ಸ್ತ್ರೀ ಪೀಡನೆ: ಸಾಕ್ಷರ ಕೇರಳ ದೇಶಕ್ಕೇ 'ಮಾದರಿ'!

ಕೊಚ್ಚಿ, ಅ.29: ಸಾಕ್ಷರತೆಯಲ್ಲಿ ಮತ್ತು ಮಹಿಳಾ ಜನಸಂಖ್ಯೆಯಲ್ಲಿ ಮುಂದಿರುವ ಕೇರಳ ಮಹಿಳೆಯರ ಮೇಲಿನ ಕಿರುಕುಳದಲ್ಲೂ ದೇಶದಲ್ಲೇ ಅಗ್ರಸ್ಥಾನದಲ್ಲಿದೆ. ಸ್ತ್ರೀ ಪೀಡನೆ ಕೇರಳದ ಸಮಾಜದಲ್ಲಿ ಚಟದಂತಹ ಪಿಡುಗಾಗಿ ಪರಿಣಮಿಸಿದ್ದು ಇದನ್ನು ನಿವಾರಿಸುವ ಅಗತ್ಯವಿದೆ ಎಂದು ಸ್ವತ: ಸಮಾಜ ಕಲ್ಯಾಣ ಸಚಿವ ಡಾ. ಎಂ. ಕೆ. ಮುನೀರ್ ಪ್ರತಿಪಾದಿಸುತ್ತಿದ್ದಾರೆ.

ವಿದ್ಯಾಭ್ಯಾಸ ಮತ್ತು ಕುಟುಂಬದ ಆರ್ಥಿಕ ಸ್ಥಿತಿಗತಿಗೂ ಸ್ತ್ರೀ ಪೀಡನೆಗೂ ಯಾವುದೇ ರೀತಿಯಲ್ಲಿ ಸಂಬಂಧವಿಲ್ಲ ಎಂದು ಕೇರಳದಲ್ಲಿ ಸಾಬೀತಾಗಿದೆ. ಯಾಕೆಂದರೆ ಹೆಂಡತಿಯರನ್ನು ಪೀಡಿಸುವವರಲ್ಲಿ ಬಹುತೇಕ ಮಂದಿ ಉತ್ತಮ ಶಿಕ್ಷಣ ಹೊಂದಿದವರೇ.

ಕೈತುಂಬ ಸಂಬಳ ಪಡೆದುಕೊಳ್ಳುವ ಸರಕಾರಿ ಮತ್ತು ಖಾಸಗಿ ನೌಕರರು, ವೈದ್ಯರು, ಇಂಜಿನಿಯರುಗಳಂತಹ ಉನ್ನತ ವೃತ್ತಿಪರರು ಕೂಡ ಹೆಂಡತಿಯನ್ನು ಹಿಂಸಿಸುವುದರಲ್ಲಿ ಹಿಂದೆ ಬಿದ್ದಿಲ್ಲ.

ಅಂತೆಯೇ ಕೇರಳದಲ್ಲಿ ವೃದ್ಧರ ಸಂಖ್ಯೆಯೂ ಗಣನೀಯವಾಗಿ ಹೆಚ್ಚುತ್ತಿದೆ. ವೃದ್ಧ ಸಂಖ್ಯೆ ರಾಷ್ಟ್ರೀಯ ಸರಕಾಸರಿ ಶೇ.7 ಇದ್ದರೆ ಕೇರಳದಲ್ಲಿ ಇದರ ಇಮ್ಮಡಿಗಿಂತಲೂ ಹೆಚ್ಚು ಅಂದರೆ ಶೇ. 15 ಇದೆ. ವೃದ್ಧ ಮಹಿಳೆಯರನ್ನು ಸಂರಕ್ಷಿಸುವುದು ಭವಿಷ್ಯದಲ್ಲಿ ಮಹಿಳಾ ಆಯೋಗದ ಪಾಲಿಗೊಂದು ಸವಾಲಾಗಿ ಪರಿಣಮಿಸಲಿದೆ ಎಂದು ಮುನೀರ್ ಹೇಳಿದ್ದಾರೆ.

English summary

Violence against women on the rise in literate Kerala. The state that boasts India's highest literacy levels and excellent social development indicators see a 300% increase in violence against women. Its possibly because literacy and education do not change mindsets. In a deeply patriarchal society, education teaches women only to be good wives and mothers.