲ ಸೆಕೆಂಡುಗಳು ಮಾತ್ರ ಆಗಿದ್ದು, ಮೇಲ್ಮಹಡಿಯಲ್ಲಿ ಕೆಲಸ ಮಾಡುತ್ತಿದ್ದ ಉದ್ಯೋಗಿಗಳಿಗೆ ಹೆಚ್ಚಿನ ಅನುಭವವಾಗಿದೆ.

    ರಸ್ತೆಗೋಡಿ ಬಂದ ಉದ್ಯೋಗಿಗಳ ಪ್ರಕಾರ, ಕಂಪ್ಯೂಟರುಗಳು ಗಡಗಡನೆ ನಡುಗಲು ಪ್ರಾರಂಭಿಸಿದವು, ಲಿಫ್ಟ್ ನಲ್ಲಿ ಸಾಗುತ್ತಿದ್ದಾಗ ಕೂಡ ಕಂಪಿಸಿದ ಅನುಭವವಾಯಿತು. ಕಂಪನ ಅನುಭವಿಸಿದವರ ಹಾಹಾಕಾರ ಕೇಳುತ್ತಿದ್ದಂತೆ ಕಂಪನ ಅನುಭವ ಆಗದಿರುವ ಜನರು ಕೂಡ ರಸ್ತೆಗೆ ಓಡೋಡಿ ಬಂದಿದ್ದಾರೆ. ಹೊರಗೆ ನೋಡಿದರೆ, ಕಪ್ಪು ಕಾರ್ಮೋಡ, ಧೋಧೋ ಮಳೆ. ಕಟ್ಟಡದಲ್ಲಿ ಇರುವ ಹಾಗೂ ಇಲ್ಲ, ರಸ್ತೆಗೆ ಬರುವ ಹಾಗೂ ಇಲ್ಲ ಎಂಬಂಥ ಪರಿಸ್ಥಿತಿ. ಇದರಿಂದಾಗಿ ಕಸ್ತೂರಬಾ ರಸ್ತೆಯಲ್ಲಿ ಭಾರೀ ಜನದಟ್ಟಣೆ ಸಂಭವಿಸಿತ್ತು.

    ಆದರೆ, ಭೂಗರ್ಭ ನಿಷ್ಣಾತರ ಪ್ರಕಾರ, ಭೂಮಿಯಲ್ಲಿ ಪ್ರತಿದಿನವೂ ಕಂಪನ ಸಂಭವಿಸುತ್ತಲೇ ಇರುತ್ತದೆ. ಆದರೆ, ಈ ಯಾವ ಕಂಪನಗಳೂ ಅಪಾಯಕಾರಿಯಲ್ಲ, ಅಂತಹ ಹಾನಿಯೂ ಸಂಭವಿಸುವುದಿಲ್ಲ. ಭೂಗರ್ಭ ಶಾಸ್ತ್ರಜ್ಞರು ದಿನನಿತ್ಯ ರಿಕ್ಟರ್ ಮಾಪಕದಲ್ಲಿ ಭೂಕಂಪನವನ್ನು ದಾಖಲಿಸುತ್ತಲೇ ಇರುತ್ತಾರೆ. ಇದರಿಂದ ಹೆದರುವ ಅಗತ್ಯವಿಲ್ಲ ಎಂದು ಹೇಳಿದ್ದಾರೆ. ಹವಾಮಾನ ಇಲಾಖೆ ಪ್ರತಿದಿನ ಸಂಭವಿಸುವ ಭೂಕಂಪನವನ್ನು ದಾಖಲಿಸುತ್ತಿರುತ್ತದೆ. ಜೂ.24ರಂದು ಮಧ್ಯಾಹ್ನ 1 ಗಂಟೆ 30 ನಿಮಿಷ 34 ಸೆಕೆಂಡಿಗೆ ಚೀನಾದಲ್ಲಿ 5.6 ಪ್ರಮಾಣದಷ್ಟು ಭೂಕಂಪ ಸಂಭವಿಸಿದೆ.

    ಏಪ್ರಿಲ್ 11ರಂದು ಇಂಡೋನೇಷ್ಯಾದಲ್ಲಿ ಪ್ರಬಲ ಭೂಕಂಪ ಸಂಭವಿಸಿತ್ತು. ನಂತರ ಏ.12ರಂದು ಮೆಕ್ಸಿಕೋದಲ್ಲಿ ಮತ್ತು ಏ.14ರಂದು ಕರ್ನಾಟಕ ಸೇರಿದಂತೆ ದೇಶದ ಅನೇಕ ರಾಜ್ಯಗಳಲ್ಲಿ ಸರಣಿ ಭೂಕಂಪ ಸಂಭವಿಸಿ, ಆತಂಕದ ಅಲೆಗಳನ್ನು ಎಬ್ಬಿಸಿತ್ತು. ಇಂಡೋನೇಷ್ಯಾ ಹೊರತುಪಡಿಸಿದರೆ ಬೇರೆಡೆಗಳಲ್ಲಿ ಅಂತಹ ಹಾನಿ ಉಂಟಾಗಿರಲಿಲ್ಲ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    Mild earthquake of moderate intensity occurred at 15 hours 30 min hrs IST on 25th June, 2012 at Kasturba road in Bangalore. Employees working in high rise building ran out of office. Experts say, these earthquakes happen all the time and only few are felt and they are harmless. So, no need to worry.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more