ಪಾರ್ಟಿಯಲ್ಲಿ ಮಹಿಳೆಯರ ಮೇಲೆ ರೇಪ್: ನಾಲ್ವರಿಗೆ ಗಲ್ಲು ಶಿಕ್ಷೆ

ಟೆಹರಾನ್, ಅ. 13: ಇರಾನ್‌ನಲ್ಲಿ ನಾಲ್ವರು ಅತ್ಯಾಚಾರಿಗಳಿಗೆ ಬುಧವಾರ ಸಾರ್ವಜನಿಕರೆದುರು ಗಲ್ಲಿಗೇರಿಸಲಾಯಿತು. ಇವರನ್ನು ಇಸ್‌ಫಾನ್ ಪ್ರಾಂತ್ಯದ ಖೊಮೇನಿ ಶಹರಿನ ಉದ್ಯಾನದಲ್ಲಿ ಸಾರ್ವಜನಿಕರೆದುರು ಗಲ್ಲಿಗೇರಿಸಲಾಯಿತು.

ಜೂನ್ ತಿಂಗಳಲ್ಲಿ ಕುಟುಂಬವೊಂದರ ಸಮಾರಂಭದಲ್ಲಿ ಈ ಆರೋಪಿಗಳು ಹಲವಾರು ಮಹಿಳೆಯರ ಮೇಲೆ ಅತ್ಯಾಚಾರವೆಸಗಿದ್ದರು ಎಂದು ಮೆಹರ್ ಸುದ್ದಿಸಂಸ್ಥೆ ವರದಿ ಮಾಡಿದೆ. ಆದರೆ ಶಿಕ್ಷೆಗೊಳಗಾದವರ ಹೆಸರು, ಪ್ರವರಗಳನ್ನು ಅಧಿಕಾರಿಗಳು ಬಹಿರಂಗಪಡಿಸಿಲ್ಲ.

ಅತ್ಯಾಚಾರ ಸೇರಿದಂತೆ ಮಾದಕ ವಸ್ತು ಸಾಗಣೆ, ಹತ್ಯೆ, ದರೋಡೆ, ಅಕ್ರಮ ಸಂಬಂಧ ಮುಂತಾದ ಕುಕೃತ್ಯಗಳಿಗೆ ಇರಾನಿನಲ್ಲಿ ಗಲ್ಲು ಶಿಕ್ಷೆ ವಿಧಿಸಲಾಗುತ್ತದೆ.

English summary

Iran Wednesday publicly hanged four men convicted of rapes. The men who were hanged in public in a park in Khomeini Shahr of Isfahan province were convicted of raping several women in a family party in June.