'ರಾಹುಲ್ ವೆಬ್‌ಸೈಟ್': ಪಾಕ್ ಪಾಲಾಗಿರುವ ಕಾಶ್ಮೀರ!

ನವದೆಹಲಿ,ಜ.30: ಕಾಂಗ್ರೆಸ್ ಪಕ್ಷದ ಯುವರಾಜ ರಾಹುಲ್ ಗಾಂಧಿ ಅವರ ಹೆಸರಿನಲ್ಲಿ ನಕಲಿ ವೆಬ್‌ಸೈಟ್ ಒಂದು ಸರಷ್ಟಿಯಾಗಿದ್ದು ಅದರಲ್ಲಿ ಭಾರತದ ಅಖಂಡ ಭಾಗವಾದ ಕಾಶ್ಮೀರವನ್ನು ಪಾಕಿಸ್ತಾನದ ಭಾಗ ಎಂದು ತೋರಿಸುವ ಭೂಪಟ ರಾರಾಜಿಸುತ್ತಿದೆ! ಇದು ಅಂತರ್ಜಾಲ ಫೇಸ್ ಬುಕ್ ನಲ್ಲಿ ವ್ಯಾಪಕವಾಗಿ ಹರಿದಾಡುತ್ತಿದೆ.

www.rahulgandhi.co.in ಹೋಂ ಪೇಜಿನಲ್ಲಿ ಈ 'ಕರಾ'ಮತ್ತು ನಡೆದಿದೆ. ಆದರೆ ಪಕ್ಷದ ಮೂಲಗಳ ಪ್ರಕಾರ ರಾಹುಲ್ ಗಾಂಧಿಗೂ ಈ ವೆಬ್‌ಸೈಟಿಗೂ ಯಾವುದೇ ಸಂಬಮಧವಿಲ್ಲ. ಕುತೂಹಲದ ಸಂಗತಿಯೆಂದರೆ ದೆಹಲಿ ಕಾಂಗ್ರೆಸ್ ಕಾರ್ಯಕರ್ತ ರಾಜ್ ಬಹಾದೂರ್ ಹೆಸರಿನಲ್ಲಿ ಈ ಸೈಟ್ ದಾಖಲಾಗಿದೆ!

2006ರಲ್ಲಿ ಈ ವೆಬ್‌ಸೈಟ್‌ ನನ್ನ ಹೆಸರಲ್ಲಿ ನೋಂದಣಿಯಾಗಿದೆ. ಒಂದು ವರ್ಷದ ಹಿಂದೆ ಅಂದರೆ ಜನವರಿ 25, 2011 ರಂದು ಇದನ್ನು ಕೊನೆಯ ಬಾರಿಗೆ ಅಪ್ ಡೇಟ್ ಮಾಡಿದ್ದೇನೆ ಅಷ್ಟೇ ಎಂದು ತಿಲಕ್ ನಗರದ ನಿವಾಸಿ ಬಹಾದೂರ್ ಅಲವತ್ತುಕೊಂಡಿದ್ದಾರೆ. ಆದರೆ ತಮ್ಮ ಈ ವೆಬ್‌ಸೈಟಿನಲ್ಲಿ ಕಾಶ್ಮೀರವು ಪಾಕಿಸ್ತಾನದ ಪಾಲಾಗಿರುವುದು ನನ್ನ ಗಮನಕ್ಕೆ ಬಂದಿಲ್ಲ ಎಂದು ಬಹಾದೂರ್ ಹೇಳಿದ್ದಾರೆ.

English summary

A fake website (www.rahulgandhi.co.in) registered in the name of AICC General Secretary Rahul Gandhi with screenshots showing Kashmir as a part of Pakistan is doing the rounds on social networking sites including Facebook. Congress Sources reveal that the website had nothing to do with Rahul Gandhi or the party. However, the website is registered in Raj Bahadur's name, who claims to be a member of the Delhi Congress.