ಹೋಂವರ್ಕ್ ಮಾಡದ 6 ವರ್ಷದ ಕಂದಮ್ಮ ಇನ್ನಿಲ್ಲ

ರೋಹ್ಟಕ್(ಹರಿಯಾಣ), ಫೆ.22: ಹೋಂವರ್ಕ್ ಮಾಡಲಿಲ್ಲ ಎಂಬ ಕಾರಣಕ್ಕಾಗಿ ಆರು ವರ್ಷದ ಎಲ್‌ಕೆಜಿ ಹುಡುಗನನ್ನು ಶಿಕ್ಷಕಿಯೊಬ್ಬರು ಕತ್ತಲೆ ಕೋಣೆಯಲ್ಲಿ ಕೂಡಿ ಹಾಕಿದ್ದರು. ಅದರ ಪರಿಣಾಮವಾಗಿ ಆಘಾತಕ್ಕೊಳಗಾದ ಮಗು, ಒಂದೂವರೆ ತಿಂಗಳ ಬಳಿಕ ಸಾವನ್ನಪ್ಪಿದ್ದಾನೆ. ಘಟನೆಯ ಸಂಬಂಧ ಬಾಲಕನ ಹೆತ್ತವರು ಕರ್ನಲ್ ಜಿಲ್ಲಾ ಪೊಲೀಸರಿಗೆ ದೂರು ನೀಡಿದ್ದಾರೆ.

ಮೃತ ವಿದ್ಯಾರ್ಥಿ ಪಂಕಜ್, ರೋಹ್ಟಕ್‌ನ ವೈದ್ಯಕೀಯ ವಿಜ್ಞಾನಗಳ ಸ್ನಾತಕೋತ್ತರ ಪದವಿ ಶಿಕ್ಷಣ ಸಂಸ್ಥೆ ಆಸ್ಪತ್ರೆಯಲ್ಲಿ ಮೊನ್ನೆ ಭಾನುವಾರ ರಾತ್ರಿ ಸಾವನ್ನಪ್ಪಿರುವುದಾಗಿ ವರದಿಯಾಗಿದೆ. ಶಿಕ್ಷಕಿಯ ಕೃತ್ಯದಿಂದ ತೀವ್ರ ಆಘಾತಗೊಂಡಿದ್ದ ಮಗುವನ್ನು ಕಳೆದ ತಿಂಗಳು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. .

ಹೋಂವರ್ಕ್ ಮಾಡಲಿಲ್ಲ ಎಂಬ ಕಾರಣಕ್ಕಾಗಿ ಡಿಸೆಂಬರ್ 27ರಂದು ಶಾಲೆಯ ಶಿಕ್ಷಕಿ ದುರ್ದೈವಿ ಹುಡುಗನನ್ನು ಕತ್ತಲು ಕೋಣೆಯೊಳಗೆ ಕೂಡಿ ಹಾಕಿದ್ದರು. ಶಿಕ್ಷಕಿಯು ಶಾಲೆ ಬಿಟ್ಟು ಹೋಗಿದ್ದರು. ತುಂಬಾ ಹೊತ್ತಾದರೂ ಮನೆಗೆ ಮರಳದ ಬಾಲಕನನ್ನು ಹುಡುಕಿಕೊಂಡು ಬಂದಿದ್ದ ಆತನ ಹಿರಿಯ ಸಹೋದರಿಗೆ ಮಗು ಪ್ರಜ್ಞೆ ತಪ್ಪಿ ಬೀಗ ಹಾಕಿದ್ದ ಕೋಣೆಯಲ್ಲಿ ಬಿದ್ದಿರುವುದನ್ನು ಕಂಡುಬಂದಿತು.

ಅಲ್ಲಿಂದಾಚೆಗೆ ಆಘಾತಗೊಂಡ ಬಾಲಕ, ಸರಿಯಾಗಿ ಊಟ ಮಾಡುವುದನ್ನೇ ನಿಲ್ಲಿಸಿದ್ದ. ಬಳಿಕ ಅನಾರೋಗ್ಯ ಪೀಡಿತನಾದ. ಆನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಬಾಲಕನನ್ನು ರೋಹ್ಟಕ್‌ನ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.

English summary

The LKG student, Pankaj (6) in Karnal district (Haryana) was locked up in a dark room by his kindergarten teacher for not doing his homework and died of trauma one and a half months later, police said after receiving a complaint from his family.