ಪಾಲಿಶ್ ನೆಪದಲ್ಲಿ 132 ಗ್ರಾಂ ಚಿನ್ನ ದೋಚಿದ ಕಳ್ಳರು
ವಿಶಾಲಾಕ್ಷಮ್ಮ ಮನೆಯಲ್ಲಿ ಇದ್ದಾಗ ಸುಮಾರು 30 ವರ್ಷ ವಯಸ್ಸಿನ ಇಬ್ಬರು ಯುವಕರು ಬಂದು ಬೆಳ್ಳಿ ಬಂಗಾರ ಪಾಲಿಶ್ ಮಾಡುತ್ತೇವೆಂದು ಹೇಳಿದ್ದಾರೆ. ವಿಶಾಲಾಕ್ಷಮ್ಮ ಹೌದೇ ಎಂದು ಊರಗಲ ಕಣ್ಣರಳಿಸಿ ಒಂದ್ನಿಮಿಷ ಇರಿ ಬರ್ತೀರಿ, ಒಡವೆ ಎಲ್ಲಾ ತಂದುಕೊಡ್ತೀನಿ ಎಂದು ಹೇಳಿ, 4 ಬಂಗಾರ ಬಳೆಗಳು, 3 ಬಂಗಾರದ ಸರಗಳು, 4 ಬಂಗಾರದ ಉಂಗುರಗಳನ್ನು ತಂದು ಕೊಟ್ಟಿದ್ದಾರೆ.
ಮಿಕ ಬಲೆಗೆ ಬಿದ್ದದ್ದನ್ನು ಒಳಗೊಳಗೆ ಸಂತಸ ಪಟ್ಟ ಆಸಾಮಿಗಳು ಕುಕ್ಕರ್ ತರಿಸಿಕೊಡಲು ಹೇಳಿದ್ದಾರೆ. ಬಂಗಾರದ ಒಡವೆಗಳಿಗೆ ಅರಿಶಿನಪುಡಿ ಹಾಕಿ 20 ನಿಮಿಷ ಕುದಿಸಿ ನಂತರ ಒಡವೆಗಳನ್ನು ತೆಗೆಯಿರಿ ಎಂದು ಹೇಳಿ ಹೋಗಿದ್ದಾರೆ. ವಿಶಾಲಾಕ್ಷಮ್ಮನವರು ಕುತೂಹಲ ತಡೆಯಲಾರದೆ 10 ನಿಮಿಷದ ನಂತರ ಕುಕ್ಕರ್ ನೋಡಲಾಗಿ ಬಂಗಾರದ ಒಡವೆಗಳು ಮಾಯವಾಗಿದ್ದನ್ನು ಮನಗಂಡು ಹೌಹಾರಿದ್ದಾರೆ.
ಪಾಲಿಷ್ ನೆಪದಲ್ಲಿ ಆಸಾಮಿಗಳು ಮೋಸ ಮಾಡಿ ಸುಮಾರು 132 ಗ್ರಾಂ ತೂಕದ ಸುಮಾರು ರು. 3,25, 000 ಮೌಲ್ಯದ ಬಂಗಾರದ ಒಡವೆಗಳನ್ನು ಅಪಹರಿಸಿದ್ದಾರೆ ಎಂದು ವಿಶಾಲಾಕ್ಷಮ್ಮ ದೂರು ನೀಡಿದ ಮೇರೆಗೆ ಹೊಳಲ್ಕೆರೆ ಪೊಲೀಸ್ ಠಾಣೆಯಲ್ಲಿ ಕೇಸು ದಾಖಲಾಗಿರುತ್ತದೆ. (ಒನ್ಇಂಡಿಯಾ ಕನ್ನಡ)
Click it and Unblock the Notifications
Sign in with Google