ಮಂಗಳೂರಿನಲ್ಲಿ ಚಿನ್ನಾಭರಣ ದೋಚಿ ಮಹಿಳೆ ಕೊಲೆ

ಮನೆಯಲ್ಲಿ ಒಂಟಿಯಾಗಿ ವಾಸವಾಗಿದ್ದ ಮಹಿಳೆಯನ್ನು ಕೊಲೆ ಮಾಡಿದ ದುಷ್ಕರ್ಮಿಗಳು ಚಿನ್ನಾಭರಣಗಳೊಂದಿಗೆ ಪರಾರಿಯಾಗಿರುವ ಘಟನೆ ಶನಿವಾರ ಬೆಳಗ್ಗೆ ನಡೆದಿದೆ.

ಕೊಲಚೆ ಕಂಬ್ಲಾ ಎಂಬಲ್ಲಿ ವಾಸಿಸುತ್ತಿದ್ದ 80 ವರ್ಷದ ಲಲಿತಾ ಪೂಜಾರಿ ಎಂಬ ಮಹಿಳೆಯೇ ಕೊಲೆಯಾದಾಕೆ. ಮನೆಯಲ್ಲಿ ಒಬ್ಬಳೇ ಇದ್ದ ಮಹಿಳೆಯ ಕುತ್ತಿಗೆಯನ್ನು ಹಿಸುಕಿ ಕೊಲೆ ಮಾಡಿ ಚಿನ್ನಾಭರಣವನ್ನು ಲೂಟಿ ಮಾಡಿಕೊಂಡು ಪರಾರಿಯಾಗಿರುವುದಾಗಿ ತಿಳಿದುಬಂದಿದೆ.

ಈ ಘಟನೆ ಶುಕ್ರವಾರ ರಾತ್ರಿಯೇ ನಡೆದಿರಬಹುದಾದ ಶಂಕೆ ವ್ಯಕ್ತಗೊಂಡಿದೆ. ಮುಲ್ಕಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಹಿರಿಯ ಪೊಲೀಸ್ ಅಧಿಕಾರಿಗಳು ಸ್ಥಳದ ಪರಿಶೀಲನೆ ಮುಂದುವರೆಸಿದ್ದಾರೆ. ಘಟನೆಯ ಸಂಪೂರ್ಣ ವಿವರ ಇನ್ನೂ ಲಭಿಸಿಲ್ಲ.

English summary

Woman who stayed alone in home was found murdered by dacoits in mangalore on Saturday november 19. Dacoits fled with gold and other jewellery as per report. More information about this incident awaited.