ಜಯನಗರದಲ್ಲಿ ವೇಶ್ಯಾವಾಟಿಕೆ: ಏಳು ಯುವತಿಯರ ಬಂಧನ

ಬೆಂಗಳೂರು, ಅ.14: ಕೆಲಸ ಕೊಡಿಸುವ ನೆಪದಲ್ಲಿ ಹೊರ ರಾಜ್ಯದಿಂದ ಯುವತಿಯರನ್ನು ಕರೆತಂದು ವೇಶ್ಯಾವಾಟಿಕೆ ನಡೆಸುತ್ತಿದ್ದ ಆರೋಪದ ಮೇಲೆ ಸಿಸಿಬಿ ಪೊಲೀಸರು ಮೂವರನ್ನು ಬಂಧಿಸಿದ್ದಾರೆ. ಇದೇ ವೇಳೆ ಏಳು ಯುವತಿಯರನ್ನು ರಕ್ಷಿಸಿ, ವಶಕ್ಕೆ ತೆಗೆದುಕೊಂಡಿದ್ದಾರೆ.

ಬಂಧಿತ ಆರೋಪಿಗಳನ್ನು ಬನಶಂಕರಿಯ ಸುಬ್ರಹ್ಮಣ್ಯ (31), ಕೋಣನಕುಂಟೆ ಕ್ರಾಸ್‌ನ ಸದಾಶಿವ (28) ಹಾಗೂ ಸಾರಾಯಿಪಾಳ್ಯದ ಬಾಬು ಪೀರ್ (32) ಎಂದು ಗುರುತಿಸಲಾಗಿದೆ. ಆರೋಪಿಗಳು ಜಯನಗರ ಟಿ ಬ್ಲಾಕ್‌ನ 11ನೆ ಮುಖ್ಯರಸ್ತೆ, 38ನೆ ಕ್ರಾಸ್‌ನಲ್ಲಿರುವ ಅಪಾರ್ಟ್ ಮೆಂಟಿನಲ್ಲಿ ವೇಶ್ಯಾವಾಟಿಕೆ ನಡೆಸುತ್ತಿದ್ದರು ಎಂದು ಹೇಳಲಾಗಿದೆ.

ಆರೋಪಿಗಳಿಂದ 8 ಸಾವಿರ ರೂಪಾಯಿ ನಗದು, ವೇಶ್ಯಾ ದಂಧೆಗೆ ಗಿರಾಕಿಗಳನ್ನು ಸಂಪರ್ಕಿಸಲು ಬಳಕೆ ಮಾಡುತ್ತಿದ್ದ ಏಳು ಮೊಬೈಲ್‌ ಫೋನ್‌ಗಳನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ.

ಇದೇ ಪ್ರಕರಣಕ್ಕೆ ಸಂಬಂಧಿಸಿದಂತೆ ಶ್ಯಾಮಸುಂದರ್, ರವಿ ಹಾಗೂ ರಾಜ ಎಂಬವರು ತಲೆ ಮರೆಸಿಕೊಂಡಿದ್ದು ಅವರ ಬಂಧನಕ್ಕೆ ಶೋಧ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಈ ಸಂಬಂಧ ಜಯನಗರ ಪೊಲೀಸ್ ಠಾಣೆಯಲ್ಲಿ ಮೊಕದ್ದಮೆ ದಾಖಲಿಸಿಕೊಳ್ಳಲಾಗಿದೆ.

English summary

Bangalore CCB police have busted a prostitution racket in Jayanagar on Oct 13. Seven girls rescued and 3 youths are arrested.