ಮಲ್ಲಿಕಾ ಶೆರಾವತ್ ಮೇಲೆ ಶಿವಸೈನಿಕರ ದಾಳಿ

ಮುಂಬೈ, ಮಾ.1: ಬಾಲಿವುಡ್ ಖ್ಯಾತ ನಟಿ ಮಲ್ಲಿಕಾ ಶೆರಾವತ್ ಅವರ ಮೇಲೆ ಶಿವಸೈನಿಕರು ದಾಳಿ ನಡೆಸಿದ್ದಾರೆ. ತೇಜ್ ಚಿತ್ರಕ್ಕಾಗಿ ಐಟಂ ಸಾಂಗಿನಲ್ಲಿ ಮಲ್ಲಿಕಾ ಶೆರಾವತ್ ನಟಿಸುತ್ತಿದ್ದಾಗ ಈ ಘಟನೆ ನಡೆದಿದೆ. ಶೂಟಿಂಗ್ ಸ್ಥಳದಲ್ಲಿ ಮಲ್ಲಿಕಾ ಶೆರಾವತ್ ಜತೆಗೆ ಸಮೀರಾ ರೆಡ್ಡಿ, ಕಂಗನಾ ರಾವತ್, ಅನಿಲ್ ಕಪೂರ್ ಮತ್ತು ಅಜಯ್ ದೇವಗನ್ ಸಹ ಸೆಟ್ ನಲ್ಲಿ ಇದ್ದರು.

ಮಹಾರಾಷ್ಟ್ರದಲ್ಲಿ ಹಿಂದಿ ಸಿನಿಮಾಕ್ಕಾಗಿ ವಿದೇಶಿಗರು ಶೂಟಿಂಗ್ ಮಾಡುವುದಕ್ಕೆ ತಮ್ಮ ತೀವ್ರ ವಿರೋಧವಿದೆ ಎಂದು ಶಿವಸೈನಿಕರು ಈ ವೇಳೆ ರಂಪಾಟ ಮಾಡಿದರು ಎಂದು ಮೂಲಗಳು ತಿಳಿಸಿವೆ.

'ವಿದೇಶಿಗರನ್ನೊಳಗೊಂಡ ಶಾಟ್ ಗಳು 2-3 ಇವೆಯಷ್ಟೆ. ಕೇವಲ ಒಂದು ಗಂಟೆ ಕಾಲ ಅವರು ಶೂಟಿಂಗಿನಲ್ಲಿ ಭಾಗವಹಿಸುತ್ತಾರೆ' ಎಂದು ಮನವಿ ಮಾಡಿದರು ಶಿವಸೈನಿಕರು ದಾಂಧಲೆ ನಡೆಸಿದ್ದಾರೆ. ವಾಸ್ತವವಾಗಿ ಲಂಡನ್ ಸೆಟ್ ಹಾಕಿ ಈ ಚಿತ್ರೀಕರಣ ನಡೆದಿತ್ತು. ಆದರೆ ಅದರಲ್ಲಿದ್ದ ವಿದೇಶೀ ಪಾತ್ರಧಾರಿಗಳೂ ಇಲ್ಲಿನವರೇ. ಆದರೂ ಶಿವಸೈನಿಕರು ವಿಕೋಪಕ್ಕೆ ಹೋದರು ಎನ್ನಲಾಗಿದೆ.

English summary

A couple of Shiv Sainiks barged into the film sets of bollywood star Mallika Sherawat's, while she was shooting an item song in the film 'Tezz' to check over the inclusion of foreign nationals in the shoot at Mumbai.