ರಾಜ್ಯದ ಹತ್ತು ಶ್ರೀಮಂತ ದೇವಸ್ಥಾನಗಳು ಇವು

ಸುಬ್ರಹ್ಮಣ್ಯ, ಫೆ.23: 'ರಾಜ್ಯದಲ್ಲಿ ಒಟ್ಟು 34 ಸಾವಿರಕ್ಕೂ ಹೆಚ್ಚು ಮುಜರಾಯಿ ದೇವಸ್ಥಾನಗಳಿವೆ. ಆದಾಯ ಗಳಿಕೆಯಲ್ಲಿ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನ ಮೊದಲ ಸ್ಥಾನದಲ್ಲಿದೆ. ಆಯಾ ದೇವಸ್ಥಾನಗಳ ಆದಾಯ ಗಳಿಕೆ ಮೇಲೆ ಅವುಗಳನ್ನು ವರ್ಗೀಕರಿಸಲಾಗಿವೆ' ಎಂದು ಮುಜರಾಯಿ ಇಲಾಖೆ ಆಯುಕ್ತ ಬಿ.ಎನ್‌. ಕೃಷ್ಣಯ್ಯ ಹೇಳಿದ್ದಾರೆ.

'25 ಲಕ್ಷ ರೂ. ಮತ್ತು ಅದಕ್ಕಿಂತ ಹೆಚ್ಚಿನ ಆದಾಯವಿರುವ ದೇವಸ್ಥಾನಗಳನ್ನು A ಪಟ್ಟಿಗೆ ಸೇರಿಸಿದ್ದು, ಅಂತಹ 110 ದೇವಸ್ಥಾನಗಳಿವೆ. ಹಾಗೆಯೇ 5 ರಿಂದ 25 ಲಕ್ಷ ರೂ. ಆದಾಯ ಗಳಿಕೆ ಪುಣ್ಯಕ್ಷೇತ್ರಗಳನ್ನು B ಪಟ್ಟಿಗೆ ಸೇರಿಸಿದ್ದು, ಅಂತಹ 175 ದೇವಸ್ಥಾನಗಳಿಗೆ. 5 ಲಕ್ಷಕ್ಕಿಂತ ಕಡಿಮೆ ಆದಾಯ ಬರುವ ದೇವಸ್ಥಾನಗಳನ್ನು C ವಿಭಾಗಕ್ಕೆ ಸೇರಿಸಿದ್ದು, ಅವು ಒಟ್ಟು 33,932 ದೇವಸ್ಥಾನಗಳಿಗೆ' ಎಂದು ಕೃಷ್ಣಯ್ಯ ತಿಳಿಸಿದ್ದಾರೆ.

ದೇವಸ್ಥಾನದ ಹೆಸರು / ವಾರ್ಷಿಕ ಆದಾಯ

ಕುಕ್ಕೆ ಶ್ರೀ ಸುಬ್ರಹ್ಮಣ್ಯ 44.82 ಕೋ ರೂ.
ಕೊಳ್ಳೆಗಾಲ ಮಲೆ ಮಹದೇಶ್ವರ 26.50 ಕೋ ರೂ.
ಶ್ರೀ ಕೊಲ್ಲೂರು ಮೂಕಾಂಬಿಕೆ 17.48 ಕೋ ರೂ.
ಕಟೀಲು ಶ್ರೀ ದುರ್ಗಾ ಪರಮೇಶ್ವರಿ 10.07 ಕೋ ರೂ.
ಶ್ರೀ ಚಾಮುಂಡೇಶ್ವರಿ 10.08 ಕೋ ರೂ.
ನಂಜನಗೂಡು ಶ್ರೀಕಂಠೇಶ್ವರ ಸ್ವಾಮಿ 9.80 ಕೋ ರೂ.
ಯಲ್ಲಮ್ಮನಗುಡ್ಡ ಶ್ರೀ ರೇಣುಕಯಲ್ಲಮ್ಮ 7.89 ಕೋ ರೂ.
ಮಂದರ್ತಿ ಶ್ರೀ ದುರ್ಗಾ ಪರಮೇಶ್ವರಿ 3.81 ಕೋ ರೂ.
ಬೆಂಗಳೂರಿನ ಶ್ರೀ ಬನಶಂಕರಿ 3.73 ಕೋ ರೂ.
ಶ್ರೀ ಹುಲಿಗಮ್ಮ 3.54 ಕೋ ರೂ.

English summary

The Muzrai department official BN Krishnaiah has listed Top Ten anuual revenue generation temples in Karnataka.