ವಿ.ವಿ.ಗಳಿಗೆ 6000 ಕೋಟಿ ರು. ಅಂತರ್ಜಾಲ ಬೆಸುಗೆ

ನವದೆಹಲಿ,ಫೆ.12: ದೇಶದ ಎಲ್ಲ ವಿಶ್ವವಿದ್ಯಾಲಯಗಳಿಗೆ ಇನ್ನು ಮುಂದೆ ಅಂತರ್ಜಾಲ ಬೆಸುಗೆ ಕಲ್ಪಿಸಲಾಗುವುದು. ಈ ಇಂಟರ್ನೆಟ್‌ ಮತ್ತು ವೈ-ಫೈ ಆಧರಿತ ಸಂಪರ್ಕ ಜಾಲಕ್ಕಾಗಿ 6,000 ಕೋಟಿ ರು. ವೆಚ್ಚ ಮಾಡಲಾಗುವುದು ಎಂದು ಕೇಂದ್ರ ಸರಕಾರ ತಿಳಿಸಿದೆ.

ವಿವಿ ಶಿಕ್ಷಣ ಸಂಸ್ಥೆಗಳಲ್ಲಿ ಮಾಹಿತಿ ತಂತ್ರಜ್ಞಾನವನ್ನು ಉತ್ತೇಜಿಸಲಾಗುವುದು. ತನ್ಮೂಲಕ ವಿದ್ಯಾರ್ಥಿಗಳು ಉನ್ನತ ಶಿಕ್ಷಣ ಪಡೆಯಲು ಸಾಧ್ಯವಾಗಲಿದೆ ಎಂದು ಸಂಪರ್ಕ ಸಚಿವಾಲಯದ ಸಹಾಯಕ ಸಚಿವ ಸಚಿನ್ ಪೈಲಟ್ ಆಶಿಸಿದ್ದಾರೆ.

ದೇಶವನ್ನು ಪ್ರಗತಿ ಪಥದಲ್ಲಿ ಕೊಂಡೊಯ್ಯುವ ಯುವಜನಾಂಗಕ್ಕೆ ಮಾಹಿತಿ ತಂತ್ರಜ್ಞಾನ ಆಸರೆಯಾಗಲಿದೆ. ಇದರಿಂದ ಯುವ ಸಮೂಹ ರಾಷ್ಟ್ರವನ್ನು ಉನ್ನತಮಟ್ಟಕ್ಕೆ ಕೊಂಡೊಯ್ಯಬಹುದಾಗಿದೆ ಎಂದು ಸಚಿನ್ ಹೇಳಿದರು.

English summary

The central government has decided to invest a massive Rs 6,000 crore to connect all the universities of the country with internet and wi-fi enabled.