ಟಿಸಿಎಸ್ Q3 ತ್ರೈಮಾಸಿಕದಲ್ಲಿ ಲಾಭ ಶೇ.23ರಷ್ಟು ಏರಿಕೆ
ಹೊಸ ಹೊರಗುತ್ತಿಗೆ ಒಪ್ಪಂದಗಳು, ರುಪಾಯಿ ಮೌಲ್ಯ ಕುಸಿತ, ಮಾರುಕಟ್ಟೆ ಬೇಡಿಕೆಗೆ ಅನುಗುಣವಾಗಿ ಸಂಸ್ಥೆ ಸೇವೆ ಒದಗಿಸಿದ್ದು, ಒಟ್ಟಾರೆ ವಾರ್ಷಿಕ(y-o-y) ನಿವ್ವಳ ಲಾಭ ಶೇ.18ರಷ್ಟು ಕಂಡಿದೆ.
ಪ್ರಸಕ್ತ ತ್ರೈಮಾಸಿಕ ಅವಧಿಯಲ್ಲಿ ಟಿಸಿಎಸ್ ನ ಒಟ್ಟು ಆದಾಯ 13,203.99 ಕೋಟಿ ರು ಆಗಿದೆ ಎಂದು ಬಿಎಸ್ ಇಗೆ ದಾಖಲೆ ಒದಗಿಸಲಾಗಿದೆ. ಕಳೆದ ವರ್ಷ ಇದೇ ಅವಧಿಯಲ್ಲಿ ಆದಾಯ ಪ್ರಮಾಣ 9,663.35 ಕೋಟಿ ರು ನಷ್ಟಿತ್ತು. ಆದಾಯ ಗಳಿಕೆಯಲ್ಲಿ ಟಿಸಿಎಸ್ ಒಟ್ಟಾರೆ ಶೇ 36.63ರಷ್ಟು ಪ್ರಗತಿ ಸಾಧಿಸಿದೆ.
ಈ ತ್ರೈಮಾಸಿಕದಲ್ಲಿ ಟಿಸಿಎಸ್ ಸುಮಾರು 10 ಹೊಸ ಒಪ್ಪಂದಗಳಿಗೆ ಸಹಿ ಹಾಕಿದೆ. ಸುಮಾರು 40ಕ್ಕೂ ಅಧಿಕ ಹೊಸ ಗ್ರಾಹಕರನ್ನು ಸೆಳೆದಿದೆ. 18,907 ಉದ್ಯೋಗಿಗಳನ್ನು ಸಂಸ್ಥೆಗೆ ನೇಮಕ ಮಾಡಿಕೊಳ್ಳಲಾಗಿದೆ.
ಡಿ.31, 2011ರ ಕೊನೆಗೆ ಟಿಸಿಎಸ್ ನಲ್ಲಿ ಒಟ್ಟು 2,26,751 ಉದ್ಯೋಗಿಗಳಿದ್ದಾರೆ ಎಂದು ಸಿಎಫ್ ಒ ಎಸ್ ಮಹಾಲಿಂಗಂ ಹೇಳಿದ್ದಾರೆ.
Click it and Unblock the Notifications
Sign in with Google