Microsoft India ಅಂದ್ರೆ ನಮಗೆ ಬಲು ಇಷ್ಟ

ಬೆಂಗಳೂರು, ಮೇ 8: ಭಾರತದಲ್ಲಿರುವ ಮೈಕ್ರೋಸಾಫ್ಟ್ ಇಂಡಿಯಾ 2012 ಸಾಲಿನಲ್ಲಿ 'ಹೆಚ್ಚು ಆಕರ್ಷಕ ಉದ್ಯೋಗದಾತ ಕಂಪನಿ' ಎಂಬ ಹೆಗ್ಗಳಿಕೆಯನ್ನು ಗಳಿಸಿದೆ. ಗಮನಾರ್ಹವೆಂದರೆ, ಕಳೆದ ವರ್ಷ ಸ್ಥಾಪಿಸಲಾದ ಈ ಪ್ರಶಸ್ತಿಯನ್ನು ಇದೇ ಕಂಪನಿ ಗಳಿಸಿತ್ತು. ದೇಶದ 150 ಪ್ರಮುಖ ಕಂಪನಿಗಳಲ್ಲಿ 10,000 ಮಂದಿ ಉದ್ಯೋಗಿಗಳನ್ನು ಸಂದರ್ಶಿಸಿ, ಅವರ ನಿರೀಕ್ಷೆಗಳನ್ನು ಮನಗಂಡು ಈ ಆಯ್ಕೆ ಮಾಡಲಾಗಿದೆ.

ಇನ್ನು 2 ಮತ್ತು 3 ನೆಯ ಸ್ಥಾನ Oracle India ಹಾಗೂ Tata Consultancy Services ಕಂಪನಿಗಳಿಗೆ ಸಂದಾಯವಾಗಿದೆ. ವೋಕ್ಸ್ ವ್ಯಾಗನ್ ಇಂಡಿಯಾ ಮತ್ತು ನೋಕಿಯಾ ಇಂಡಿಯಾ ಮುಂದಿನ ಸ್ಥಾನಗಳಲ್ಲಿವೆ.

ಪ್ರಧಾನ ಮಾನವ ಸಂಪನ್ಮೂಲ ಸೇವಾ ಕಂಪನಿಯಾದ Randstad ಈ ಪ್ರಶಸ್ತಿಯನ್ನು ಕೊಡಮಾಡುತ್ತಿದೆ. ದೇಶದಲ್ಲಿ ಉತ್ತಮ ಉದ್ಯೋಗದಾತ ಕಂಪನಿ ಎಂಬ ಬ್ರ್ಯಾಂಡ್ ಹುಟ್ಟುಹಾಕಲು ಈ ಪ್ರಶಸ್ತಿಯನ್ನು ನೀಡಲಾಗುತ್ತಿದೆ. ದೀರ್ಘಾವಧಿಗೆ ಉದ್ಯೋಗ ಭದ್ರತೆ, ಸ್ಪರ್ಧಾತ್ಮಕ ಸಂಬಳಗಳು ಭಾರತದ ಉದ್ಯೋಗಿಗಳಿಗೆ ಮಾನದಂಡವಾಗಿವೆ ಎಂದು Randstad ಸಂಸ್ಥೆ ತಿಳಿಸಿದೆ.

ಕುತೂಹಲದ ಸಂಗತಿಯೆಂದರೆ 18-24 ವರ್ಷ ವಯಸ್ಸಿನ ಉದ್ಯೋಗಿಗಳಿಗೆ Hewlett Packard ನತ್ತ ಪ್ರಥಮ ಪ್ರೀತಿಯಿದ್ದರೆ 25-34 ವರ್ಷದವರಿಗೆ Google India ಇಷ್ಟವಾಗಿದೆಯಂತೆ.

English summary

Microsoft India has bagged the Randstad Award 2012 for the 'most attractive employer' in the country for the second consecutive year followed by Oracle India and Tata Consultancy Services.