ಬೆಂಗಳೂರು ನಗರಕ್ಕೂ ಬರಲಿದೆ suburban rail

ಬೆಂಗಳೂರು, ಜೂನ್ 4: ಕರ್ನಾಟಕದ ರಾಜಧಾನಿ ದೇಶದ ಆರ್ಥಿಕ ರಾಜಧಾನಿ ಮುಂಬೈ ಮೆಟ್ರೋ ನಗರವಾಗಿ ಮಾರ್ಪಡಲಿದೆಯಾ? ಏಕೆಂದರೆ ಬೆಂಗಳೂರನ್ನು ಗಾಢವಾಗಿ ಸುತ್ತುವರಿದಿರುವ ರಾಮನಗರ, ದೊಡ್ಡಬಳ್ಳಾಪುರ, ಹೊಸೂರು ಕಡೆಗಳಿಂದ ಬೆಂಗಳೂರಿಗೆ ಸಂಪರ್ಕ ಕಲ್ಪಿಸಲು suburban rail ಸೇವೆಯನ್ನು ಕಾರ್ಯಗತಗೊಳಿಸುವ ಯೋಜನೆ ಸಾಕಾರಗೊಳ್ಳುತ್ತಿದೆ.

ಹಾಗಂತ ಈಗಲಿಂದಲೇ ಈ ಉಪನಗರ ರೈಲುಗಳನ್ನು ನಿಮ್ಮ ಮನಃಪಟಲದಲ್ಲಿ ಓಡಾಡಿಸಬೇಡಿ. ಏಕೆಂದರೆ ಇದು ಸಾಕಾರಗೊಳ್ಳಲಿರುವುದು ಇನ್ನೂ 15 ವರ್ಷಕ್ಕೆ, ಅಂದರೆ 2027ಕ್ಕೆ! ಆದರೆ ಈ ವಾರದಲ್ಲೇ Rail Indian Technical and Economic Services (RITES) ಸಂಸ್ಥೆಯು ಈ ಯೋಜನೆಯ ಸಾಧ್ಯಾಸಾಧ್ಯತೆಯ ವರದಿಯನ್ನು (feasibility study) ಮಂಡಿಸಲಿದೆ.

RITES ಕಳೆದ ತಿಂಗಳು ಈ ವರದಿಯನ್ನು ಸಿದ್ಧಪಡಿಸಿದ್ದು Directorate of Urban Land Transport (DULT)ಗೆ ಸದ್ಯದಲ್ಲೇ ಹಸ್ತಾಂತರಿಸಲಿದೆ. ನಂತರ ಸಂಬಂಧಪಟ್ಟವರು ಈ ಬಗ್ಗೆ ಮುಂದಿನ ನಿರ್ಧಾರಗಳನ್ನು ತೆಗೆದುಕೊಳ್ಳಬಹುದು ಎಂದು DULT ಕಮಿಷನರ್ ವಿ ಮಂಜುಳ ಹೇಳಿದ್ದಾರೆ. ನಗರದಿಂದ 40-50 ಕಿ.ಮೀ. ವ್ಯಾಪ್ತಿಯಲ್ಲಿ ಬೆಂಗಳೂರನ್ನು ಸೀಳಿಕೊಂಡು ಈ ಟ್ರೈನುಗಳು ಓಡಾಡಲಿವೆ.

ನಗರ ಭೂ ಸಾರಿಗೆ ಇಲಾಖೆಯು ಹೆಚ್ಚಿನ ಅಧ್ಯಯನ ಕೈಗೊಂಡು ರೈಲ್ವೆ ಇಲಾಖೆಯಲ್ಲಿ ಲಭ್ಯವಿರುವ ಸಂಪನ್ಮೂಲಗಳು, ಅಂದಾಜು ವೆಚ್ಚಗಳು, ರೈಲ್ವೆ ಮಾರ್ಗಗಳ ಬಗ್ಗೆ road map ನೀಡಲಿದೆ ಎಂದು ಅವರು ತಿಳಿಸಿದ್ದಾರೆ.
ವಾಸ್ತವವಾಗಿ 2006-07ರಿಂದಲೇ ಇಂತಹ ಅಧ್ಯಯನ ನಡೆದಿತ್ತು. South Western Railway ವ್ಯಾಪ್ತಿಗೆ ಈ ಯೋಜನೆ ಒಳಪಡಲಿದೆ.

ಇನ್ನೇನು ಬಹುತೇಕ ನಗರದ ನಾಲ್ಕೂ ದಿಕ್ಕುಗಳಲ್ಲಿ ನಮ್ಮ ಮೆಟ್ರೋ ಸರಿದಾಡಲಿದೆ. ಅದರ ಜತೆಗೆ suburban rail ಸೇವೆಯೂ ಸಾಕಾರಗೊಂಡರೆ ರಾಜಧಾನಿಗೆ ರಸ್ತೆ ಸಂಪರ್ಕ ಸಲೀಸಾಗಲಿದೆ.

ಉದ್ದೇಶಿತ ಮಾರ್ಗಗಳು:
ರಾಮನಗರ - ಕೆಂಗೇರಿ - 32 ಕಿ.ಮೀ.
ಬಯ್ಯಪ್ಪನಹಳ್ಳಿ - ಹೊಸೂರು - 41 ಕಿ.ಮೀ.
ತುಮಕೂರು - ಯಶವಂತಪುರ - 64 ಕಿ.ಮೀ.
ಯಲಹಂಕ - ದೊಡ್ಡಬಳ್ಳಾಪುರ - 24 ಕಿ.ಮೀ.

English summary

The suburban trains for better connectivity into the Bangalore city. Rail Indian Technical and Economic Services (RITES) will ready the feasibility study by June first week. The Suburban Commuter Rail System will connect nearby high-density locations like Ramanagaram, Mandya, Doddaballapur and Hosur to the city.