ದೆಹಲಿಯಲ್ಲಿ ಕೆಎಸ್‌ಐಸಿ ಸೀರೆ ಮಳಿಗೆ ಪ್ರಾರಂಭ

ರಾಜಧಾನಿ ನವದೆಹಲಿಯಲ್ಲಿ ಮೈಸೂರು ರೇಷ್ಮೆ ಸೀರೆ ವ್ಯಾಪಾರ ಮಳಿಗೆಯನ್ನು ಪ್ರಾರಂಭಿಸಲಾಗಿದೆ. ಕರ್ನಾಟಕ ಭವನದ ಪ್ರಾದೇಶಿಕ ಆಯುಕ್ತರಾದ ಶ್ರೀಮತಿ ವಂದನಾ ಗುರ್ನಾನಿ ಸೋಮವಾರ ದೀಪ ಬೆಳಗುವುದರ ಮುಖಾಂತರ ಮಳಿಗೆಗೆ ಚಾಲನೆ ನೀಡಿದರು.

ದೆಹಲಿಯ ರೇಷ್ಮೆ ಸೀರೆ ಅಂಗಡಿ ಬಾಬಾ ಖಾರಕ್ ಸಿಂಗ್ ಮಾರ್ಗ್ ನಲ್ಲಿರುವ ಕಾವೇರಿ ಎಂಪೋರಿಯಂನಲ್ಲಿದೆ. ಸೀರೆ ಭಾರತೀಯ ನಾರಿಯರ ಸಾಂಪ್ರದಾಯಿಕ ಉಡುಗೆಯಾಗಿದ್ದು ಅದರಲ್ಲೂ ಕರ್ನಾಟಕದ ಮೈಸೂರು ಸಿಲ್ಕ್ ಸೀರೆ ( KSIC) ವಿಶ್ವಪ್ರಸಿದ್ಧ.

ಟ್ರೇಡ್ ಫೇರ್ : ಭಾರತ ಅಂತರರಾಷ್ಟ್ರೀಯ ವ್ಯಾಪಾರ ಮೇಳ 2011 (IITF)ಇದೀಗ ದೆಹಲಿಯಲ್ಲಿ ನಡೆಯುತ್ತಿದೆ. ಇಲ್ಲಿನ ಕರ್ನಾಟಕದ ವ್ಯಾಪಾರದ ಮಳಿಗೆಗೆ ಕರ್ನಾಟಕ ಸರ್ಕಾರದ ದೆಹಲಿ ವಿಶೇಷ ಪ್ರತಿನಿಧಿ ವಿ. ಧನಂಜಯ್ ಕುಮಾರ್ ಪ್ರಗತಿ ಮೈದಾನದಲ್ಲಿ ಸೋಮವಾರ ಚಾಲನೆ ನೀಡಿದರು.

ಈ ಸಂದರ್ಭದಲ್ಲಿ ಕರ್ನಾಟಕದ ಅಧಿಕಾರಿಗಳಾದ ಕೆ.ಎಸ್ ಶಿವಸ್ವಾಮಿರವರು, ಪ್ರಾದೇಶಿಕ ಆಯುಕ್ತರಾದ ವಂದನಾ ಗುರ್ನಾನಿ, ಬೈಕೆರೆ ನಾಗೇಶ್ ಮುಂತಾದ ಗಣ್ಯರು ಹಾಜರಿದ್ದರು.

English summary

Mysore Silk Industries Corporation Limited ( KSIC) opens Saree Sales Counter in Delhi. The Counter was inaugurated by Mrs Vandana Gurnani,The Resident commissioner,Karnataka Bhavan.