ಶುಭ ಕಾಲ ಬಂದಿದೆ ವಿಜಯ್ ಮಲ್ಯ ಸಾಹೇಬ್ರಿಗೆ

ಬೆಂಗಳೂರು, ಏ.20: ಉದ್ಯಮಿ ವಿಜಯ್ ಮಲ್ಯ ಅವರಿಗೆ ಶುಭ ಕಾಲ ಬಂದಿದೆ. ಅತ್ತ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಗೆಲುವಿನ ಹಾದಿ ಹಿಡಿದಿದೆ. ಪೋರ್ಸ್ ಇಂಡಿಯಾ ತಂಡ ಉತ್ತಮ ಸಾಧನೆಯತ್ತ ಮುಖ ಮಾಡಿದೆ. ಕುಕ್ಕೆ ಸುಬ್ರಮಣ್ಯ ದೇವರಿಗೆ ಹರಕೆ ಹೊತ್ತು ಪರಿಣಾಮವೋ ಏನೋ ನೆಲಕಚ್ಚಿದ ಕಿಂಗ್ ಫಿಷರ್ ಮತ್ತೆ ಹಾರಾಡಲು ಬೇಕಿದ್ದ ಇಂಧನ ಮಲ್ಯಗೆ ಸಿಕ್ಕಿದೆ.

ಸಾಲದ ಹೊರೆಯಿಂದ ಬಳಲುತ್ತಿರುವ ಡಾ ವಿಜಯ್ ಮಲ್ಯ ಅವರ ಕಿಂಗ್ ಫಿಷರ್ ಸಂಸ್ಥೆ ಜೆಟ್ ಇಂಧನವನ್ನು ನೇರವಾಗಿ ಆಮದು ಮಾಡಿಕೊಳ್ಳುವ ಪ್ರಕ್ರಿಯೆಗೆ ಗುರುವಾರ(ಏ.19)ದಿಂದ ಚಾಲನೆ ದೊರೆತಿದೆ. ಇಂಧನ ಬೆಲೆಯನ್ನು ಶೇ.20 ರಷ್ಟು ತಗ್ಗಿಸಿರುವ ಸರ್ಕಾರ, ಇಂಧನ ಶೇಖರಣೆ ಮಾಡಿಕೊಳ್ಳಲು ಸೂಕ್ತ ವ್ಯವಸ್ಥೆ ರೂಪಿಸಿಕೊಳ್ಳುವಂತೆ ಸೂಚಿಸಿದೆ.

ವಿಮಾನಯಾನ ಟರ್ಬೈನ್ ಇಂಧನ ಆಮದು ಮಾಡಿಕೊಳ್ಳಲು ಡೈರೆಕ್ಟರ್ ಜನರಲ್ ಆಫ್ ಫಾರಿನ್ ಟ್ರೇಡ್ ಅಧಿಕೃತವಾಗಿ ಅನುಮತಿ ನೀಡಿದ ಮೇಲೆ ಕಿಂಗ್ ಫಿಷರ್ ಸಂಸ್ಥೆ ಜೀವ ಬಂದಂತಾಗಿದೆ.

ಒನ್ ವರ್ಲ್ಡ್ ಮೈತ್ರಿಕೂಟದ ಭಾಗವಾಗಿರುವ ಕಿಂಗ್ ಫಿಷರ್ ಜಾಗತಿಕವಾಗಿ ಹಾಗೂ ದೇಶಿಯವಾಗಿ ವಿಮಾನಯಾನ ಹಾದಿ ಸುಗುಮವಾಗುವ ಲಕ್ಷಣಗಳು ಕಂಡು ಬಂದಿದೆ. ಸುಮಾರು 6,419 ಕೋಟಿ ಸಾಲದ ಹೊರೆ ಹೊತ್ತಿರುವ ಕಿಂಗ್ ಫಿಷರ್ ಸಂಸ್ಥೆಗೆ ಶುಭಕಾಲ ಆರಂಭವಾಗಿದ್ದು, ಮತ್ತೆ ಕಿಂಗ್ ಫಿಷರ್ ವಿಮಾನಗಳು ಎಂದಿನಂತೆ ಹಾರಾಡುವ ದಿನಗಳು ಬರಲಿದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.

ಸ್ಥಳೀಯವಾಗಿ ಸರ್ಕಾರಿ ಸ್ವಾಮ್ಯದ ಭಾರತ್ ಪೆಟ್ರೋಲಿಯಂ, ಇಂಡಿಯನ್ ಆಯಿಲ್ ಕಾರ್ಪ್, ಹಿಂದೂಸ್ತಾನ್ ಪೆಟ್ರೋಲಿಯಂ ಕಾರ್ಪ್ ಸಂಸ್ಥೆಗಳು ಇಂಧನ ಒದಗಿಸುತ್ತಿದೆ. ಆದರೆ, ವಿವಿಧ ರೀತಿಯ ತೆರಿಗೆ ಹೊರೆ ಹೇರುತ್ತಿದ್ದು, ಕಿಂಗ್ ಫಿಷರ್ ಸೇರಿದಂತೆ ಹಲವು ಸಂಸ್ಥೆಗಳು ವಿದೇಶಿ ಸಂಸ್ಥೆಗಳಿಂದ ಇಂಧನ ಖರೀದಿಸಲು ಮುಂದಾಗಿದೆ.

English summary

Vijay Mallya may soon see the good times again as Kingfisher Airlines finally get a weapon with which the airline can check its crisis. The airline on Thursday, Apr 19 began its jet fuel import process which, according to experts, could help the cash-strapped carrier bring down its fuel bill.