ಬಾಲಕಿಯರ ಮೇಲೆ ಕಾರು ಹರಿಸಿದ ಬಾಲಕ
ತನ್ನ ಚಿಕ್ಕಪ್ಪನಿಂದ ಆಲ್ಟೋ ಕಾರನ್ನು ಪಡೆದ ಆರೋಪಿ ಬಾಲಕ ಅದರಲ್ಲಿ ತನ್ನ ಸ್ನೇಹಿತರನ್ನು ಕೂಡಿಸಿಕೊಂಡು ಕಾರು ಪರಾಕ್ರಮ ಮೆರೆಯಲು ಮುಂದಾಗಿದ್ದಾನೆ. ಕಾರನ್ನು ರಿವರ್ಸ್ ಗೇರಿಗೆ ತೆಗೆದುಕೊಳ್ಳುವಾಗ 5 ವರ್ಷದ ಮುನ್ನಿ ಮತ್ತು 4 ವರ್ಷ ಹಿಮಾಂಶಿ ಎಂಬ ಬಾಲಕಿಯರ ಮೇಲೆ ಹತ್ತಿಸಿದ್ದಾನೆ. ಮುನ್ನಿ ತಲೆಗೆ ತೀವ್ರ ಪೆಟ್ಟು ಬಿದ್ದು ಸಾವನ್ನಪ್ಪಿದ್ದರೆ ಹಿಮಾಂಶಿ ಕೈ ಮುರಿದುಕೊಂಡು ಆಸ್ಪತ್ರೆ ಸೇರಿದ್ದಾಳೆ.
ಅಪಘಾತವಾಗುತ್ತಿದ್ದಂತೆ ಗಾಬರಿಗೆ ಬಿದ್ದ ಬಾಲಕ/ ಚಾಲಕ ಸ್ಥಳದಿಂದ ಪರಾರಿಯಾಗಿದ್ದ. ಆದರೆ ಪೊಲೀಸರು ತದನಂತರ ಅವನನ್ನು ವಶಕ್ಕೆ ತೆಗೆದುಕೊಂಡು, ಬಾಲಾಪರಾಧ ಕೋರ್ಟಿಗೆ ಒಪ್ಪಿಸಿದ್ದಾರೆ. ಬಾಲಾಪರಾಧಿಯನ್ನು ಮನೆಗೆ ಕಳಿಸಿದ ಕೋರ್ಟ್, ವಿಚಾರಣೆಗೆ ಕಾಲ ಕಾಲಕ್ಕೆ ಹಾಜರಾಗುತ್ತಿರಬೇಕು ಎಂದು ಹೇಳಿಕಳಿಸಿದೆ.
ಈ ಮಧ್ಯೆ, ಪೊಲೀಸರು ಕಾರಿನ ಮಾಲೀಕನ ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದು, ಚಾಲನಾ ಪರವಾನಗಿ ಇಲ್ಲದಿದ್ದರೂ ಅಪ್ರಾಪ್ತ ವಯಸ್ಸಿನ ಬಾಲಕನಿಗೆ ಕಾರಿನ ಚಾವಿ ನೀಡಿದ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
Click it and Unblock the Notifications
Sign in with Google