ಸ್ವಾಭಿಮಾನಿ ಶ್ರೀರಾಮುಲು ಆಸ್ತಿ 45 ಕೋಟಿ ರೂ.

ಬಳ್ಳಾರಿ, ನ. 10: ಬಳ್ಳಾರಿ ಗ್ರಾಮಾಂತರ ವಿಧಾನಸಭಾ ಕ್ಷೇತ್ರದ ಉಪ ಚುನಾವಣೆಗೆ ಸ್ವತಂತ್ರ ಅಭ್ಯರ್ಥಿಯಾಗಿ ಸ್ಪರ್ಧಿಸಿರುವ ಗಣಿ ದೊರೆ ಜನಾರ್ದನ ರೆಡ್ಡಿ ಅವರ ಅತ್ಯಾಪ್ತ, ಮಾಜಿ ಸಚಿವ ಬಿ. ಶ್ರೀರಾಮುಲು ಸುಮಾರು 45 ಕೋಟಿ ರೂಪಾಯಿ ಆಸ್ತಿ ಹೊಂದಿದ್ದಾರೆ.

ಬುಧವಾರ ನಾಮಪತ್ರ ಸಲ್ಲಿಸುವ ವೇಳೆ ಚುನಾವಣಾಧಿಕಾರಿಗೆ ನೀಡಿರುವ ಆಸ್ತಿ ದೃಢೀಕರಣ ಪತ್ರದಲ್ಲಿ ಶ್ರೀರಾಮುಲು ಈ ಆಸ್ತಿ ವಿವರ ಅಫಿಡವಿಟ್ ಸಲ್ಲಿಸಿದ್ದಾರೆ.ರಾಮುಲು ಬಳಿ 58,98,229 ರೂ. ನಗದು ಹಣವಿದ್ದರೆ ಅವರ ಪತ್ನಿ ಭಾಗ್ಯಲಕ್ಷಿ ಬಳಿ ಕೇವಲ 95,600 ರೂ. ಇದೆಯಂತೆ.

ಶ್ರೀರಾಮುಲು ಬಳಿ 27.72 ಕೋಟಿ ಚರಾಸ್ತಿ, 9.68 ಕೋಟಿ ರೂ ಸ್ಥಿರಾಸ್ತಿ ಇದೆ. ಅವರ ಪತ್ನಿ ಭಾಗ್ಯಲಕ್ಷಿ 5 ಕೋಟಿ ರೂ. ಚರಾಸ್ತಿ ಮತ್ತು 2 ಕೋಟಿ ರೂ. ಸ್ಥಿರಾಸ್ತಿ ಇದೆ. ಜತೆಗೆ 40 ಲಕ್ಷ ರೂ. ಬೇರೆ ಕಡೆಗಳಲ್ಲಿ ಹೂಡಿಕೆ ಮಾಡಿದ್ದು, ಸುಮಾರು 6.6 ಕೋಟಿ ರು ಮೌಲ್ಯದ ನಾನಾ ಬಾಂಡ್‌ ಹೂಡಿಕೆಗಳನ್ನೂ ಮಾಡಿದ್ದಾರೆ.

English summary

Bellary rural constituency: BJP Rebel Sreeramulu submits assets affidavit while filling nomination papers.