ನಿತಂಬ ತೋರುವ ಜೀನ್ಸ್ ಆಡ್ ನೋಡಿದ್ರಾ?

ಬೆಂಗಳೂರು, ಸೆ.23: ದೇಶದ ಪ್ರತಿಷ್ಠಿತ ಡೆನಿಮ್ ಬ್ರ್ಯಾಂಡ್ 'ಫ್ಲೈಯಿಂಗ್ ಮಷೀನ್' ತನ್ನ ಇತ್ತೀಚಿನ ಜಾಹೀರಾತಿನಲ್ಲಿ ಮಹಿಳಾ ರೂಪದರ್ಶಿಯ ಹಿಂಭಾಗವನ್ನು ಅಸಭ್ಯವಾಗಿ ತೋರಿಸಿರುವುದು ಮಹಿಳಾ ಸಂಘಟನೆಗಳ ಕಂಗೆಣ್ಣಿಗೆ ಕಾರಣವಾಗಿದೆ.

ಟೈಟ್ ಜೀನ್ಸ್ ಹಾಕಿಕೊಂಡ ಯುವತಿಯ ನಿತಂಬವಿರುವ ಚಿತ್ರದಲ್ಲಿ 'What An A**, Kiss My A** ಎಂದು ಪ್ರಚೋದನಕಾರಿ ತಲೆಬರಹಗಳನ್ನು ನೀಡಲಾಗಿದೆ.

ಒಂದು ಚಿತ್ರದಲ್ಲಿ ರೂಪದರ್ಶಿ ನಗ್ನ ಬೆನ್ನಿಗೆ ಅಕ್ಷರಗಳು ಮಾತ್ರ ಹೊದಿಕೆಯಾಗಿದೆ. ಈ ಜಾಹೀರಾತು ಕುರಿತು ರಾಷ್ಟ್ರೀಯ ಮಹಿಳಾ ಆಯೋಗ ಮತ್ತು ಮಹಿಳಾ ಮತ್ತು ಮಕ್ಕಳ ಅಭಿವೃದ್ದಿ ಸಚಿವಾಲಯದಲ್ಲಿ ದೂರು ದಾಖಲಾಗಿದೆ.

ಹೆಣ್ಣನ್ನು ಕೇವಲ ಕಾಮದೃಷ್ಟಿಯಿಂದ ಕಾಣಲು ಪ್ರಚೋದಿಸುವ ಇಂಥ ಜಾಹೀರಾತುಗಳನ್ನು ನೀಡಿರುವ ಅರವಿಂದ್ ಮಿಲ್ಸ್ ಸಂಸ್ಥೆ ಕ್ಷಮೆಯಾಚಿಸಬೇಕು ಎಂದು ಮಹಿಳಾ ಹಕ್ಕು ಹೋರಾಟಗಾರ್ತಿ ಮತ್ತು ಸಮಾಜ ಸಂಶೋಧನಾ ಕೇಂದ್ರದ ನಿರ್ದೇಶಕಿ ರಂಜನಾ ಕುಮಾರಿ ಆಗ್ರಹಿಸಿದ್ದಾರೆ.

ನೋ ಪ್ರಾಬ್ಲಂ ಎಂದ ಕಂಪನಿ: ಅಹಮದಾಬಾದ್ ಮೂಲದ ಅರವಿಂದ್ ಮಿಲ್ಸ್ ಒಡೆತನದ ಕಂಪನಿ, 'ಇದೊಂದು ಅಸಭ್ಯ ಜಾಹೀರಾತಲ್ಲ. ಭಾವೋದ್ವೇಗಕಾರಿ ಎನ್ನಬಹುದು. ಚಿತ್ರವನ್ನು ಸರಿಯಾಗಿ ಗಮನಿಸಿದರೆ ಶೀರ್ಷಿಕೆಗೂ ಚಿತ್ರಕ್ಕೂ ಹೇಗೆ ಹೊಂದಿಕೆಯಿದೆ, ಹಾಸ್ಯ ಪ್ರಜ್ಞೆಯಿಂದ ಹೇಗೆ ಕೂಡಿದೆ ಎಂಬುದು ತಿಳಿದುತ್ತದೆ ಎಂದು ಹೇಳಿ ಜಾಹೀರಾತನ್ನು ಸಮರ್ಥಿಸಿಕೊಂಡಿದೆ.

English summary

Flying Machine, a known apparel brand from Arvind Mills's new ad drawn controversy. A printed has picture of a female model wearing a tight fit jeans, with a tagline in bold as: 'What an Ass!' and kiss my A..